Əziz xanımlarımız!
Bu mövzunu açmaqda mənim məqsədim sizin yuxularınızın çin çıxmaları barədə bilməyimdir. Ümid edirəm sizə də bu mövzu maraqlı gələr, amma şəxsən mənim üçün bu mövzunu açmaqda şəxsi statistikamı bilməkdir. Çünki, mənim öz yuxularımın demək olar ki, hamısı çin çıxır və realda baş vermiş hər hansı bir hadisəni eşitdikdə, və ya yaxınlarıma yuxumu danışanda, onun real həyatla paralel əlaqəli olduğunu, və ya bir neçə ay, hətta il qabaq gördüyüm yuxunun (fikir verin, belə yuxular yadımdan çıxmır) sonradan real həyatda əks olunması şəxsən məni çox təəccübləndirir, hətta çox vaxtı özüm özümə inana bilmirəm, yanımdakılara da çox bunu danışmıram, inanmaya da bilərlər, elə bilərlər uydururam.
Məsəlçün, elə bu gün olan şeyi deyim. Səhər tez durub getməli yerim olduğu üçün, gündüz evə gəlib yatdım. Sonra axşam durub anamla skype vasitəsilə danışdım. Anam dedi ki, getmişdim divan sifariş etməyə. Elə onu dedi, susdurdum onu və dedim: "Yadıma düşdü, indicə yuxuda görürdüm ki, gedirsən bir divan almağa. Rəngi tünd qəhvəyi, və ya tünd boz kimi idi, amma qara deyil idi. Qiyməti 200 manat idi. Amma şəxsən mənim xoşuma gəlmədi, deyirdim bu divanı alma, bir az 300-400 manatlıq al da. Satıcı 2 nəfər idi, biri cavan, biri bir az yaşlı". Anam şokda idi. İndi gördüyüm yuxunun realda əksini anam belə danışdı mənə: "Deməli, əvvəlcə anam istədi ki, 200 manatlıq divan alsın, amma 300-lüyü daha çox bəyənib sifariş etdi. Satıcı həqiqətən 2 nəfər idi - yaşlı və cavan, divanın rəngi tünd qəhvəyidir, amma qara deyil, üstündən də azcana qızılı naxışlar keçir". Anam da, mən də şokda idik.
Bu cür real olan yuxularım az deyil. Bundan öncə bir neçə ay qabaq anamın xalasını görürdüm iri ekran TV almışdılar, plazma. Həqiqətən də bu günlərdə onlar yekə TV aldılar, amma yuxunu təxminən 3-4 ay qabaq görmüşdüm, amma süjeti unutmamışdım. TV alınmışdı və anamın xalasının yoldaşı nəsə narahat halda Tv qabağında oturmuşdu. Realda isə TVnin alınma məqsədi ondan idi ki, onun yoldaşı yaşlı adamdır, özünü pis hiss edib, elə bilirlər ki, öləsidir. Sonra özünə gəlir və anamın xalası qərara gəlir ki, evə bir TV (divan da aldılar) alsınlar ki, həyatdır birdən hüzür olar hüzüra gələnlər evdəki köhnə TVni görməsinlər (indi bu cür düşünən insandır da, neyləyəsən).
Buna əsasən mənə çox maraqlı gəldi, bu cür çin çıxan yuxular sizin aranızda çoxmu adamda olur? İnanın ki, yazılarınız mənə maraqlı gələr. Ona görə sizə üz tutub soruşuram:
Yuxularınız çin çıxırmı?
XƏBƏR LENTİ
- ŞƏRHLƏR