Qari Small ABŞ-dakı UCLA (University of California, Los Angeles) Universitetində neyrobiologiya və insan davranışları üzrə psixiatrdır. Onun həyat yoldaşı Qiqi Vorqanla bilrikdə yazdığı "Bir psixiatrın gizli dəftəri" kitabı çox məşhur oldu. Amma mən bu kitabı ən çox satılan və məşhur olduğu üçün almadım. Təbii ki, hər zamankı kimi psixologiya maraq dairəmdə olduğuna görə, kitabdakı həqiqətə dayanan hadisələr diqqətimi çəkdiyi üçün oxumaq istədim.
Kitab doktor Qari Smallın həyatı boyu (30 il) təcrübə etdiyi ən qəribə psixoloji hadisələrin hekayə edildiyi bir kitabdır. Marağında olmayanlara çətin gələn bir kitab ola bilər. Çünki psixiatr anlatdığı xəstəliklərin müalicəsi zamanı hekayələrində terminlər və dərman adlarından da istifadə etmişdir. Zənnimcə, psixiatr olmağa hazırlaşanlar üçün əla bir başlanğıc ola bilər.
Xoşuma gələn məqamlar psixiartın anlamadığı qəribə, çətin olayları araşdırması, öyrənməsi və xəstələri daxil, hətta ustadı Larrinin belə ona güvənməsi, özlərini onunla rahat hiss etmələri idi. Bütövlükdə kitabdan zövq aldım, bir sıra terminləri öyrənmiş oldum. Necə deyərlər, kitabı oxuduqca Qari ilə birlikdə həmin terapiyalarda özümü də iştirak etmiş hiss etdim.
Kitabdakı bölmə başlıqları:
1. Seksual baxış
2. Başı üstündə duran çılpaq qız
3. Əlimi tut, zəhmət olmasa.
4. Ürəyi gedən qız tələbələr
5. Körpə eşqi
6. Səssizliyin müalicəsi
7. Kiçilən cinsiyyət üzvü
8. Dəlicəsinə təlaşlı
9. Gözləri təmamən qapalı
10. Beyin sisi
11. Yuxulardakı toy
12. İşıqlar sönərkən
13. Bitməyən alış-veriş
14. Ailə bağları
15. Saxtakar psixiatr
Maraqlı gəldimi? Elə isə yükləyin və oxuyun. Xoş qiraətlər. 
XƏBƏR LENTİ
- ŞƏRHLƏR