04.12.2012-02:07

• Şəxsi təcrübə

74 518

127

Uğurlu  iş qadını Leyla Alaton Günyeli, doğuşdan sonra necə 20 kilo arıqladığını izah etdi. Günyeliyə görə, iş həyatınız nə qədər çətin olursa- olsun, idman etmək üçün vaxt tapa bilərsiniz. O, bunu fəlsəfi olaraq mənimsəmişdir. "Söz mövzusu idmandırsa, bunu gecikdirmək üçün heç bir bəhanə olmamalıdır" deyir.

Alarko Şirkətlər Qrupunun İdarə heyətinin Üzvü Leyla Alaton Günyeli, müvəffəqiyyətli bir iş qadınıdır. Eyni zamanda 4 yaş yarımındakı Erosun və 2 yaşındakı Atlasın anasıdır.  Günyeli, zülal rejimini tətbiq etmiş və nizamlı qidalanaraq, 8 ayda 20 kilo verməyi bacarmışdır. Sonra da idmana daha çox üstünlük verərək bədənini sağlam, formalı  hala gətirmişdir. Əslində, uzun boyu və əzələli bədəniylə ona baxdıqda 8 ay əvvəl belə görünmədiyinə inanmaq çətindir.

Onun dediyinə görə, bu artıq çəkini o doğuşdan əvvəl və doğuşdan sonra övladını əmizdirdiyi dövrdə yığmışdır.  

Arıqlamaq üçün necə bir rejim tətbiq etdiniz?

Arıqlamaq üçün zülal rejimi tətbiq etdim. Səhərlər yalnız bir dilim buğda çörəyi, yanında bir az ağ pendir və bal yedim. Arada çox yemək xasiyyətim yoxdur, günortalar bir qab yemək, ya zeytun yağlı bir salat, ya da bir ət yeməyi yeyirdim. Ümumiyyətlə seçdiyim ət- balıq ya da toyuq olurdu. Günortadan sonra da axşama çox acmamaq üçün meyvə...  Axşamlar da yenə qızartma balıq, toyuq, ya da ət yeməyi seçdim. Yanında şübhəsiz ki,  bir az tərəvəz yeməyi yeyirdim. Qısaca özümü tutdum! Mən də indi inana bilmirəm. 

Rejim zamanı idman etdinizmi?

Rejim vaxtı çox idman etmədim. Yalnız çox yüngül idmanlar etdim. Çünki, məncə, arıqlamağa çalışarkən idman etmək həm çox iştah açır, həm də bədəni çox sərtləşdirir, arıqlamaq daha çətinləşir. Mən ancaq arıqladıqdan sonra davamlı  bir şəkildə idman etməyə başladım. Hillside City Cluba həftədə 5 dəfə gəldiyim günlər olur. Arıqladıqdan sonra bədənimin formaya düşməsi və özünü yığması burada etdiyim idman sayəsində reallaşdı, deyə bilərəm. Burada həkim də, pəhriz mütəxxəsisi də var, onların da mənə bəzi tövsiyələri oldu.

İdmanda məşq olaraq nələri edirsiniz?

Hillside City Clubdakı studiya dərslərinə gedirəm.  Pilates (əzələləri qüvvətləndirmək və elastikliyi artırmaq məqsədiylə daha sağlam bir bədən üçün məşq sistemi) edirəm, kinqboks  edirəm, rep reeboks edirəm. 

 Əslində burada səhər proqramında olan az qala bütün dərslərdə iştirak edirəm, deyə bilərəm. Bu dərslər çox xoşuma gəlir. Dərs yoxdursa, özüm məşğul oluram: qaçış aparatı, arıqlamaq üçün velosiped kimi alətlərlə işləyirəm.

Uzaq şərq mənşəli idmanlara və müalicələrə necə baxırsınız?

İdman klubunda müxtəlif yoga dərsləri verilir. Müəllimlərimiz də ən yeni texnikalardan istifadə edirlər. Yeni dərslərin arasında bu tərz; uzaq şərq mənşəli idmanlar da olur, mən də bu fürsəti sınamış oluram.

0 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

Endless Love