16.02.2014-09:00

• Uşaqlar və tərbiyyə

37 698

29

Astma - əlamətləri bəzən ortadan qalxsa da ömür boyu davam edən bir xəstəlikdir. Həkimlər astmalı xəstələrin özlərini yaxşı hiss etsə də, müəyyən müddət dərman və peyvəndlərin lazımlı olduğunu diqqətə çatdırıblar.

Astmalı uşaqlar müvəffəqiyyətsiz olur

Aparılan araşdırmalar astmalı uşaqlarda psixoloji problemlərin ciddi ölçüdə olduğunu aşkar edib. Tez-tez təkrarlanan öskürək, xırıltı və nəfəs çatışmazlığı uşağın əhvalını pozur. Tez-tez xəstələnmək və böhrana girmə qorxusu uşaqda ruhi gərginliyə və xroniki bir stressə səbəb olur. Bəzi uşaqlar şikayətləri olmasa belə, astmalı olduqları üçün narahatlıq, gərginlik hiss edə bilər. Astma böhranları xüsusilə gecələr ortaya çıxaraq yuxunu pozur. Yuxusuzluğun səbəb olduğu yorğunluq, ürək döyünməsi və baş ağrısı uşağın məktəbdəki fəaliyyətinə təsir edən əhəmiyyətli amillərdir. Buna görə də valideynlər diqqətli olmalıdırlar.

Dərmanlar əks təsir edir

Bəzi dərmanların əks təsirləri uşaqları narahat edir. Nəfəs açıcı kimi istifadə edilən yüksək dozalı dərmanlar ürək döyünməsinə, ritm pozğunluqlarına və əllərdə titrəməyə səbəb ola bilər. Allergiyanın müalicəsində istifadə edilən antihistamin dərmanlar isə yuxulamaya səbəb olur. Bu da fikrin dağılması, diqqətsizlik kimi əks təsirlərə gətirib çıxarır. Eyni zamanda burnun tutulması və eşitmənin azalması astmalı uşaqlarda çox rast gəlinən hallardır. Bunlar da dərsi öyrənməyə mənfi təsir edir. 

Astmalı uşaqların məktəb davamiyyətinin aşağı düşməməsi üçün nə etməli?

Astmalı uşaqların məktəb davamiyyətinin aşağı düşməməsi üçün aşağıdakı məsləhətlərə əməl edilməlidir:

* Məktəb binaları tıxac olan yolların yaxınlığında olmamalıdır.

* Məktəblərdəki təmir işləri yay tətilində edilməlidir.

* Astmalı uşaq günəş düşən, rütubət olmayan sinifdə oxumalıdır.

* Siniflər hər gün havalandırılmalı və təmizlənməlidir. Təmizlik tətil günlərində edilməlidir.

* Siniflərin döşəmələri parket, müşəmbə kimi sintetik maddələrlə örtülməlidir.

* Uşaqlar sinifdə oynamamalı, toz qalxmasına gətirib çıxaracaq hərəkətlər etməməlidir.

* Məktəblər siçan, tarakan kimi canlılara qarşı nizamlı olaraq dərmanlanmalı, ölü böcəklərin artıqları çox yaxşı təmizlənməlidir.

* Astmalı uşaq lövhəyə və qızdırıcı radiatorlara yaxın oturmamalıdır.

* Təbaşir tozundan uzaq durmalıdır.

* Kəskin qoxusu olan qələmlər də astmalı uşaqlar üçün zərərlidir. 

* Müəllim və digər şagirdlər kəskin qoxulu ətir və dezodorantdan istifadə etməməlidir.

* Qidalara qarşı allergiyası olan astmalı uşaq yeməklərini evdən gətirməlidir.

* Bütün şagirdlər qrip peyvəndi olunmalıdır.

* İdman edən astmalı uşaq mütləq həkim nəzarəti altında olmalıdır.

* İdmandan 15 dəqiqə əvvəl dərmanlarını qəbul etməlidir.

* İdmana mütləq əvvəl istiləşmə hərəkətləri ilə başlamalıdır.

* Tox qarına idman edilməməlidir.

* Çox isti və ya çox soyuq, yağışlı havalarda idman edilməməlidir.

* İdman birdən kəsilməməli, 10-15 dəqiqə ərzində yavaş-yavaş bitirilməlidir.

* İdman əsnasında öskürək, xırıltı, nəfəs darlığı çəkənlər idmana ara verməli və yanlarındakı nəfəs açıcı spreylərindən də istifadə etməlidir.

0 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

lale_123