Salam aleykum əziz xanımlarımız. Artıq 2010 noyabr ayından bu yana hicablı uşaqların orta məktəblərdə hicabsız getmələri üçün qərar qəbul olunmuşdu. Nə qədər cəhdlər oldusa faydası olmadı. Belə getsə hicab problemi öz özünə həll olunası deyil. Onun üçün də nəsə etmək lazımdır. Əlbətdəki ən doğru və sağlam yol sivil yol ilə mübarizədir. Buna görə də DEVAMM-ın təşəbbüsü ilə orta məktəblərdə hicab probleminin həlli üçün Azərbaycan dövlət başçısına yüz min vətəndaşın müraciəti ilə əlaqadər kampaniyaya start verildi. Kampaniya ilə bağlı açıqlama verən DEVAMM sədri Hacı İlqar İbrahimoğlu (ilahiyyatçı alim, hüquq müdafiəçisi, “Dəyərlər” qəzetinin və portalının baş redaktoru ) demişdir: “ Hicabla bağlı prezidentə yüzminlik müraciət son günlər ölkənin ən çox müzakirə olunan mövzularından biridir. Elan olunduğu kimi mübarək Şaban ayından bu kampaniyanın startı verilməli idi. Bu gün artıq kampaniya ilə bağlı konkret əməli addımların atılmasına başlanılıb. İmza toplama blankları paylanmağa başlanılıb və artıq ilk imzalar atılıb. Bir insan haqları prosesi olan bu kampaniyanın bir komissiyonu formalaşmalı idi. Bu istiqamətdə də prosesin əlaqəndirilməsi və yönləndirilməsi üçün hazırda komissiyon formalaşmaqdadır”.
Hədəf sentyabr ayına qədər uşaqların orta məktərblərdə təhsil almasını sistemləşdirməkdir. Onlar gələcəyin analarıdır.
Və nəhayət sizdən xaişim budur ki, könüllü surətdə bu aksiyada iştirak edin! Ən azı Allah xatirinə! Bunun üçün bir vaxt təyin edib imza atmaq kifayətdir. İnşəAllah Allah Təala bu addımımızı cihad hökmündə qərar verər. Hər bir kəsin təhsil alma hüququ vardır! Bunu unutmayaq! Əgər bu gün hicab üçün nəsə etməsək sonra cəmiyyətdə problemlər daha da arta bilər! Əvvəlcədən hər birinizə təşəkkür edirəm! Dualarınızı əskik etməyin!
P.S. Aksiyaya qoşulmaq istəyən hər bir kəs 08 iyul 2011-ci il tarixində saat 13:00-da Nərimanov parkına dəvət olunur. Aksiya könüllüdür. ALLAH hər birinizdən bu xeyir iş müqabilində razı olsun. (İmza: Narmisha)
XƏBƏR LENTİ
