Hər kəs dəblə geyinmək istəyir, ancaq bəzi moda trendlərinin sağlamlığımız üçün zərərli olduğunu bilirsinizmi? Şıq geyimlər və aksesuarlar gözəl görünməyinizə səbəb olsa da, bəziləri sağlamlığa ziyan verir, hətta bədəninizin müəyyən hissələrinə ciddi şəkildə mənfi təsir göstərə bilər. Gəlin birlikdə moda məhsullarının zərərlərini araşdıraq.
Dar cins şalvarlar:
Gənc qızlar dar cins şalvar geyməyi sevirlər. Ancaq həkimlər sinirlərin sıxılmasına səbəb ola biləcəyi üçün belə şalvarları geyinməyi məsləhət görmürlər.
Qalstuk:
Dünyada çox yayılmış göz xəstəliklərindən sayılan qlaukoma riskini artırır, əgər müalicə edilməzsə, korğula səbəb ola bilər.
Dar alt paltarları:
Dar alt paltarları, əsasən də büsthalterlər yatmağınıza mane ola bilər. Araşdırmalara görə, büsthalterlərin yaratdığı təzyiq yuxunuzu pozmaqla yanaşı, hətta xəstələnmənizə gətirib çıxara bilər. Sintetik və güpürlü alt paltarları sürtünməyə və infeksiyaların yaranmasına səbəb ola bilər.
Hündürdaban ayaqqabılar:
Hündürdaban ayaqqabılar hər zaman bütün qadınlar üçün güclü stil ifadəsi olmuşdur. Belə ayaqqabılar xoş görünsə də, ayaqlara çox zərər verir. Hündürdaban ayaqqabı geydiyiniz zaman ayaqların ön hissəsinə təzyiq artır. Belə ayaqqabıları uzun müddət geyinmək ağrıya və hətta sümük deformasiyasına səbəb olur.
Babetlər, düz ayaqqabılar, yay səndəlləri:
Hamımız babet, düz ayaqqabı və yay səndəllərinin ən rahat ayaqqabı olduğunu düşünürük. Ancaq belə ayaqqabılar topuq ağrılarına, vətər problemlərinə və burxulmalara səbəb ola bilər.
Dizə qədər olan çəkmələr:
Dizə qədər olan çəkmələr də ayaqlara zərər verir. Belə çəkmələr ayaqdakı sinirlərə zərər verir, yanma, uyuşma hissi yaradır, eyni zamanda qan dövranına da mənfi təsir edir.
Taxma kirpiklər:
Taxma kirpiklərdən tez-tez istifadə etmək öz kiprikləriniz üçün zərərlidir. Belə kiprikləri göz qapaqlarına yapışdırmaq üçün istifadə edilən yapışqan öz kipriklərinizə ziyan verə bilər. Onların nazilməsinə və qırılmasına səbəb ola bilər.
Metal bəzək əşyaları:
Metal bəzək aşyaları bir çox insanda allergik reaksiyalara səbəb ola bilər. Hər hansı metala qarşı allergiyası olanlar bəzək əşyaları alarkən çox diqqətli olmalıdırlar.
Sıx üzüklər:
Üzük çox istifadə edilən aksesuardır. Ancaq barmağınızı sıxan üzük qan dövranını çətinləşdirir, keyləşməyə səbəb olur. Belə üzük taxsanız, hər 2-3 saatdan bir onu çıxarın ki, barmaqlarınız rahatlansın.
Linzalar:
Sadəcə fərqli görünmək üçün taxılan linzalar gözləriniz üçün zərərli ola bilər. Linzaları almadan öncə onların hazırlandığı material və etibarlı olub-olmaması haqda araşdırma aparın. Mütləq göz həkimi ilə məsləhətləşin.
Tünd rəngli günəş eynəkləri:
Günəş eynəkləri gözlərinizi günəşin zərərli şüalarından qoruyur. Ancaq çox tünd rəngli eynəklərdə ultrabənövşəyi şüalardan qoruyan filtr yoxdursa, o zaman daha da zərərli olur. Tünd rəng göz bəbəklərini böyüdür, ultrabənövşəyi şüalar düz gözün mərkəzinə düşür və gözə böyük ziyan vurur. Yəni eynəyiniz çox tünd rənglidirsə, mütləq ultrabənövşəyi şüalardan qoruduğundan əmin olun.
Bunlar sağlamlığınıza zərərli ola biləcək dəb məhsullarıdır. Dəbə uyğun geyinməyi sevsək də, bunlar heç bir zaman sağlamlığımızdan önəmli olmamalıdır. Belə geyimləri çox sevir və özünüzü geyinməkdən saxlaya bilmirsinizsə, ən azı çox uzun müddət geyməməyə çalışın.
XƏBƏR LENTİ
- ŞƏRHLƏR