Hipotiroid-Tiroid vəzinin normadan daha az işləməsi və ya iflası deməkdir. Hipotiroid zamanı normadan az tiroid hormonunu ifraz olunur. Tiroid xəstəlikləri arasında ən çox rastlananı hipotiroiddir. Qadınlarda daha tez-tez müşahidə olunur, yaş artdıqca rastlanma ehtimalı çoxalır və genetik olur.
Hipotiroidin əlamətləri:
Yorğunluq,
zehinsəl zəifləmə,
hərəkətsizlik,
titrətmə hissi ( soyuq),
çəkinin artması, dəri,
saç quruması,
qəbzlik,
aybaşı pozulması
Bu əlamətlər sırf hipotiroidə xas deyil. Hipotiroidi olan bir çox insanda bu əlamətlərin bəziləri heç müşahidə olunmaya da bilər və ya çox zəif şəkildə özünü biruzə verə bilər. Pasientdə hər hansı yuxarıda qeyd etdiyimiz şikayətlər olarsa, sadə bir qan analizi ilə hipotiroidin olub olmadığını müəyyən etmək olar.
Hipotiroidin səbəbləri: Böyüklərdə hipotiroidin ən çox rastlanan səbəbi haşımoto tiroididir. Bu xəstəlik zamanı immun sisteminiz tiroid vəzinizə "hücum edir" və ona zərər verərək kifayət qədər hormon ifraz etməsinin qarşısını alır. Bundan başqa hipotiroid başqa hormonal xəstəliklərinin müalicəsində istifadə edilən radioaktiv yod müalicəsi və ya cərrahi əməliyyatların nəticəsində də yarana bilər. Eyni zamanda hipotiroid anadangəlmə tiroid vəzinin olmamasına bağlı olaraq da meydana çıxa bilər.
Endokrinoloq Uzman Dr. Xəyyam Eyvazov
XƏBƏR LENTİ
- ŞƏRHLƏR