Tərkibi:
250 qr yağsız kəsmik
1 ədəd yumurta
1 st pudra şəkəri
125 qr "Wellington" kərə yağı
1 paket vanil
1 paket qabartma tozu
Aldığı qədər un (təxminən 8-10 x.q. un)
Üzəri üçün:
Şəkər
1 ədəd yumurta sarısı
1 ç.q. "Zeytun Bağları" zeytun yağı
Hazırlanması:
Kəsmik, yumurta, pudra şəkəri və otaq hərarətində yumuşalmış "Wellington" kərə yağını yaxşı-yaxşı əlimizlə və ya çəngəllə qarışdırırıq.
Daha sonra un, qabartma tozu və vanili əlavə edib yumşaq xəmir yoğururuq.
Xəmiri 20 dəqiqə soyuducuya qoyuruq ki, özünü tutsun. Daha sonra qoz böyüklüyündə parçalar qoparıb əlimizlə yumrulayırıq və listə düzürük. Üzərinə zeytun yağı ilə qarışdırılmış yumurta sarısı çəkirik, sonra da üzərinə bir az şəkər səpirik.
Əvvəlcədən 180 dərəcə qızdırılmış sobada üzəri qızaranadək bişiririk.
Və peçenyelərimiz hazırdır.
Nuş olsun!
XƏBƏR LENTİ
- ŞƏRHLƏR