Xoşbəxt ailələrin arxasındakı sirr:Həyat yoldaşınızla eyni komandanın oyunçusu olduğunuzu unutmayın!
Bir çox insanlar ailə qurmağa addım atarkən,yaşanan romantik hisslərin də təsiri ilə,”Bizim bir-birimizə olan hisslərimiz o qədər güclüdür ki,biz heç bir problem yaşamayacağıq,hər çətinliyi keçə bilərik,lazımsız sıxıntılar keçirməyə heç ehtiyac da yoxdur” deyə düşünürlər.Ancaq,vaxt keçdikcə ətrafımızdakı heç bir şeyi əbədi,daimi tuta bilmədiyimiz kimi,evliliklərdə də hər şeyi ilk günkü kimi saxlamaq çox çətinləşir.Həm qadın,həm də kişinin dəyişilən,artan ehtiyacları,arzuları,istəkləri arasında xırda söz-söhbətləri danılmaz olur.Əgər bu söz-söhbət(lər) yaxşı və xoşagələn şəkildə həll olunmazsa,bu hal xroniki və gərgin,əsəb hallarına səbəb ola bilər.Bir vaxtlar ideal üzüylə tanıdığınız yoldaşınız və evliliyiniz yerini lazımsız hərəkətlərlə əvəz edir.
Bir psixoloq olaraq,məsələləri “Sən haqsızsan,mən haqlıyam” sözləriylə ələ almaq əvəzinə,”eyni komandanın oyunçuları” kimi birlikdə ələ alan,eyni və yüksək dərəcədə əmək,istək sərf edən cütlüklərin daha xoşbəxt və sağlam ailələrə sahib olduqlarının şahidiyəm.İki tərəf üçün də düşünülən xoşbəxt və sağlam bir evliliyin açarının,çətinliklərə,anlaşılmazlıqlara,söz-söhbətlərə sevgiylə və bir-birlərinə dəstək olaraq bir komanda yoldaşı kimi yanaşmaq olduğunu başa salmaq və bunu cütlüklərin həyatında uyğunlaşdırmaq bir çox evliliyin görünüşünü gözəl tərəfə dəyişməsinə səbəb olur.
Komanda hazırlığı bacarıqlarından cütlüklər,pul,cinsi həyat,qohumlarla münasibətlər,uşaqların böyüdülməsi,ev işləri kimi evlilik həyatıyla əlaqəli bir çox mövzular üzərində, həmişə eyni münaqişələri edərkən, qarşı tərəfi haqsız hesab edirlər.Bu münasibət ilə məsələni həll etmək təbii ki,mümkün olmaz,və özlərini bu cür münasibətdən qurtara bilmədikləri zaman evliliklərində açdıqları yara getdikcə dərinləşir.
*Yoldaşınızla sağlam münasibət qurmağınız,
*İstədiyiniz şeyləri bir-birinizə açıq və dəqiq ifadə edə bilməyiniz,
*Zərərli alışqanlıqlarınızı tərgitməyiniz,
*Qısqanc və yersiz tələblərinizi unutmanız,
*Münasibətinizi yeni və canlı saxlamağın yollarını öyrənə bilməyiniz sayəsində xoşbəxt bir evliliyinizin olmasını bacararsınız.
Gözəl münasibətləri olan və münaqişənin qarşısını alan,məsələləri həll edərkən“birlikdə” hərəkət edən cütlük,sevgi və hörmətlə sağlam təməlli bir ailəyə sahib ola bilər.Bu tərzi mənimsəmiş olan cütlüklər:
*Ortaq sevinc və xoşbəxtlik axtaran.
*Çətinliklərdən qaçmaq əvəzinə onlarla üzləşən.
*Bir-birlərinin hislərini,istəklərini,ehtiyaclarını dəyərləndirən.
*Hislərini və fikirlərini rahat bir şəkildə paylaşan.
*Bir-birlərini hər məsələdə dəstəkləyən.
*Münasibətlərindən həzz alan.
Həyat boyu davam edəcək bir münasibətdə, hər cütlük bir çox çətinliklə qarşılaşır.Ailə təkidlərinin,dərs-bilik məsələlərinin,evliliklə əlaqəli sahib olunan dəyərlərin və inancların və daha bir çox özəlliklərin fərqli olmasından qaynaqlanan münaqişələr və mübahisələr yaşana bilər.Bu çox normal bir haldır;əsas məsələ,bu fərqliliklərin eyni tutumda əridilməsidir.Əgər hər mübahisədə bir məğlub olan,bir də qalib gələn başa düşülürsə,yəni “komanda dostluğu” yoxdursa,bir müddət sonra bu adi söz-söhbətlər böyük mübahisələrə yer verər və hər iki tərəfin bundan yorulması və ayrılıqla sonlanar.
Evliliyinizdə və münasibətinizdə odlu bir mübahisəyə girəcəyinizi hiss etdiyinizdə,həm özünüzə,həm də yoldaşınıza (sevgilinizə) bu cümləni deməyə çalışın:İndi bəlkə bir-birimizi başa düşmürük,bəlkə lazımsız hislərimiz çoxdur amma “mən səni sevirəm” və bu məsələni “birlikdə” həll edəcəyimizə ürəkdən inanıram.
Hər birimizə sağlam və xoşbəxt ailə arzulayıram.
XƏBƏR LENTİ
- ŞƏRHLƏR