Onu unuda bilmirəm amma Unutmaq istəyirəm

   Eşq həyatımızı rəngləndirən bir duyğudur.Aşiq olduğunu ifadə edən kimsələr üzərində aparılan araşdırmalara görə eşq,beyində inanılmaz dəyişikənliklərə yol aça bilir.Aşiq kimsələrdə görünən duyğu və davranışların izahı çətin olsa da bizim mədəniyyətimizdə bu duyğunu məncə bu cümlə daha yaxşı ifadə edir.
         “ Eşq insanın gözünü kor edir”
Eşq həyatımızda yaşanılan ehtiraslı duyğulardan biridir.Demək olarki duyğuların ən güclü olanıdır.Eşq müddətini açıqlamağa çalışan mütəxəssislər, bu vəziyyəti bəzən obsesif kompulsilif pozğunluq olaraq dəyərləndirmişlər. Bəzən də uşaqlıq vaxtında ana- uşaq münasibətlərində yaşanan etibarlı və ya etibarsız bağlanma ilə açıqlamışlar.
         "Eşq yaxşı bir ruhi xəstəlikdir" (Platon)
Və sonra nə olur  ... ailəli kimsələrin boşanmasından sonra,sevgililərin ayrılığından sonra yaşanan sıx gərginlik,inciklik,əsəbilik,nifrət,yalnızlıq duyğusu,günahkarlıq duyğuları ... və onu unuda bilməmək.Unutmaq istəyirəm amma unuda bilmirəm ...
 Bizə yazanlar arasında sayı heç də az olmayan bu qrup üçün unutmağı deyildə amma yaşanan bu çarəsiz duyğuları aradan qaldırmağı bacara bilərik.Bəli,unutmaq istəyən kimsəni narahat edən duyğuları xaric edərək artıq bir keçmiş həyat şəklinə gətirmək,keçmişdə yaşanan bu mümükünsüz duyğuları kimsə üçün vecsizləşdirmək mümkündür.Belə ki,keçmiştə sevgili və ya həyat yoldaşı ilə yaşanmış hadisələrin yaratdığı duyğular artıq keçmişdə yaşanmış olsun və kimsəni artıq narahat etməyən bir duyğular halına gəlmiş olsun.Əslində unutmaq və ya unutdurmaq deyə bir şey yoxdur.Texniki olaraq unutmaq istəyən bir kimsə üçün onu əhatə edən narahatsızlıq və bədbəxtlik yardan duyğular artıq əvvəlki gücünü itirir.Beləliklə həmin kimsə öz istəyinə qovuşur.

    28 yaşındakı xanım B 1 həftə öncə nişanlısı tərəfindən aldatıldığını öyrənər.Xanım B nişanlısının 1 ay öncə iş üçün getdiyi Ankarada bir xanım ilə cinsi əlaqədə olduğunu artıq bilir...Aldatıldığı üçün qüruru qırılıb.Özünü yalnız hiss edir. Bu olanlardan özünü də cavabdeh bilərək( nişanlımı əlimdə tuta bilmədim,onu xoşbəxt edə bilmədim) günahkarlıq hissi keçirir.Nişanlısını sevir və ondan ayrılmağı heç düşünmürdü.Amma bu olanlardan sonra nişanlısına qarşı inciklik və əsəb duyğuları hiss edir.Elə bir əsəbilik keçirir ki, duyğularını “onu öldürə biləcək qədər əsəbiyəm” şəklində dilə gətirir.Nişanlısı ondan dəfələrlə üzrlər istəsə də onu bağışlamaq istəmir.Nişanlısı K ilə birlikdə bizə müraciət edən xanım B şikayətlərini belə sıraladı:
 Ona çox küskünəm,məndən dəfələrcə üzr istədi məndə artıq onu bağışlamaq istəyirəm amma içimdən gəlmir.Onun məni sevdiyini bilirəm.Məndə onu sevirəm ama bu hadisəni də qəbul edə bilmirəm.Ən kiçik bir sözü qəfildən məni əsəbi edə bilir.Buna dözə bilmirəm.Ondan ayrılmaq istəmirəm.Mənə xəyanət etmiş olsa da onu gərçəkdən sevirəm.Ondan çox incimişəm və özümü çox bədbəxt, narahat hiss edirəm.Mənə bu yaşadıqlarımı unutdura bilərsinizmi?
  Xanım B ilə sadəcə 1 seans danışdım.Çünki yaşanan hadisə hələ yeni idi.Yəni xəyanət hadisəsi ilk halındakı kimi idi.Üzərinə eyni hadisələr təkrar olmamışdır.Hadisə qarşısında hiss edilən duyğular daha çox təzə və öyrəşilməmişdir.3 saata yaxın olan bu seansda xanım B –nin problemi ortadan qalxmışdır.Onun dilində desək “ unutmaq “ deyildi bu olanlar,amma hiss etdiyi problemlər artıq aradan götürülmüşdür.Danışan xanım B özünü artıq quş kimi yüngül hiss edirdi.Ama seansdan çıxarkən bu sözləri dedi : Mənə bunları edən K –nın biraz dalımca sürünməsini istəyirəm.Hadisənin bu qədər rahatlıqla aradan qalxacağını nəzərdə tutmamışdım... Ona görə də mən bu yaxşı duyğularımı onunla paylaşarsam özümü yüngül bir qadın kimi hiss edərəm.Mən ona gününü  göstərəcəm !!!
   “ Eşq yaxşı bir ruhi xəstəlikdir” (Platon)