Ağız qoxusunun səbəbi helicobacter pylori (latın dilində) ola bilər.İnsanın sosial həyatına mənfi təsir edən ağız qoxusunun səbəbi mədədə yerləşən helicobacter pylori ola bilər.
Ağız qoxusunun daha çox rastlanan əhəmiyyətli bir sağlamlıq problemidir. Ağız qoxusu insanların sosial fəaliyyətlərini də məhdudlaşdırır və insanda özünə inam itkisinə yol açır. Cütlüklər arasında da uyğunsuzluğa səbəb olur.
Ağız qoxusunun səbəbləri
–Ağız içi və ağız xarici xəstəliklər
Ağız içərisindən gələn pis qoxunun bir çox səbəbi ola bilər.Ağız qoxusu verən xəstəliklər ağız içi və ağız xarici xəstəliklər olmaq üzrə iki qrupa ayrılır. Ağız içi səbəblər arasında dil üzərində yığılan bakteriyalar, diş əti və diş toxumalarının iltihabı ilə diş çürümələri sayıla bilər. Ağız qoxusu ilə gələn xəstələrin %90-ı ağız içərisində olan bir xəstəlik ilə qarşılaşırlar. Uzun müddət davam edən qulaq burun boğaz infeksiyaları, həzm sistemi və bütün bədən ilə bağlı xəstəlikləri də ağız qoxusu verən xəstəliklərdən saymaq olar. Şəkər xəstələrində də ağızda aseton qoxusuəhəmiyyətlidir.
Mədədə yerləşən helicobacter pylori Nədir?
Helicobacter pylori — mədənin və onikibarmaq bağırsağın müxtəlif nahiyələrinin selikli qişasında aşkar olunmuş spiralşəkilli, qrammənfi patogen bakteriyadır. Mədə və onikibarmaq bağırsaq xoraları, qastritlər, duodonitlər, mədənin limfom və şişləri etioloji olaraq helicobacter pylori yoluxması ilə əlaqələndirilir. Belə ki, 90% lat. helicobacter pyloridaşıyıcılarında heç bir xəstəlik simptomları olmur. Helicobacter adlandırılması onun spiral formaya malik olmasıyla əlaqədardır. Bu quruluşa malik olması helicobacter pylori-nin mədə və onikibarmaq bağırsağın selikli qişasına asandlıqla daxil olmasına və onun selikdə hərəkət etməsinə imkan yaratmış olur.
Böyrək çatışmazlığı olan və qaraciyərin sirrozu xəstələrdə də amonyak yığılması ağız qoxusunun əhəmiyyətli səbəbləri arasındadır.Ağız qoxusu verən xəstəliklər içərisində mədədə yerləşən helicobacter pylori adı verilən bakteriya mühüm yer tutur. Aparılan tədqiqatlar göstərir ki bu mikrobun sıxlığı 80% miqdarındadır. Ağız qoxusuna yol verən digər həzm sistemi xəstəlikləri isə bağırsaq parazitləri, həzm sistemi qanları, reflyuks xəstəliyi, mədə qrijası, qaraciyər çatışmazlığı, mədə çıxışında tutulma və bəzi sorulma pozğunluqları sayıla bilər.
Helicobacter pylori müalicə olunduğu zaman problem ortadan qalxır
Reflyuks ağız qoxusu verən ən əhəmiyyətli xəstəliklərdən biridir.Helicobacter pylorinin ağız qoxusu əmələ gəlməsindəki rolu mövzusunda çox fərqli görüşlər mövcuddur. Bir fikrə əsasən bakteriya ağız içərisinə yerləşir və ağız qoxusuna yol açan sulfid birləşmələrinin əmələ gəlməsinə səbəb olur. Aparılan bir tədqiqatda ağız qoxusu olan və mədə ilə bağlı şikayətləri olan xəstələrin %57-də helicobacter pylori müəyyən edilmişdir.Bakteriyanın müalicə edilməsilə xəstələrin ağız qoxusunda azalma müşahidə edilmişdir.
Əvvəlcə ağız qoxusunun səbəbi müəyyən edilməlidir
Ağız qoxusu olan xəstələrdə əvvəlcə qoxunun səbəbi təyin edilməlidir.Ağız içi mənbəli isə ağız təmizliyi son dərəcə əhəmiyyətlidir. Diş və diş ətlərinin gündə ən az iki dəfə fırçalanması təklif edilir. Diş həkimi və qulaq burun boğaz müayinəsi mütləq aparılmalıdır. Ağız içində hər hansı bir xəstəlik yoxdursa xəstələrin reflyuks xəstəliyi və mədə mikrobu baxımından yoxlanılması çox əhəmiyyətlidir.
XƏBƏR LENTİ
- ŞƏRHLƏR