Tərkibi:
4 ədəd yuxa
2 ədəd qat-qat xəmir
300 q qiymə
2-3 soğan
1 dəstə şüyüd
Sousu üçün:
1 st süd
Yarım st. "Möcüzə" duru yağı
2 yumurta (1-nin sarısını üzəri üçün götürürük)
Duz, istiot
Hazırlanması:
Əvvəlcə qiymənin üzərinə soğanı sürtkəcdən keçiririk və su töküb bişməyə qoyuruq.
Bişdikdən sora duz və istiot vururuq və şüyüdü doğrayıb əlavə edib qarışdırırıq.
Sousu hazırlamaq üçün süd, yağ, yumurta və duz, istiotu əlavə edib qarışdırırıq.
Şüşə qabı duru yağla yağlayırıq. 1 yuxanı içinə səririk.
1 yarım yuxanı (6 hissəyə bölürük) sousda isladırıq və 1 yuxanın üzərindən qabın içinə qoyuruq.
Qalan 1 yarım yuxanı da sousda isladırıq. Qiymənin üzərindən qoyuruq və qalan sousu üzərinə tökürük.
Qat-qat xəmiri yayırıq, nazik şüşə qab boyda üst-üstə qoyub yuxanın üzərindən qoyuruq.
Üzərinə yumurta sarısı vururuq və 200 dərəcəlik sobada bişiririk.
Qat-qat xəmirli, yuxalı börəymiz hazırdır.
Nuş olsun!
XƏBƏR LENTİ
- ŞƏRHLƏR