Avqustun 28-də Bakı bulvarının tarixi rəmzlərindən biri olan və yenidən bərpa edilən "Qu quşları" fəvvarə kompleksinin açılışı olub.
Qadin.Net AzərTac-a istinadən xəbər verir ki, Azərbaycan Respublikasının Prezidenti İlham Əliyev və birinci xanım, Heydər Əliyev Fondunun prezidenti Mehriban Əliyeva kompleksin açılışında iştirak ediblər.
Bakı bulvarındakı "Qu quşları" fəvvarəsi 1960-cı illərdə qurulub. 1960-1980-ci illərdə ulu öndər Heydər Əliyevin təşəbbüsü və rəhbərliyi ilə Azərbaycanda genişmiqyaslı quruculuq işləri həyata keçirilir, o cümlədən Bakıda memarlıq kompleksləri və paytaxtın simasını dəyişən binalar inşa edilirdi. Bakı dənizkənarı parkı da hamının diqqətini cəlb edən gözəl məkana çevrildi. Azneft dairəsi ərazisində qurulan "Qu quşları" fəvvarəsi də sakinlərin və şəhərimizin qonaqlarının sevimli məkanlarından biri kimi tanındı. Dahi şair Nizami Gəncəvi və görkəmli bəstəkar Qara Qarayevin "Yeddi gözəl" poeması və baletindən ruhlanaraq yaradılan və 7 qu quşu heykəlindən ibarət fəvvarə sakinlərin çox xoşuna gəldi və necə deyərlər, paytaxtın "əfsanəvi" məkanına çevrildi.
"Qu quşları" fəvvarəsinin kompozisiyası bir neçə dəfə işlənilib. 1960-cı illərin əvvəlində 7 qu quşundan və hovuzdan ibarət olan kompozisiyaya 1980-ci illərdə yeni çalarlar əlavə edildi. 1990-ci illərin əvvəlində ölkədə hökm sürən xaos və baxımsızlıq səbəbindən bir çox digər ictimai obyektlər kimi, bu ansambl da bərbad vəziyyətə düşdü. 2007-ci ildə dənizkənarı bulvar yenidən qurularkən onun yerində mərmər fəvvarə kompleksi yaradıldı. Lakin tarixi qu quşları ilə məşhurlaşan fəvvarə üçün hər zaman bir nostalji var idi.
Azərbaycanın birinci xanımı, Heydər Əliyev Fondunun prezidenti Mehriban Əliyevanın təşəbbüsü ilə bu tarixi ansambl yenidən bərpa edildi və tarixi siması özünə qaytarıldı. Təkcə paytaxt əhalisinin deyil, ölkəmizə gələn çox saylı turistlərin xoşladığı və baş çəkdiyi bu məkan gözəlləşən Bakının görkəminə daha bir xoş ovqat gətirdi. Bu ansamblın yenidən öz tarixi simasını bərpa etməsi nəticəsində bütün dünyada məşhur olan Bakı Bulvarının siması daha da gözəlləşdi.
Heydər Əliyev Fondunun icraçı direktoru Anar Ələkbərov dövlətimizin başçısı İlham Əliyevə və birinci xanım Mehriban Əliyevaya burada görülən işlər barədə məlumat verdi.
Heydər Əliyev Fondunun dəstəyi ilə həyata keçirilən layihə çərçivəsində ərazidə hovuz inşa edilib, 16 fəvvarə dirəyi qurulub, təbii daşlar üzərində heykəltəraş Murad Sücəddinov tərəfindən 7 qu quşu heykəli hazırlanıb. Heydər Əliyev Fondunun prezidenti Mehriban Əliyevanın tapşırığına əsasən, tarixi ənənələrin qorunması ideyasına söykənən layihə üzərində işlər yüksək səviyyədə həyata keçirilib. Vacib məqamlardan biri də odur ki, qu quşları 1960-cı illərdə olduğu kimi, hər biri fərqli ölçüdə və fərqli hərəkəti təsvir edərkən hazırlanıb. Fəvvarələr qurularkən işıqlandırmaya xüsusi diqqət yetirilib. İndi bu məkan həm yerli sakinlər, həm də turistlər üçün yeni istirahət yeri olmaqla yanaşı, keçmişdə çox sevilən bulvarın bu hissəsində yaşanan xatirələri də canlandıracaq.
Dövlətimizin başçısı və birinci xanım dənizkənarı milli parkda kiçik Venesiya şəhərciyinin ərazisinə də baxdılar. Burada yeni yer örtüyü salınıb, əlavə ağaclar əkilib, ətraf abadlaşdırılıb.
Bu gün, eyni zamanda, həm Avropa, həm də Şərq arxitektura koloritini özündə birləşdirən Bakı gözəlliyinə görə dünyada diqqət çəkən, turistlərin səyahət üçün seçdiyi şəhərlərdən biridir. Bakının tarixi rəmzlərindən biri olan "Qu quşları" fəvvarələr kompleksinin yenidən ilkin görkəminə qaytarılması paytaxtımızın hüsnünə yaraşıq verməklə yanaşı, ənənələrin yaşadılması, müasir memarlıqda tarixi izlərin qorunub saxlanılması baxımından da əhəmiyyətlidir.

XƏBƏR LENTİ
Balığa Obama adı verildi
"Qarabağ kətəsi" (foto-resept)
DİQQƏT! Ağcaqanad dərmanları fəsadlara yol aça bilər!
İri ticarət mərkəzlərinin fəaliyyətinin bərpası ilə bağlı AÇIQLAMA
Yumurta hər yaşda faydalıdır
Məşhur aparıcı FOTOsuna görə tənqid olundu
Kakaolu Dondurma (foto resept)
Uşaqlar üçün papaq və şərf modelləri (2)
Devid Bekhem baba olacaq
Bakının bu rayonunda qaz olmayacaq
Ceyhun Bayramov ATƏT-in Minsk Qrupunun həmsədrləri ilə görüşüb
Bakıda sahibsiz itlər niyə öldürülür?
Münasibətin ciddiləşdiyini göstərən hallar
Uşaqlarınıza bu adları qoya bilməyəcəksiz
Qarabağda vurhavur
Azərbaycan əhalisinin sayı AÇIQLANDI
İki ağzı və iki dili olan uşaq dünyaya gəldi - FOTO
Hülya Avşarın gəliri artdı-6 milyon
Azərbaycanda yeni tibbi mərkəz yaradılacaq?
Hadisedən yeni FOTOsessiya
Selena Gomez Kann festivalında göz oxşadı-FOTO
Qalın dabanlı ayaqqabı modelləri
Kremldən Dağlıq Qarabağdakı vəziyyətlə bağlı AÇIQLAMA
Koronavirusla döyüşən mübariz xəstələr və fədakar həkimlər - “YENİ KLİNİKA”DAN REPORTAJ - VİDEO
Həkimdən Bəhram Bağırzadənin səhhəti ilə bağlı AÇIQLAMA
Apple əşyaların internetinə keçir
Yuxuda arıqlamaq üçün bunları edin!
Bədənin bu bölgələrinə döymə vurmaq olmaz!
Ermənilər Bakıda məğlub oldular
Sevimli filmlərimizdən sitatlar
“Haber Global” sülhməramlı adına ləkə gətirən hallar haqqında: Azərbaycan xalqının səbrinin həddi var - VİDEO
Boyunda duz yığıldığını göstərən əlamətlər
Dırnaq boyasının tarixi
Uşaqlarınızda iştahasızlığın əsas səbəbləri
Xərçəngi məhv edən lazer hazırlandı
BÜRCLƏR bizə nə vəd edir?-7 Noyabr
Yalançı erməni hərbi təlimləri
Azərbaycanda çörək ucuzlaşacaq? - Təkrar emal...
Reklamlar beynimizə necə təsir edir?
Sobada ətli badımcan kababı (foto-resept)
Qış avatarları
Heydər Əliyevin qələbələri xalqın ürəyində əbədi yaşayacaq - Mehriban Əliyeva
"4 arvad almaq Azərbaycanda qəbul olunmur"
Özünüzü isti havadan qoruyun
Sabah 18 dərəcə isti olacaq
Zövqlü don modelləri
Prezident şəhid generalla polkovnikin ailəsinə ev verdi
Koronavirus xlorlu suda neçə saat “yaşaya” bilir?
Tanış olun: Mercedes-Benz B-Class Electric Drive
2017-nin dəbli şərfləri
