Arıqlamaq istəyirik, ancaq özümüzü çətinə salmaq istəmirik və pəhriz siyahıları tətbiq etmək sizə görə deyilsə, həyatınızda bəzi dəyişikliklər edərək çəki azaltmaq müddətinizi tezləşdirə bilərsiniz. Çox kiloları atıb, daha sağlam və gözəl görünən bədənə qovuşmaq üçün başladığımız pəhrizlər, iradəmiz, ya da həyat şərtlərimizə görə boşa çıxır. Bu maneələri keçmək üçün bizə kömək olacaq mütəxəssis tövsiyyələrini sıralamaq istədik. Gəlin birlikdə nəzər salaq.
Əvvəlcə boşqabımızdakı yeməkləri arxamızca atlı qovur kimi yeməkdən imtina etməliyik. Yemək ən azı 20 dəqiqə çəkməlidir. Beynin doymaq siqnalını verməsi üçün təxminən bu qədər müddətə ehtiyacı var.
Hər gün 1,5 və 2 litr su içməyimizin lazım olduğu boşuna məsləhət görülmür. Su maddələr mübadiləsini sürətləndirməkdə böyük rol oynayır. Suyu gün ərzində qəbul etmək daha əhəmiyyətlidir. Xüsusilə yeməkdən yarım saat əvvəl su içmək daha faydalıdır. İçmədiyimiz suyu axşam içərək aranı doldurmağa çalışmağınız çox təəssüf ki, tez-tez tualetə getmək xaricində bir işə yaramır.
Yemək yeyərkən su içməyin faydası yoxdur. Əksinə, mədə həcmini artırmış oluruq və bu da çox qida qəbul etməyimiz mənasına gəlir. Yeməkdən sonra su içmək üçün ən azı 1 - 1,5 saat keçmiş olmalıdır. Çünki mədə boş ikən su birbaşa bağırsaqlara qarışır, amma qidayla qarışdığında mədəni genişləndirməkdən başqa bir funksiya boynuna götürmür.
Mütləq qidalanmalarda biri tərəvəz ağırlıqlı olmalıdır. Beləliklə həm bağırsaqların daha sürətli işini asanlaşdırıb, həm də daha az kalorili bir menyuya sahib olarıq. Tərəvəzlər bir boşqab ətə görə demək olar ki, dörddə biri qədər enerjiyə sahib olsalar da, eyni dərəcədə toxluq təmin edərlər. Məsələn ətin həzmi 3-4 saat çəkirsə, tərəvəzin həzmi 2 saat çəkər. Lakin tərəvəzi bir dilim çörəklə qəbul edirsinizsə, uzun müddət tox qala bilərsiniz. Bu səbəblə gün ərzində minimum 2-3 boşqab tərəvəz, yenə eyni nisbətdə meyvə qəbul etməyi vərdiş halına gətirməliyik.
Bir boşqab meyvə deyərkən 50 kaloridən bəhs edirik. Bunu da yarım banan, böyük naringi, kiçik bir alma və ya heyvanın dörddə biri ilə əldə edilə bilər.
Gün ərzində kifayət qədər karbohidrat qəbul etmədiyimizdə enerji ehtiyacımızı qarşılıya bilmirik. Bunun nəticəsində də beynimiz bizə şirniyyat yeməyimizi əmr edir. Əgər ürəyimiz çox şirniyyat istəyirsə, bu müddətdə paxlava və şərbətli kimi kalorisi çox olan şirniyyatlar əvəzinə daha az kalorisi olan südlü sirniyyatlar seçməliyik.
Karbohidratları həyatımızdan çıxartmaq düzgün bir qərar deyil. Təkcə ağıllı seçimlər etməyimiz lazımdır. Məsələn, plov və kartof yerinə, həzmdə nisbətən daha uzun çəkən, beləcə qan şəkərini sürətlə yüksəltməyən kəpək çörəyini, tam buğda makaronunu, quru paxlalılar və ya yarma plovunu seçməkdə fayda var.
Axşam yeməyini çox gec yeməməliyik. Axşam saat 19:00 kimi süfrəyə otura bilirsinizsə, çox şanslısınız. Ancaq bu mümkün deyilsə, deyək ki, 24:00-da yatağa girəcəksiniz, heç olmazsa yatmazdan ən azı 4 saat əvvəl axşam yemək yeyərək tamamlayın ki, hərəkətsiz qaldığınız üçün kalorilər bədəninizdə yığılmasın.
XƏBƏR LENTİ
- ŞƏRHLƏR