Tərkibi:
250 q "Wellington" kərə yağı
1 stəkan şəkər pudrası
4 stəkandan bir az çox un
1 su stəkanı kişmiş
Yarım su stəkanı qoz və ya fındıq
2 ədəd yumurta
2 xörək qaşığı duru yağ
1 paket qabartma tozu
Hazırlanması:
Otaq temperaturunda yağ yumşalanacan xəmiri yoğuracağımız qaba qoyuruq (yağımız yumşaq deyilsə, yüngülcə əridə bilərsiniz).
Kişmişi, qozu, şəkər pudrasını, duru yağı, yumurtanı qırıb əlimizlə yaxşıca əzərək qarışdırırıq.
4 stəkan unu yavaş yavaş əlavə edirik. Unla qabartma tozunu da əlavə edirik.
Xəmir duru halda olmamalıdır. Qabı yağlayırıq. Xəmirdən qoz böyüklüyündə parçalar qoparıb düzəltmədən listə qoyuruq.
Kişmişlər xəmirin xaricində olmasın, əks halda tez yanırlar. Qabaqcadan 175 dərəcədə isidilmiş sobada bişiririk.
Bu cür yağlı peçenyelər soba isinməmiş qoyulsa, xəmir yayılır, buna diqqət yetirin. Tez bişir, bir az üzəri qızarırsa, demək bişib.
Yaxşı soyuyandan sonra listdən götürüb üzərinə şəkər pudrası səpirik.
Nuş olsun.
(Tərcümə edilib)
XƏBƏR LENTİ
- ŞƏRHLƏR