09.05.2013-07:50

• Gözəllik xəbərləri

245 340

62

Gicitkən - gözəllik üçün əla vasitədir.Təzə gicitkən sadəcə olaraq çoxlu vitaminlərlə boldur,ona görə də o,isti yay günlərində dərinizi təravətləndirir.Tikanlı yarpaqların qurumağını və xeyirini itirməyini gözləməyin-rezin və yaxud pambıq əlcək geyib yaşıl kosmetika üçün parka və ya yaxınlıqdakı meşəyə gedin.Əgər çox yığsanız,salat və şorba bişirib  daxilə də qəbul etməyiniz məsləhətdir. Sadəcə, tikanlı yarpaqları yeməmişdən qabaq üzərinə qaynar su tökmək yadınızdan çıxmasın. Kosmetik məqsədlər üçün isə gicitkəni yumşaltmaq gərəkli deyil,yetər ki,gicitkən şirəsi hazırlayan zaman əllərinizi qoruyasınız. Belə şirəni ətçəkən, şirəçəkən və ya mikserlə hazırlaya bilərsiniz. Bəzi reseptlərin hazırlanması üçün isə xırdalanmış yarpaqlar da kifayətdir.Əgər təzə gicitkən tapmağa imkanınız yoxdursa,onda aptekdən qurudulmuşunu ala bilərsiniz.

Gicitkən reseptləri

* Yağlı dəri üçün bu maska  çox faydalıdır.100 ml arağa 1 xörək qaşığı gicitkən yarpaqlarının şirəsini əlavə edin.2 ay ərzində səhər və axşam üzünüzü silin. Nəticə - təravətli,təmiz və işıqsaçan dəri.
* 1 xörək qaşığı qurudulmuş və xırdalanmış gicitkən yarpaqlarına ( və ya 2 xörək qaşığı təzə gicitkənə) 1 stəkan qaynar su töküb 30 dəqiqə saxlayın,süzün. Sonra yağlı dərini silin və ya kompress şəklində qoyun .Bunun üçün 2-3 qat tənzif salfeti məhlula batırın, alın,yanaq və çənəyə 5-10 dəqiqəlik qoyun.Bu proseduru 3-4 dəfə təkrar edin. Kompress dəridə maddələr mübadiləsinin işini gücləndirir, qan dövranını və dərinin rəngini yaxşılaşdırır və dərini yumşaq, elastiki edir.

* 1-2 xörək qaşığı xırdalanmış quru gicitkən yarpaqlarını çini qaba tökün,üzərinə duru sıyıq əmələ gələnə qədər isti su töküb 7-10 dəqiqə ərzində dayanmadan istidə qarışdırın. Daha sonra bunu üz və boyun dərisinə çəkin,20-25 dəqiqədən sonra pambıqla maskanı silin,üz dərisini isə isti su ilə yuyun. Bu qidalandırıcı maskanı həftədə 2-3 dəfə edin.Bu maska bütün dəri tipləri üçündür,amma daha çox quru dəri tipinə münasibdir.Maskanı üzə çəkməzdən öncə üzü losyonla silin,quru dəriyə isə yağlı krem çəkmək lazımdır.
* 1 çay qaşığı quru xırdalanmış gicitkən yarpaqlarının üzərinə 1 xörək qaşığı isti süd töküb 10 dəqiqə saxlayın,bundan sonra 1 çay qaşığı yumurta sarısını oraya əlavə edib qarışdırın.Maskanı üz dərisinə çəkib 20 dəqiqədən sonra yuyun.Bu maska quru və normal dərilər üçün münasibdir.Yağlı dəridə isə yumurta sarısı əvəzinə ağından istifadə edin.

* Gicitkən yarpaqlarının saçlara möcüzəvi təsirini hətta fransız qadınları da qiymətləndiriblər.Əgər saçlarınız parlaqlığını itiribsə 1 xörək qaşığı quru gicitkən yarpaqlarına ( və ya 2 xörək qaşığı təzə ) 1 stəkan qaynar su tökün,bununla saçlarınızı yuduqdan sonra massaj hərəkətləri ilə saçınıza çəkin.Bu asan proseduru müntəzəm şəkildə etsəniz,tez bir zamanda gözəl , parlaq saçlara sahib olacaqsınız.
Onu qeyd etmək qaldı ki,qalan gicitkən yarpaqlarını xırdalayıb və ya doğrayıb dondurmaq lazımdır ( bunu buz formasında etmək daha rahat olar). Və yaxud sıxılmış şirəni təmiz su ilə qarışdırın,və üz silmək üçün buz parçaları hazırlayıb saxlayın.

4 1

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

Gozellik ilahesi