Şübhə yoxdur ki, Allah Özünə şərik qoşanları əfv etməz, amma istədiyi şəxsin bundan başqa olan günahlarını bağışlar. Allaha şərik qoşan şəxs, əlbəttə, böyük günah etmiş olur. (Nisa surəsi / 48)
Şirk Allahın Quranda bağışlamayacağını bildirdiyi ən böyük günahdır. Bəzi insanlar elə zənn edirlər ki, şirk sadəcə taxtadan yonulmuş bütlərə sitayiş etməkdir və buna görə də özlərini bu günahdan çox uzaq görürlər. Əslində isə şirk Allahdan başqasına ilahi vəsfi vermək, Onun uca sifətlərini yaradılmış varlıqlara aid etməkdir və hər kəs bu təhlükə ilə üz-üzə ola bilər. Şirkin nə demək olduğunu bəzi örnəklər üzərində izah edək. Məsələn, gözəl qadın gördükdə nə düşünürsünüz? Gözəlliyin qadının özünə aid olduğunu düşünmək həmin qadına ilahi vəsfi verməkdir. Çünki gözəl (Camal) olan əslində Allahdır. İstədiyi varlıqlarda bu ismi ilə təcəlli edir. Yaxud çox zəngin bir insan təsəvvürünüzə gətirin. Allah həmin insanda Qəniyy (zəngin) ismi ilə təcəlli etmişdir. Bunun əksini, zənginliyin insana aid olduğunu düşünmək isə şirkdir.
Şirkin müxtəlif növləri var. Bu ən çox sevgi duyğusunda gizlənmişdir. Bəzi insanların tərtəmiz, məsum sevgi adlandırdığı romantik sevgi ən böyük şirk səbəbidir. Allahın yaratdığı varlığı Allahdan asılı olmayan müstəqil varlıq kimi sevmək, ona sanki bu xüsusiyyətlər onun özünə aid imiş kimi heyranlıq duymaq şirk olmaqla yanaşı Allaha qarşı çox böyük nankorluqdur. Çünki insana sahib olduğu bütün xüsusiyyətləri verən Allahdır. İnsana duyulacaq sevgi, heyranlıq hissi də əslində Allaha yönəldilməlidir. İnsanın yaradılma səbəbi Allaha ibadət etmək, Quran əxlaqını yaşamalı olduğu halda, belə sevgi insanı duyğuları ilə hərəkət etməyə məcbur edərək, yaradılış məqsədindən uzaqlaşdırır. İnsan Allaha yox, şirk qoşduğu saxta ilahiyə xidmət etmiş olur.
İnsanların şirk qoşduqları mövzulardan biri də qorxu hissidir. Bəzi insanlar gələcək qorxusu ilə yaşayır. İşləri, gələcək həyatları necə olacaq, necə dolanacaqlar və s. Bəziləri ölümdən, bəziləri cin, şeytan kimi varlıqları görməkdən qorxur. Quranda Allah insanlara yalnız Özündən qorxmağı əmr edir. Çünki bütün gücün sahibi Allahdır. Hər şeyi Öz nəzarətində saxlayan da Allahdır. Qorxduğumuz səbəbləri yaradan da Allahdır. Bir Quran ayəsində Allah buyurur ki, "Qorxmayın, çünki mən sizinləyəm, eşidirəm və görürəm". Əgər Allah sənə bir zərər toxundursa (sıxıntı versə), onu Özündən başqa (səndən) heç kəs sovuşdura bilməz. Əgər Allah sənə bir xeyir diləsə, heç kəs Onun nemətini (lütfünü) geri qaytara bilməz. Allah onu bəndələrindən istədiyinə nəsib edər. O, bağışlayandır, rəhm edəndir (Yunus Surəsi / 107).
Bu quran ayəsindən də aydın olduğu kimi əgər bizə xeyir və ya zərər gəlsə, onsuz da gələcək. Buna görə səbəblərdən qorxmaq lazım deyil. Başımıza gələn hər şeyin Allahdan olduğunu, Allahın yaşadığımız hər hadisəni qədər içərisində ən mükəmməl şəkildə yaratdığını bilməliyik. Belə olan təqdirdə bizi qorxudan səbəblərin hamısı yox olacaq və şirk kimi böyük təhlükədən qorunacağıq.
İnsanların şirk bataqlığına düşmələrinin iki səbəbi var. Biri məlumatsızlıq, digəri isə səmimiyyətsizlik. İnsanların çoxu Quran əxlaqından xəbərsiz olduğundan Allaha şərik qoşurlar. Bu da ondan irəli gəlir ki, Quran oxumağa cəhd etmirlər. Onlara Qurana görə filan əməl yanlışdır dedikdə “dədə-babadan belə görmüşük, onlar bizdən daha elmlidirlər” deyirlər. Quranı yox, atalarını fikir və düşüncələrini ölçü götürürlər. Yəni Allahı qoyub, atalarına sitayiş edirlər. Bəzi insanlar isə sırf səmimiyyətsizlikləri səbəbindən şərik qoşurlar. Quranı oxuduqları halda ordakı əmrləri yerinə yetirmir, ya da bir qismini yerinə yetirib bir qismini yerinə yetirmirlər. Nəfslərini istəklərini Allah’n istəklərindən üstün tutaralar. Bir insan Quran hökmlərini əzbər bilə bilər. Yeri gəldikdə bunu başqalarına təbliğ edə bilər. Amma əgər öyrəndikləri öz vicdanını, ağlını hərəkətə keçirmirsə, deməli həmin insan şirk içindədir. Belə səmimiyyətsiz insanlara Quranda Allah "kitab yüklü eşşək" örnəyini çəkir.
Möminlər də şirkə qarşı ayıq-sayıq olmalıdırlar. İnsan bütün həyatını dinə həsr edə bilər. Hər gün 5 vaxt namaz qılmaq, hər il orucunu tutmaq, dua etmək, sədəqə vermək və s. kimi dini ibadətləri yerinə yetirə bilər. Amma əgər hər hansı düşüncə və hərəkəti Quran əxlaqına ziddirsə, deməli qəlbində şirkə meyillilik var. Belə olan halda isə Allah bütün əməllərini puç edər. Çünki şirk açıq-aşkar Allaha böhtan atmaq, iftira yaxmaqdır və edilən ibadətin də nə qədər səmimiyyətsiz olduğunu göstərir. Buna görə də çox diqqətli olmaq lazımdır. Allahın Quran vasitəsilə bildirdikləri bütün əmrlərə təslim olmalı, bir az da sadə dillə desək, Rəbbimizin et dediklərini etməli, etmə dediklərini etməməliyik.
Şübhə yoxdur ki, Allah Özünə şərik qoşanları əfv etməz, amma istədiyi şəxsin bundan başqa olan günahlarını bağışlar. Allaha şərik qoşan şəxs, əlbəttə, böyük günah etmiş olur. (Nisa surəsi / 48)
Başqa sözlə, şirk ətrafınızdakı görüntüləri qaraldan bir eynəkdir. Görüntüləri tərtəmiz, aydın görmək istəyirsinizsə, eynəyi çıxarmalısınız. Bu çox asandır. Sadəcə bir həmlə ilə bacararsınız. Eynəyi çıxarıb tullayarsınız. Sadəcə qətiyyətli olun. Qərar verin. Yəni səmimi olun, Allahı sevin, Quran əxlaqını əksiksiz yaşamağa cəhd edin.
İnsan acizdir. Diqqətsizlik, unutqanlıq edir, qəflətə düşür bəzən... Yanılmağa, unutmağa, səhv etməyə açıqdır. Buna görə Qurana möhkən sarılmalıdır. Quranı gün aşırı, həftənin müəyyən günlərində deyil, hər gün oxumalıdır. Mömin Quranla iç-içə yaşayar. Hər yerdə, hər zaman Quran oxumağa, ayələr üzərində düşünməyə vaxt ayırar. Onda həm Allah sevgisi artar, həm də şirkdən qorunaraq Allahın rəhmətini qazanar.
Bənzər xəbərlər...
XƏBƏR LENTİ
Azərbaycan yol polisindən xəbərdarlıq: onu unutmayın!
İki obrazı birləşdirən rəsmlər
Neft ucuzlaşmağa başladı
Yanlış pəhrizlər sağlamlıq üçün təhlükəlidir
Məşhurlar və övladları
Moskva son illərin ən soyuq qışını yaşayır
Günün ulduz falı
Tanrı kişiyə ol, qadına isə var ol dedi...
On qəribə yer
Bakıda evlərin qiyməti qalxıb
Antivirus seçərkən nələrə diqqət etməli?
Bu gün dahi bəstəkar Üzeyir Hacıbəyovun anım günüdür
Azərbaycanda daha 62 nəfər koronavirusdan sağaldı - RƏSMİ
Tanınmış aktyor koronavirus səbəbindən ölkəsinə qayıda bilmir
Qüdrətli gülüş ustası Nəsibə Zeynalovanın anadan olmasından 99 il keçir
4 möhtəşəm zirvə
Erməni analar: “Bizə yalnız İlham Əliyev kömək edə bilər” - VİDEO
Özünü ən sevdiyi məşhura bənzədən 8 insan
Sevimli serialınızı "əlinizdən alırlar"?
ATƏT nazirləri Azərbaycan və Ermənistan arasında ikitərəfli dialoqu bəyəniblər
Məşhur aparıcı və həyat yoldaşı koronavirusa yoluxdu
Allahın adlarını insana qoymaq olar?
Kamran Əliyevdən yeni TƏYİNATLAR
Sağlamlığı qoruyan 10 ərzaq
İlk kripto kafe açıldı-FOTO
Feysbukdan SƏRT QAYDALAR
Qarabağ müharibəsi əlillərinə minik avtomobilləri verildi - FOTO
Bu fotolar arasında 6 il fərq var
Kiyevdən Tiflisə gedən təyyarə necə olur ki, İrəvana düşür?
Koronavirusu simptomsuz keçirənlər qəribə hissləri barədə danışdılar
Yataq otağı çilçıraq modelləri
2012-ci ilin səndəl modelləri
"Elmin ekologiyası" Adlı Seminar Keçirildi!-FOTO
Qripə qarşı peyvənd olaqmı?
Dünyanın sonuna 98 gün qalıb?
Taxırıq gözümüzə, balta çalır ömrümüzə...
Bu həşəratları öldürərək təbiətə zərər veririk!
Ərik cemli piroq (foto resept)
Yanvarın 21-i İŞ GÜNDÜDÜRMÜ?
Günün ulduz falı - 13.08.2013
Azərbaycanda bəzi insanlara xəbərdarlıq: həyəcanlanma yuxarı səviyyədə olacaq
Demi Rouz ideal bədəninin sirrini bölüşdü-FOTO
Demi Murun narkotik asılılığı hər kəsi TƏƏCCÜBLƏNDİRDİ
Kosmosda da futbol oynandı
Rihannanın makiyaj sirləri
Ali məktəblər Bakının mərkəzindən köçürüləcək - SƏBƏB
Müvəqqəti atəşkəs hansı müddəti əhatə edəcək? - XİN rəhbərindən AÇIQLAMA
Gənclər arasında ən varlı adam o oldu-FOTO
DİN-dən əhaliyə XƏBƏRDARLIQ
Ud hindi meyvəsinin faydaları
- ŞƏRHLƏR