05.01.2014-12:10

• Hamiləliyə hazırlıq

32 645

30

Hamımızın da bildiyi kimi, hamiləlik dövründə bədən quruluşunun dəyişməsi nəticəsində ön bölgədəki qarın əzələləri dartılıb uzanır və bunun nəicəsində qarın əzələləri zəifləyir. Şişmiş şarın havası endirildikdən sonrakı vəziyyəti fikirləşin. Uşağın ön tərəfə verdiyi ağırlığın əsirindən qarın mərkəzini tarazlamaq üçün bel bölgəsindən arxaya doğru olan əyrilik artar. Bu səbəbdən bel bölgəsini əmələ gətirən oynaqlara düşən yük artar. Əlavə yüklər bu bölgədə ağrı əmələ gətirir. Keysəriyyə əməliyyatı edənlərdən heç bəhs etmirəm belə, çünki onların qarın əzələlərinin kəsilməsi nəticəsində daha problemli bel ağrıları olacaqdır. Daha irəlidə isə bel çuxurunun artmasına bağlı olaraq ayağa gedən sinirlərin keçdiyi kanalda daralma olur və bu sinirlər sıxılır. Ombada, ayaqda, ya da bunların hamısında keyimə, gizildəmə, əzələ gücündə azalma kimi problemlər görünə bilir. 

Bel yırtığının ən yaxşı dərmanı hamilə qalmaqdır. Hamiləlikdə olan mexaniki dəyişiklik bel yırtığının müalicəsini edəcək dəyişikliklərdir. "Bəli, bel yırtığı hamiləlik dövründə keçdi" deyənlər az deyil. Hamiləlik dövründə və sonrasındakı bel ağrısına fərqli baxsaq, beldəki əlavə ağrı əlavə yükün artması səbəbindən əmələ gəldisə, bizim etməyimiz lazım olan şey o yükdən azad olmaqdır.

Bel çuxurunu azaldacaq və ya artırmayacaq bəzi taxniki hərəkətlər bu müalicənin özüdür. Bəzi xüsusi idmanlar, manual müalicə və terapevtik vasitələrdir. Bu idmanları açıqlamadan əvvəl idmanın təməl prinsiplərindən bəhs edək.

İdmanda 2 qızıl qayda:

1. İdman əsnasında nəfəsinizi tutmayın.

2. İdmanı yavaş və ritmik edin.

Hamiləlikdə edəcəyiniz idman qan dövranı və tənəffüs sisteminizin daha yaxşı işləməsinə kömək olar.

Daimi edəcəyiniz idman keysəriyyə əməliyyatı riskini azaldar, ananın doğuşdan sonra vəziyyətinin yaxşılaşmasını surətləndirər.

Ana namizədləri idmana başlamazdan əvvəl mütləq qadın xəstəlikləri və doğum mütəxəssisləri tərəfindən idmana mane olacaq bir vəziyyətin varlığına dair müayinədən keçməlidir.

- Qidalanmanıza diqqət etməlisiniz (edilən idmanla vücudunuzun mayeyə və karbohidrata ehyiyacı artar).

- İdman fürsət tapdıqda deyil, daimi edilməlidir.

- İdman əsnasında bədəninizin istiliyi 38 dərəcəni keçməməlidir.

- Nəbz 140-ı keçməməlidir.

- Təngnəfəs olmamalısınız.

- Hamiləlik dövründə bütün oynaqların elastikliyi artır. Oynaqları məcburedici hərəkətlər etməməlisiniz. Hamiləliyin ikinci yarısından etibarən arxası üstə olan mövqedə təzyiqiniz birdən düşə bilər, buna görə də bu mövqedə edilən idmanın vaxtını qısa etməlisiniz.

- Hamiləlik dövründə ediləcək ən yaxşı idman yerimək və üzməkdir.

Hamiləlikdə bel ağrısı zamanı edəcəyiniz 2 hərəkət

1. Arxası üstə dizlər bükük vəziyyətdə uzanaraq, bel çuxurunu azaldaraq belimizi yerə basdırırıq, bu hərəkəti ən çox 10 dəfə təkrar etməklə gündə 2 dəfə edirik.

2. Yenə eyni mövqedəykən sadəcə başı yerdən qaldırıb, qarın əzələlərimizin yüngülcə sıxılmasını təmin edirik. Sonra başımızı yerə endiririk. Bu hərəkəti gündə 2 dəfə, ən çox 10 dəfə təkrar edirik.

Pelvik mərtəbə (Kegel) idmanı

Kegel idmanı normal doğum əsnasında gücənərkən uşağın daha güclü itələnməsində kömək edir.

Sidik saxlamamaq probleminə köməkçi olur.

Doğum sonrası prolapsdan qoruyur və ağrıların azalmasında çox yararlı bir idmandır.

Kegel idmanları qarın bölgəsində çat əmələ gəlməməsində kömək olur.

Bu idmanları tez-tez təkrar etmək lazımdır.    

0 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

xedice 033