07.03.2010-16:15

• Psixoloji məsləhətlər

37 035

29

Psixoloq özünəinamı artırmaq üçün 7 üsul təklif edir.
1. MƏQSƏDINIZI DƏQIQ TƏYIN EDIN.
Iki yolla gedə bilərsiniz:
A) Asan yolla  başqalarının mənfi xüsusiyyətlərini tapıb, üzə çıxartmaqla  öz sadə nailiyyatlərinizlə fəxr etmək.
B) Çətin, amma dəyərli, düzgün yolla  daim bilik və bacarıqlarınızı artırmaqla - mənfi cəhətlərinizi tapıb, onları aradan qaldırmaq. Bu yol özünüqiymətləndirmənin səviyyəsini mütləq artıracaq.
2. TƏBİİ, ZƏRURI HADISƏLƏRƏ HAZIR OLUN!
Hər bir insan həyatı boyu müxtəlif krizis dövrləri keçirir. Bu mərhələlərdə o, yaşadığı dövr ərzində özü-özünə hesabat verir. Qarşısında yeni məqsədlər qoyur, mənəvi dəyərləri daha da genişləndirir. 30 və 40 yaş ən vacib, çətin krizis mərhələləridir. Bu yaş dövrünə hazır olmaq lazımdır. Depressiyaya düşməmək üçün bu yolda ən uğurlu nailiyyətlərinizi yadınıza salın.
Kişilərin özünüqiymətləndirmə səviyyəsi, orta hesabla, qadınlardan aşağı olur. Mütəxəssislər hesab edir ki, bu fakt kişilər arasında erkən ölüm hadisələrini doğruldur və bundan başqa onların daha çox spirtli içkilərə meyli olduğunada səbəb ola bilər.
3. ÖZ FƏRDI MÜDAFIƏ SISTEMINIZI SEÇIN. Özünüqiymətləndirmə hər zaman ətrafdan taziqlə üzləşir. Biz cəmiyyətdə özünüqiymətləndirmənin bir neçə növ müdafiə sistemi ilə rastlaşa bilərik. Məsələn, biri əl çatmayan, amma çox arzusunda olan hadisəni dəyərsizləşdirir. Başqası, əksinə, başına gələn xoşagəlməz əhvalatı yaşayarkən gülümsəyir, özünü laqeyd apamağa çalışır.
4. UNUTMAYIN: SIZ TƏNHA DEYILSIZ!
Özünə inamı az və yaxud zəif olan insan daha çox ətrafdan rəğbət, təsəlli gözləyir. Söhbət zamanı o, çalışır ki, həmsöhbətinin problemlərini qeyd etsin və bununla özünün problemlər içində tək olmadığını bir az unutsun.
5. MÜTƏXƏSSISƏ MÜRACIƏT ETMƏKDƏN ÇƏKINMƏYIN. Əsaslandırılmış yüksək özünüqiymətləndirmə insana heyatda uğur gətirir. Bəzən biz özümüzü kənardan düzgün-hərtərəfli görə bilmirik. Bu zaman mütəxəssis məsləhəti bir çox məsələlərə aydınlıq gətirə bilər.
O, Sizə qərəzsiz, obyektiv özünüqiymətləndirmədə yardımçı olar.
6. DOSTLARINIZIN MƏSLƏHƏTLƏRINDƏN ISTIFADƏ EDIN. Ətrafdakıların fikirlərinə həssaslıqla yanaşma  özünüqiymətləndirmə üçün çox yaxşı üsuldur. Siz hətta eksperiment keçirə bilərsiz. Etibar etdiyiniz bir neçə adam seçin və onlara Sizdə olan bu xüsusiyyətləri nə dərəcədə inkişaf etdiyinin qiymətləndirməsini təklif edin: məs'uliyyətli olmağınızı, özünətənqidi, həmsöhbətə qulaq asmaq bacarığını, özünənəzarəti, inadkarlığı. On ballıq şkaladan istifadə edin. Hər cəhət üçün alınan nəticələri toplayın - bu rəqəmlər Sizə özünüz haqqinda o qədər yeni məlumat deyecək ki!
7. ÖZÜNÜZÜ SEVIN!
Özünüqiymətləndirməni aclıq hissi ilə müqayisə etmək olar. Bir müddət tələbatın ödənilir, amma az sonra yenə boşluq-aclıq əmələ gəlir və bu Sizə narahatçılıq gətirir. Necə ki, sevənlər daim sevildikləri haqqında soruşmaqdan yorulmurlar, o cür də bizim özümüzüqiymətləndirməyimiz daim diqqət tələb edir. Dünyaya pozitiv yanaşın  çalışın mənfi hadisələrdə  müsbət cəhətləri nəzərə alasınız. Hər gün elədiyiniz 5 iş üçün özünüzü tərifləməyi unutmayın.
Özünüzün ən yaxın, yaxşı dostu olun. Heç kimlə özünüzü müqaisə etməyin  hər kəs unikaldır! Heyatda öz üslubunuzu tapın. Hər səhər yadınıza salın ki, Siz bu həyatda unikalsız və dünyada xüsusi yeriniz var.
Səhvlərinizi bağışlayın, özünüzü bağışlamağı öyrənin. Əgər bunu bacarsanız, onda qəlb rahatlığı, sakitlik Sizi tapacaq.

0 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

PSY