Orta əsrlər Türk sultan cariəylərinin kosmetika sirlərini öyrənməyə davam edirik. Əvvəlki xəbərimizin ikinci hissəsini oxuyun, məlumatlanın, əziz Qadin.Net xanımları!
4. İstənilən dəri üçün şirin maska
Təmiz havada gəzintidən gözəl nə ola bilər? Ancaq Türkiyə kimi bir yerdə günəş, külək, toz... Ona görə də dərini gəncləşdirmək üçün unikal maskalar düşünmüşlər. Belə prosedurlar üçün ənənəvi məhsullar küncüt yağı və qatıq idi. Onlara əlavə olunan şeylər bunlar idi: qızılgül ləçəkləri, limon şirəsi, rəndələnmiş badam, bal, yumurta sarısı. Əsas vitaminlər isə müxtəlif meyvə və giləmeyvələr. Bu tərkibləri dəyişmək fantaziyaya görə dəyişirdi, bu işin öhdəsindən isə hərəmxananın sahibəsi yaxşı gəlirdi.
Hazırlanan maskaların içərisində ən maraqlı olanı halva maskası idi. Bu bildiyimiz günəbaxan tumları və qoz-fındıqdan hazırlanmış Şərq şirniyyatı olan halvadır. Halvanı bir qaba qoyub, sadəcə su və süd əlavə edərək qatılaşana qədər qarışdırırdılar və üzə maska çəkirdilər. 20 dəqiqə saxladıqdan sonra soyuq su ilə yuyurdular. Təsiri inanılmaz idi. Bu maska üzü parlaq və tərtəmiz edirdi.
5. Əllərin görünüşü
Cariyələrin əlləri zərif və mükəmməl görünüşdə olmalı idi. Həm qadınlıq baxımından, həm də rəqslərin zərif görünməsi üçün əllərə xüsusi qulluq edilirdi. Cariyələrin bu məsələdə ən yaxşı dostları yumurta idi. Həm də bir yumurta iki cariyə əllərinə yetirdi. Yumurta sarısına yarım yemək qaşığı bal və limon soku əlavə edib əllərinə sürürdülər. 10 dəqiqə saxladıqdan sonra ilıq su ilə yuyurdular. Ardından ayırdıqları yumurta ağını da əllərinə çəkib 10 dəqiqə saxladıqdan sonra ilıq su ilə yuyurdular. Əllərə qulluq proseduru bu qədər sadə idi. Bundan başqa əllərin ağardılması üçün limon və yoğurt qarışığından isitfadə edilirdi.
6. Ayaqların görünüşü
Cariyələr çox yürüyürdülər, tez-tez gəzirdilər. Buna görə də onların ayaqları xüsusi qayğı tələb edirdi. Bu zərif ayaqları yaxşı halda saxlaya bilmək üçün yatmazdan əvvəl çiçəklər səpilmiş xüsusi vannalar edilirdi. Belə vanna müddəti təxminən 12-15 dəqiqə olurdu. Vannaları həm soyuq, həm də isti edirdilər. Soyuq vannalara buz əlavə edilmirdi, sadəcə sərin su olurdu. İsti vannalara isə 100 qr duz əlavə edilirdi.
7. Depilyasiya
Depilyasiya mövzusu dərin intim mövzudur, ancaq onsuz da olmaz. Hərəmxana cariyələri karamel toplarından istifadə edirdilər. Bu topları hazırlamaq sadə idi: 200 qr şəkər və kiçik bir limon. Bir qazanda 15 dəqiqə qaynar hala gələnə qədər qarışdırılır. Sonra bu karamel soyudulur və qoz böyüklüyündə bir top düzəldilir, daha sonra tüklərin təmizlənməsi üçün istifadə edilir.
8. Aroma, ətirlər
Cariyələr İran, Suriya və Misir gözəllərindən fərqli olaraq kiçik ətir şüşələrinə zənginlər kimi qiymət ödəmirdilər. Çünki onlar sadəcə xoş ətirli lavanda və kəhraba ətirli şamlardan gələn tüstüyə bürünmüş paltarlar geyirdilər. Sultanın onlardan birini çağırdığı gün həmin cariyəni xoş ətir saçan şamın yanında bir neçə dəqiqə oturdurdular.
9. Yuxudan əvvəl 3 sirr
Cariyələrn sayının çox olması onların hər gün sultanla görüşünə mane olurdu. Buna görə də onlar darıxmamaq üçün daha çox boş zamanalrını kosmetik prosedurları tətbiq etməklə keçirirdilər. 30 dəqiqə üz masajı, boyun və dekolte zonası masajı, barmaqların dairəvi hərəkəti ilə gözaltı masajı, bütün bunlar cariyələrin ruh halına da yaxşı təsir edirdi. Gecələr cariyələr yenə yuyunurdular, amma bu dəfə gümüş su ilə deyil, qızılgüllü su ilə. Dodaqlarına bal sürürdülər. Deyilənə görə Ancelina Coli də bu proseduru hər gün edir.
Bax belə! Yalnız unutmayaq! Cariyələrin gözəllik sirləri təkcə onların özlərinə xüsusi qayğıkları ilə məhdudlaşmır, bunların yanında həm də düzgün qidalanma, lazımi pəhriz və yüngül idman hərəkətləri də yer alır.
Hər zaman gözəl və baxımlı qalın, əziz xanımlar!
XƏBƏR LENTİ
- ŞƏRHLƏR