Qadin.Net Publika.az-a istinadən xəbər verir ki, “Afffair” brendinin yaradıcısı olan Rüfət İsmayılın yeni kolleksiyası “Obsession” adlanır.Həmyerlimizin dəb nümayişi Livanın 5 ulduzlu hotellərindən olan “Four Seasons”da baş tutub. Bir çox ölkələrin qatıldığı dəb həftəsində Azərbaycanı təmsil edən Rüfət İsmayılın kolleksiyasından olan geyimləri 27 model nümayiş etdirib. Kolleksiya Türkiyənin top modeli olan Günay Musayevanın çıxışı ilə tamamlanıb.Rüfət İsmayıl yeganə azərbaycanlı dizayner olub ki, onun dəfiləsi “Fashion TV” vasitəsilə bütün dünyada canlı olaraq yayımlanıb. Bu qürurverici hadisə Azərbaycanın moda tarixinə qızıl hərflərlə həkk olunub. Artıq Azərbaycan bayrağı yüksək dəb həftələrində dalğalanacaq. Dünya Azərbaycan brendi altında təqdim olunan kolleksiyaları izləməklə yanaşı, həm də əldə edə biləcək.Həmyerlimizin uğurları bununla da yekunlaşmayıb. Türkiyədə yaşayan dizayner qardaş ölkədə “Türkiyənin ən yaxşı dizayneri” mükafatına layiq görülüb.Rüfət İsmayıl Azərbaycanı və Türkiyəni Milanda təmsil edən yeganə dizaynerdir. Onun kolleksiyaları Milanla yanaşı, Florensiya, Dubay, Tehran kimi böyük şəhərlərdə və bir sıra ölkələrin dəb həftələrində yüksək səviyyədə nümayiş olunub.
XƏBƏR LENTİ
- ŞƏRHLƏR