İnanmış insanlar, süni hadisələrin təsirindən ən tez xilas olan insanlardır. Hətta demək olar ki, insan inancında nə qədər dərinləşsə, süni hadisələrdən də o nisbətdə uzaq qalır, təsirinə düşməz, stress və narahatlığına məruz qalmaz. Çünki hansı hadisə olursa olsun, onun gələcəkdəki əbədi həyatı ilə müqayisə ediləcək əhəmiyyətdə deyil.
Onların hamısı gəlib keçir. Ancaq əbədi həyatına aid məsələlər gəlib keçməz. Elə isə əsas məsələ əbədi həyatını burada qazanıb itirmə məsələsidir. Qaldı ki, bu sadəcə inanmış insan üçün deyil, inanmamış üçün də belədir. Amma o, hazırda onun əhəmiyyətini bilmir, fərqinə varmır.
Bir gün elə fərqinə varacaq ki, həm də mübahisə doğurmayacaq şəkildə. Ancaq bu oyanmağın heç bir faydası olmayacaq. Çünki tunelin sonu görünəndən sonra qayıdış məqbul deyil.
Mənəvi böyüklərin ifadəsinə görə hər insan ölüm anında varacağı yeri görür, aqibətini müşahidə edir. Bu müşahidədən sonra da ya sevinc duyur, ya da böyük miqyasda peşmançılıq.
Peşmançılıq çəkənlər geri qayıtmaq istəyir, etdiklərindən, söylədiklərindən əl çəkib tövbə edərlər. Ancaq bu tövbənin onlara bir faydası olmaz. Çünki bu tövbə, bu qayıdış aqibəti müşahidə etdikdən sonrakı məcburi dönüşdür.
İman və tövbəni bu qədər gecikdirmək, böyük bir həyatı üsyan və inkar içində keçirib aqibətini görəndən sonra tövbə edənlər bilməlidir ki, bunun artıq heç bir faydası yoxdur. Çünki varacağı yeri kəşf etdikdən sonrakı tövbə və iman xilaskar olmaz.
Peyğəmbərimizin belə bir hədisi də var, "Necə yaşasanız, elə ölər və necə ölsəniz, elə diriləcəksiniz". Elə isə imanla yaşayın ki, imanla köçəsiniz. İmanla ölün ki, imanla diriləsiniz. Məhşərdə də imanlılara veriləcək mükafatlara layiq olasınız.
Bax, imanlı insanın həyatda ən mühüm məsələsi budur. İmanla yaşamaq, imanla ölmək! Üzülsə, bu mövzudakı geriləməsindən dolayı üzürlür, sevinəndə bu mövzudakı xidmətinə, uğuruna görə sevinir. Gündəlik dünyəvi hadisələr ona çox da təsir etməz.
Ölümü yox olmaq deyil "Şəb-i-arus/Vüslat gecəsi" halına gətirmək lazımdır. Ölümdən sonrakı gerçək həyat üçün indidən tədarük görmək lazımdır. Allah Təala bizlərə imanla yaşayıb imanla ölməyi və gəldiyimiz kimi təmiz, pak getməyi nəsib etsin.
XƏBƏR LENTİ
- ŞƏRHLƏR