Bir insana aşiqsinizsə, yalnız bir baxışı içinizi titrədər. Bir toxunuşu bütün bədəninizi ələ keçirər. Onunla əhatə edilərsiniz və bu hal sizi xöşbəxt edər. Eşq öz varlığınızla birlikdə, bütün dünyanı daha dərindən hiss etmənizə səbəb olar. Bu hisslərin uzun sürməsi və möhkəm bir münasibət üçün mənim təkliflərimə qulaq asın.
Özünüzlə xoşbəxt olun: Özünüzdən məmnun deyilsinizsə, bir əlaqə bu vəziyyəti dəyişdirməyəcək. Hətta sağlam və qarşılıqlı bir əlaqəni davam etdirmənizi də çətinləşdirəcək. Tənha ikən xöşbəxt ola bilməyən biri, bir başqasıyla da xöşbəxt ola bilməz. Özüylə eşqbazlıq edə bilməyən, özünə heyranlıq duymayan birinin uzun bir əlaqəni davam etdirməsi çətin olacaq. Özünüzü sevmirsinizsə bir başqasının sizi sevməsini gözləyə bilməzsiniz. Özünüzə səmimi bir sevgi bəsləyin, dəyişdirməniz lazım olan xüsusiyyətlərinizi partnyorunuz üçün deyil, öz xöşbəxtliyiniz üçün dəyişdirin.
Yoldaş olun: Əlaqəni davam etdirən keçici həyəcan ya da zövqlərdən çox yoldaşlıq, qarşılıqlı hörmət, heyranlıqdır. Uzun əlaqələr inkişaflarını möhkəm bir yoldaşlıq təməlinə borcludur. Partnyorunuzu dinləməyə həmişə hazır olun. Onun özünü sizin yanınızda rahat hiss etməsi üçün ona dostca davranın.
Ortaq maraq sahəsi yaradın: Əlaqələr birlikdə keçirilən zamanın uzunluğu ilə deyil, keyfiyyətiylə inkişaf edər. Ortaq maraq sahələri yaratmaq tərəflərin bir-birlərinə bağlanması və əyləncəli vaxt keçirməsi baxımından olduqca əhəmiyyətlidir. Ehtiraslı əlaqələrin ən böyük sirrinin birlikdə əylənə bilmək olduğunu unutmayın.
Hörmət edin: Həm özünüzə, həm də partnyorunuza hörmət etmək, fikirlərini və ehtiyaclarını nəzərə almalısınız. Həmfikir olmasanız da onu anlamağa çalışmaq əlaqənizi daha uzunmüddətli və sarsılmaz edəcək.
XƏBƏR LENTİ
- ŞƏRHLƏR