Böyük Britaniya şahzadəsi Harri nişanlısı Meqan Marklla birlikdə ilk dəfə elan olunmamış rəsmi səfərini həyata keçirib.
Qadin.Net bildirir ki, publika.az xarici mətbuata istinadən xəbər verir ki, toya hazırlaşan cütlük dünən Şimali İrlandiyaya gedib. Onlar Lisberndə Eikon Sərgi Mərkəzini ziyarət edib. Sərgidən sonra Belfast Viktorian sarayının “Crown Liquor Saloon” salonunda nahar ediblər. Daha sonra isə Böyük Britaniya şahzadəsi ilə nişanlısı Titanik şəhər muzeyinin ətrafını gəzib.
Səfər zamanı bütün gözlər Meqanın üzərində olub. Aktrisalıq karyerasına son qoyan şahzadənin nişanlısı səfər üçün “Mackage”-dan bej palto, “Greta Constantine”-dan ətəyi volanlı yaşıl yubka, “Victoria Beckham” brendindən isə ağ sviter seçib. O, obrazını qəhvəyi stiletto və kiçik ölçülü çanta ilə tamamlayıb. Meqan Marklın bu seçimi, rənglərin uyğunluğu dəb ekspertləri tərəfindən yüksək qiymətləndirilib.
Yeri gəlmişkən, onu da qeyd edək ki, Meqan Markl evlənənə qədər geyimlərinin xərcini öz büdcəsi hesabına ödəyir.
XƏBƏR LENTİ
- ŞƏRHLƏR