Qadin.Net Milli.Az -a istinadən yazını təqdim edir.
Müasir dövrdə peşələr arasında gender bərabərsizliyi daha da dərinləşməkdədir. Məsələn, bank sektorunda çalışan qadınların sayı kişilərlə nisbətdə xeyli azdır. Təhsil sahəsində isə vəziyyət bir qədər fərqlidir. Son illər ərzində pedaqoji sahəyə meyllənən kişilərin sayı xeyli azalıb. Bəs görəsən bunun əsas səbəbi nədir? Problemi necə həll etmək olar?
Azad Müəllimlər Birliyinin sədri Məlahət Mürşüdlü deyir ki, son illər ərzində təhsil sahəsində kişi müəllimlərin sayı xeyli azalıb: "Bununla bağlı müxtəlif işlər görülür. Görülən işlər artıq yavaş-yavaş öz nəticəsini verməkdədir. Müəllimlərin işə qəbulu obyektivlik və şəffaflıq əsasında aparılır. Məzunlar artıq yavaş-yavaş pedaqoji sahəyə cəlb olunur. Əvvəlki illərə nisbətən son 3-4 il ərzində bu sahədə aktivlik müşahidə olunur. Amma ümumilikdə məktəbdə kişi müəllimlərin sayı xeyli azdır. Elə məktəblər var ki, 150 nəfərlik kollektivdə cəmi 3 nəfər kişi müəllim çalışır. Təəssüf ki, belə məktəblərin sayı çoxdur. Orta məktəblərdə dərs deyən müəllimlərin böyük əksəriyyəti qadınlardır. Bunun səbəbləri isə müxtəlifdir. Əsas məsələ əmək haqlarının az olmasıdır. Müəllimlərin aldığı əmək haqqı ilə ailə dolandırmaq çox çətin məsələdir. Kişi müəllimlərin əksəriyyəti fərqli sahələrdə çalışırlar. Belə nümunələrin sayı həddən artıq çoxdur. Kişi müəllimlər taksi sürücüsü, fəhlə və xidmət sektorlarına meyllənirlər. Bu isə öz növbəsində təlim-tərbiyə məsələsinə ciddi şəkildə təsir göstərir. Kişilərin nüfuzu və təsir gücü qadınlara nisbətən daha çoxdur. Heç kim bunu inkar edə bilməz. Kişi müəllimlərin sayının az olması təlim-tərbiyə məsələsində uşaqların psixologiyasına da ciddi təsir göstərir. Uşaqların və gənclərin şəxsiyyət kimi formalaşmasında kişi müəllimlərin rolu danılmazdır. Sevindirici haldır ki, bu tendensiya artıq dəyişməyə doğru gedir. Məzunlarımızın qazandıqları nəticədən asılı olaraq təhsil sahəsinə meyllənməsinin şahidi oluruq".
Sosioloq Lalə Mehralı söylədi ki, müəllim olmaq istəyən məzunların sayı azdır: "Biz məktəbdə oxuyarkən 4 fəndən dərs deyən müəllimimiz kişi idi. Həmçinin hərbi hazırlıq və idman müəllimləri də kişilər olurdu. İni isə məktəblərdə kişi müəllimlər yox dərəcəsindədir. Hətta dəfələrlə idman dərslərinin də qadın müəllimlər tərəfindən tədris edildiyinin şahidi olmuşuq. Qadın müəllimlərin dərsləri tədris etməsi oğlan uşaqlarının psixologiyasına ciddi təsir edir. İndi atalar uşaqlarına daha az vaxt ayırır. Dolayısı ilə oğlan uşaqları məktəblərdə müəllimlərin yanında daha çox olur. Ona görə də gün ərzində ən azı iki fənn kişi müəllimlər tərəfindən tədris edilməlidir. Qadın müəllimlərin çoxluğu oğlan uşaqlarının xarakterinə təsirsiz ötüşmür. İndi oğlan uşaqlarının çoxu qızlar kimi davranır. Oğlanlarda kişi xarakteri formalaşmır. Bu onların danışıq tərzindən tutmuş, jestlərinə qədər özünü göstərir. Çünki uşaqların xarakteri məktəblərdə formalaşır. Aydın məsələdir ki, uşaqların tərbiyəsində müəllimlərin təsiri valideynlərdən daha çox olur. Çünki uşaq valideyndən çox müəllimi görür. Ona görə də pedaqoji sahədə kişi müəllimlərinin sayının artırılması vacibdir. Kişi müəllimlərin sayının az olma səbəbi kimi əməkhaqqının aşağı olması göstərilir. Amma indi müəllimlərin əksəriyyəti öz gəlirini əsasən repetitorluqdan qazanır. Məsələ burasındadır ki, gənclərin müəllim olmağa meyli aşağıdır. İndi oğlan uşaqları adətən informasiya-texnologiya sahəsinə meyllənirlər. Müəllim olmaq istəyən şagirdlərin sayı çox azdır. Halbuki əvvəllər uşaqlardan böyüyəndə nə olmaq istədiyini soruşanda, əksəriyyətinin cavabı müəllim olurdu. Əməkhaqqı səbəblərdən sadəcə biridir. Problemin həlli kimi imtiyazlar yaradıla bilər. Kişi müəllimlər daha çox dərs saatı ilə təmin olunsa və imtiyazları olsa, müəllim işləməyə maraq artar".
Psixoloq Həsən Hüseynov qeyd edir ki, məktəb uşağın istər intellektual, istərsə də psixoloji inkişafına təsir edən əsas faktorlardan biridir: "Uşaqlarda təxminən 3 yaşlarında "mən" formalaşmağa başlayır və uşaq öz cinsiyyətinin fərqinə varmağa başlayır. Cinsiyyətinin xüsusiyyətlərini isə ətrafı müşahidə edərək öyrənir. Kişi müəllimlərin əksikliyi istər-istəməz müəyyən fəsadlara səbəb olur. Nəzərə almaq lazımdır ki, şagirdlər günün böyük bir hissəsini məktəbdə keçirirlər. Kişi müəllimlərin azlıq təşkil etməsi bu mənada xoşagəlməz bir haldır. Məktəb özü də bir cəmiyyətdir. Elə ailələr var ki, ata ilə ana yarılıb. Belə uşaqlar xeyli əziyyət çəkir. Çünki onların rol modeli olmur. Kişi müəllimlərin çatışmazlığı onların psxiologiyasına ciddi təsir göstərir. Həyatdakı ən vacib şeylərdən biri də hər bir mövzuda balansı qoruya bilmək və qorumaqdır. Bu mənada "kişi, yoxsa qadın müəllimlərin çoxluq təşkil etməsi yaxşı olar?" kimi bir qarşılaşdırma doğru olmazdı, mümkün qədər eyni və ya yaxın sayı təmin etmək lazımdır".
XƏBƏR LENTİ
İran prezidentini belə görmüşdünüz?
AZAL uçuşlarda endirim etdi
Qadınlar ən çox nəyə pul xərcləyirlər?
Balaca qızlarımız üçün palto və gödəkçələr
Türk pizzası (foto resept)
HAVA necə olacaq?
Paşinyan Qarabağla bağlı razılaşmanı imzalamasının səbəbini açıqladı
İtkin düşən atasını 24 ildən sonra qonşu zirzəmidə tapdı - VİDEO
Köklü, qozlu, darçınlı keks (foto resept)
Orduda ilk qadın general
Müddətsiz əmək müqaviləsi üçün müsahibələr onlayn keçiriləcək
Yeni il üçün manikür modelləri
Məşhur modelə 250 minlik hədiyyə-FOTO
"Azərbaycan və Türkiyənin hərbi əməkdaşlığının genişləndirilməsi üçün birgə istehsal sahələri yaradılmalıdır"
Kişilər əsəbləşəndə kimə çevrilir?
Bengünün toyu üçün 5 yük maşınında gül gətiriləcək
Azərbaycanda şəkərli diabetdən ölüm göstəricisi enib
Britni Spirsin 57 milyonluq davası
“Coker” filmi daha bir uğura imza atdı
Kartoflu konvert (foto resept)
İrem Derici KÖKƏLDİ-FOTO
İş axtaranların NƏZƏRİNƏ: Bu cümlələrdən qaçın
Bütün Dünya Bu qızdan danışır-SƏBƏB/VİDEO
Düşmənləri sevindirməmək üçün oxuyun
Bakıda qanunsuz tikililər ləğv ediləcək!
Seda Sayandan etiraf
Dekorasiya ideyaları
Şanlı ordumuzun qalib əsgərləri geri qayıdırlar - VİDEO
Yaşıl çayın sirləri
Leksika - 2
Azərbaycanda Novruz bayramıdır
Canlı yayımda verilən sual hər kəsi təəccübləndirdi
Azərbaycan qazı Avropa üçün önəmlidir
Papa Bakıya gəlir - polis hazırlığa başladı
Xankəndi tamamilə boşaldılıb – FOTO
UEFA iki futbolçusu koronavirusa yoluxmuş kluba texniki məğlubiyyət verdi
Sümüklərdəki qəfəs sistemlərinin möhkəmliyi
İnyesta "Real"a məğlubiyyətdən sonra: "Bir yumruq olmalıyıq..."
Yataq dəstləri
Qadın Ət Yeyən Virusa Yoluxdu-FOTO
Ahıllar pulsuz tibbi müayinədən keçirildi
Sellülitə son
Evlilik ildönümlərini belə qeyd etdilər
Azərbaycanda bəzi körpələrə şəhər adları verilib - SİYAHI
Kəvərli şorba (foto resept)
Kişinin xəyanət etdiyini göstərən 12 ƏLAMƏT
Sağlam saçlara qovuşmağın yolları
İşğaldan azad edilmiş ərazilərdə yaradılan hospitalların sayı bilindi - RƏSMİ
Marsda həyat varmı?
Ermənilər Ağrı dağ tamahı
- ŞƏRHLƏR