Britaniya kraliçası 2-ci Yelizavetanın nəvəsi, 33 yaşlı şahzadə Harri ilə amerikalı fotomodel və aktrisa, 36 yaşlı Meqan Marklın nikahları və toy mərasimi bu şənbə günü Vindzor Sarayında olacaq.
Qadin.Net bildirir ki, Milli.Az The Guardian-a istinadən bildirir ki, Meqan Marklın atası, 73 yaşlı Tomas Markl toyda iştirak etməyəcək. O, ürək damarlarının stentlənməsi ilə bağlı cərrahiyyə əməliyyatına məruz qalacaq.
Tomas Marklın dediyinə görə, bu günlərdə ürəktutmasına məruz qalıb. Səbəb isə Meqan Marklın qardaşı Tomasın şahzadə Harriyə ünvanladığı məktubdur.
Şahzadə Harrini bacısı ilə evlənməməyə çağıran oğul Tomas Marklın sözlərinə görə, Meqan Markl "bivec", xudpəsənd, müştəbeh, acgöz və tamahkar qadındır.
Oğul Tomas Markl şahzadə Harriyə ünvanladığı açıq məktubunda yazıb:
"Əziz şahzadə Harri!
Nə qədər ki, gec deyil, bacım Meqan Marklın sənin üçün uyğun insan olmadığını anlayın.
Kral sarayında toya az vaxt qaldığından istərdim ki, başa düşəsiniz: Britaniya kral taxt-tacının tarixində ən böyük səhv ola bilər.
Çünki əsl, bütün dünyanın gördüyü Meqan Marklı siz hələ də görə bilmirsiniz.
Meqanın "şahzadə" rolunu oynamaq istəyi alınmır, çünki o, orta səviyyədən də aşağı Hollivud aktrisasıdır.
Bir düşünün: yaxşı insan atası müflis olanadək ondan yararlanıb sonra Meksikada yaşayan atasını unudarmı?! Borc içində qalan, kasıb həyat yaşayan atasını düşünməzmi, yardım etməzmi?!
O, atasını unutdu. Sanki Meqanın atası ümumiyyətlə, yoxdu. İndisə, toy ərəfəsində bacım Meqan atam Toması qəflətən "yada saldı".
Meqan tamahkar, xudpəsənd, cılız, yalançı, kinli insandır. O, sizimn ailənizə əsla yaraşmır.
Şahzadə Harri! Lütfən, düşünün: evlənməyə hazırlaşdığınız qadın ailəsindən, qohumlarından kimsəni toyuna çağırmır, amma bizə tamamilə yad, amma məşhur insanları toya dəvət edir. Bu, şöhrət xəstəliyi, müştəbehlik deyil, bəs nədir?!
Siz və kraliçanın ailəsi nə qədər ki, gec deyil, bu saxta toyun qarşısını almalı, biabırçılığa son qoymalısınız.
Ən azı ona görə ki, bacım atamızı toya dəvət etməyib. Halbuki Meqan unudur ki, atam olmasaydı, o, indiki yaşamını əldə edə bilməzdi.
Meqan bacımdır, ailəmdir. Ailəmizi unutmaq istəsə də, bizə arxa çevirsə də, ailəmizin mənsubu olaraq qalır.
Əfsuslar olsun ki, bütün bunlar acı həqiqətdir.
Sayğılarımla,
Tomas Markl, Meqanın qardaşı".
Oğlunun bu məktubundan xəbər tutan kimi ata Tomas Marklın halı pisləşib.
Bir qədər əvvəl isə Tomas Markl kameralar qarşısında pozalar vermiş, sonradan bu fotolar guya "Meqan Marklın atasının paparassi fotoları" kimi yayılmışdı. Tomas Markl həmin fotolara görə külli miqdarda pul almışdı.
Meksikanın Rosarito şəhərində yaşayan sabiq aktyor və prodüser, "Santa Barbara" serialının çəkilişlərində çalışmış Tomas Marklın bu fotoların satışından 100 min dollar əldə etdiyi bəlli olub.
Nikah və toy mərasimlərində Meqan Marklın əynində tanınmış dizaynerlər Tamara Rolf və Maykl Russonun hazırladıqları gəlinlik olacaq. Gəlinliyir dəyəri 135 min funt-sterlinqdir.
Toydan sonra şahzadə Harri və Meqan Markl 21 otaqlıq apartamentdə yaşayacaqlar. Əvvəllər bu apartamentdə Qloster hersoqu və hersoginyası yaşayırdılar.
XƏBƏR LENTİ
- ŞƏRHLƏR