Bu yaxınlarda bu sual ətrafında tanınmış amerika jurnalı ''Vanity Fair'' 1168 qadın arasında sorgu aparmışdır. Qadınlardan ideal kişi xarakterini canlandırmaq xahiş olunub. Birinci yerdə təhsil durub, qadınların fikirincə ideal kişi təhsilli olmalıdır. İkinci yerdə əməksevərlik durub. 28 faiz qadının nəzərincə yalnız bu cür kişi əsl ideal sayıla bilər. 27 faiz qadınlar üçün ideal - yerini və danışıgını bilən, az danışanlardır. Yalnız 1 faiz qadınlar üçün ideal kişi - idmançı bədən quruluşuna malik olanlardır.
Tədqiqatda iştirak edən qadınlar arasında ''ana uşağı'' kimi tipləri də ideal sayanlar az olmayıb. 69 faiz qadınların düşüncəsinə görə, evləndikləri şəxs daim anasının yoxlaması altında, anasının dediyi ilə oturub-durarsa onunla evliliyin nəticəsi xoş olar. Qadın nəzarətində olan bu cür kişilər evləndikdən sonra da xanımının nəzarətində olur, onun hər dediyinə razılaşır və gozəl ailə başçısı olur.
Bu cür araşdırmanı ''Murine eye drops'' (Murinə göz damcıları) adlı şirkət də aparmışdır. Eksperimentdə iştirak edənlər üçün maraqlı sual qoyulub - qadınlar kişilərdə hansı xüsussiyyətlərə diqqət edir? Cavablardan aydın olub ki, ilk əvvəl gözlər və gülüş qadının diqqətini cəlb edir. Daha sonra boy, geyim tərzi, davranışı və nədənsə burun forması qadınlar üçün ilk görüşdə maraqlı olur.
Şirkət eyni sorğunu kişilər arasında da aparmışdır. Məlum olub ki, bu cinsin nəzərini ilk əvvəl qadının sinəsi və ayaqları cəlb edir. 70 faiz kişilərin fikirincə, xanımların gözləri və gülüşü qüsursuzdursa, o, ideal xanım sayıla bilər.
Ümumiyyətlə, nəzəriyyələri cəmləyib belə nəticəyə gəlmək olar ki, kişilər və xanımların bir-birində axtardıqları və arzuladıqları heç də fərqli deyil. Gözlər çox şey deyir, eləcə də bir gülüş qarşındakının fikirinin dəyişilməsinə təsir edir.
Mənə elə gəlir ki, hər qadın qarşısındakı kişidən azacıq da olsa ideal xarakter gormək istəyir. Əgər bu xarakterlərdən az da olsa varsa, qadının gözündə kişi artıq idealdır. Həmin xarakterlər bunlardır ki, qarşılığında xanımdan da çox şey aslıdır:
1. Sevgi birinci pillədə durur. Hər qadın yoldaşından sevgi istəyir. O, arzuolunan olduğunu hiss etsə, özünə qarşı hər addımda sevgi görsə, əlbbəttə ki, qarşısındakını da ideal olaraq görəcək.
2. Qayğı dedikdə ilk əvvəl gözümüzdə ''yatağa gətirilən nahar'' canlanır. Bu hiss kişilərimizə tamam yad hiss olduğundan, onlar qayğısını başqa formada göstərə bilər. Məsələn: ev işlərində, uşaqların tərbiyyəsində xanımıyla əl-ələ verməli, xanımının naxoş oldugu gün isə bunları təkbaşına yerinə yetirməlidir.
3. Yumor hissi olan kişilər heç də darıxdırıcı olmur. Ər evdə optimist olmalı və xanımının əhvalını qaldırmağı bacarmalıdır (yerində). İşdə yaşadığı xoşagəlməz hadisələrin verdiyi əsəbiliyi evə gələrkən özü ilə gətirməməlidir.
4. İnamlı olan kişiyə bel bağlamaq olar. Axı o heç vaxt xəyanətə yol verməz. Bu isə kişini qadın gözündə əsl ideal edər...
Dərk edib yadda saxlayaq ki, ərin ''ər'' olmağı xanımından asılıdır. Qısası-xanım evində elə bir ab-hava yaratmalıdır ki, kişi də o iqlimin hava şəraitinə uyğunlaşıb ailəsinə qarşı məsuliyyət daşısın. Yalnız bu zaman heç bir cins ideal axtarmaq məcburiyyətində qalmaz!..
XƏBƏR LENTİ
- ŞƏRHLƏR