Hind gözəli Aişvariya Rai
95 328
982
Aişvariya Rai 1973-cü il noyabrın 1-də Hindistanın Manqalor əyalətində anadan olmuşdur. Ziyalı ailədən olduğuna görə ciddi nəzarətdə tərbiyə almışdır. Uşaqlıqdan klassik hind musiqisi və rəqslərinin sirlərinə yiyələnmişdir. Həkim olmaq arzusunda olsa da, karyerasına model kimi başlamışdır.
Çoxları onu planetin ən gözəl qadını hesab edirlər.
1994- cü ildə Aişvariya Rai "Dünya gözəli " müsabiqəsinin qalibi olur və bununlada Hindistanın bir nömrəli modelinə çevrilir. Onun şəkilləri Vogue Magazine jurnalını bəzəyir. Aişvariya həm də L`oreal , Coca-cola, DeVers firmalarının simasıdır.
"Dünya gözəli" müsabiqəsində qazandığı uğurdan sonra Aişvariya Bollivuddan kinoya çəkilmək üçün çoxlu sayda dəvət alır. Kinoda ilk rolu 1997-ci ildə çəkilən "İruvar" filmi olmuşdur. "Yalançı aşiq" filminə görə ilin ən yaxşı debütantı kimi mükafatlandırılmışdır. 2000-ci ildə "Əbədi səninlə" filmində ən yaxşı qadın roluna görə, 2001-ci ildə "Mükafata sevgi" filmində ilin ən yaxşı aktrisası mükafatına layiq görülmüşdür. 2002-ci ildə isə onun və hind kinosunun ən uğurlu filmlərindən sayılan " Devdas " filmi Kann festivalında nümayiş olunmuşdur. 40-dan çox hind filmində rol alan Aişvariya Hollivud rejissorlarının da diqqətindən kənarda qalmamışdır. O, Hollivudda da boyük şöhrət qazanmışdır.
2007-ci ildə Aişvariya Rai Bollivudun kralı sayılan məşhur aktyor Amitabx Baççanın oğlu Abişek Baççanla ailə qurur.Qeyd edək ki , Abişek özü də Bollivud ulduzlarından biridir. Bu gözəl cütlük hal-hazırda da kino sahəsində öz fəaliyyətlərini davam etdirirlər və hələ neçə-neçə uğurlu layihələri ilə tamaşaçılarını sevindirəcəklər.
XƏBƏR LENTİ
- ŞƏRHLƏR