12.01.2015-14:00

• Sağlamlıq xəbərləri

60 800

43

Bir çoxlarımız əsəb sistemimizlə bağlı şikayətçi olsaq da, çox az insan tapılar ki, bununla bağlı həkimə müraciət etsin. Müalicə olunmadıqda isə böyük fəsadlarla üzləşirik. Buna görə də bu gün əsəblərimizi ev şəraitində necə müalicə edəcəyimizin müxtəlif üsullarını öyrənək. Əsəbi olmaq yalnız stressdə olmaq, ağlamaq, hər zaman gərgin olmaq deyil. Belə bir söz var ki, "bütün xəstəliklər əsəbdən yaranır". Bu sözlər heç də əsassız deyil. Əslində, daimi əsəbi sarsıntı və gərginlik orqanizmin tükənməsinə gətirib çıxarır. İnsan tez-tez əsəb keçirir və gərgin olursa, bu digər orqanlara da təsir edir. Həblər olmadan ev şəraitində əsəblərimizi müalicə etməyi, stressdən azad olmağı öyrənməliyik. Əgər siz tez-tez stress yaşayır, stressli işdə işləyir və ya ailədə problemləriniz varsa, ilk növbədə qidalanmağımıza nəzarət etməklə sinir sisteminin vəziyyətini yaxşılaşdırmaq olar. Belə ki, əsasən daha çox B vitamini olan qidalara üstünlük verməliyik. Buna dəniz məhsulları, qırmızı və qara ciyər, bal, yumurta, kərə yağı, paxla və süd məhsulları daxildir. Bundan başqa yediyimiz qidaları günlərə bölməli eyni zamanda eyni qidanı yeməliyik. Məsələn: həftənin 1-ci günü dəniz məhsullarıyla qidalanmışıqsa, 2-ci gün süd məhsulları və ya başqa qidalara müraciət etməliyik. 

Yaxşı yuxu və istirahət orqanizmimizin sağlamlığı üçün vacib amillərdəndir. Gün ərzində ən az 8 saat yatılmaq lazımdır. Əsəbləri sakitləşdirmək üçün səhər gəzintisi, bəzən qaçmaq, təbiət qoynunda istirahət etmək xeyirlidir. Bir çox insanlar bunun üçün balıq ovu və göbələk yığımını da seçirlər. Bu zaman insan stressdən azad olur.

Bəs əsəbləri xalq təbabətinin köməyi ilə necə sakitləşdirmək, müalicə etmək olar?

Apteklərdə valerian adlı həb tapmaq çox asandır. Bu vasitə də gərgin əsəblərə çox xeyirdir.  Sinir sisteminə təsir göstərir, həyəcan və qıcıqlanmanı azaldır, üstəlik də baş ağrılarından və yuxusuzluqdan azad edir. 

Sakitləşdirici vannalar. Stress zamanı duş qəbul etmək, əsasən də ətirli yağlarl qarışdırılmış suda 30-40 dəqiqə vaxt keçirmək xeyirli və faydalıdır. Daxil olacağınız vannaya bir neçə damcı ətirli yağlar və ya özünüzün evdə hazırladığınız dəmləmələr əlavə edin. Çobanyastığı, yemişan, qaxotu və s. otlardan dəmləmələr edə bilərsiniz. Belə ki, 1 çay qaşığı ota 1 stəkan qaynar su əlavə edib dəmləyin. Sonra süzüb qəbul edəcəyiniz vannaya əlavə edin. Gözəl nəticə əldə edəcəksiniz. Lakin hər gün bu vannaları qəbul etməlisiniz. Lavanda və cökə dəmləməsi sizi təəccübləndirəcək. Ətri xoş olduğu kimi effekti də güclüdür. 

Bundan başqa çuğundur şirəsi də əsəbləri sakitləşdirmək üçün çox vacibdir. Əgər çuğunduru tək içə bilmirsinizsə, buna alma və kök şirəsi də əlavə edib içə bilərsiniz. Bu qarışım eyni zamanda mədə-bağırsaq sisteminə yaxşı təsir edir və qəbzliyi aradan götürür. Həzmi yaxşılaşdırır. Yatmazdan əvvəl 1 stəkan keçi südünün isə heç nə əvəz eləmir. Yuxu pozğunluğu müşahidə olunursa, sizə keçi südü faydalı olacaq. Əgər keçi südü əldə etmək çətindirsə, bu zaman inək südünə qara çörək otu əlavə edib içə bilərsiniz. 

Aromaterapiyanın da rolu əvəzedilməzdir. Yuxusuzluqdan əziyyət çəkirsinizsə, sitrus meyvələrinin yağları, nanə və qızıl gül ətirli yağlarla masaj etdirməlisiniz. Bənövşə, berqamotu, çay ağacı ləçəklərinin də yağları əsəb sakitləşdiricidir. İlk əvvəl özünüzə inanın və həkimə müraciət etməzdən qabaq ev şəraitində özünüzə qulluq etməyi öyrənin. 

10 3

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

Deniz84