Hazırda ürək-damar xəstəlikləri (ÜDX) dünyada ölüm hallarının ən geniş yayılmış səbəbidir. Özü bu, elmi-texniki tərəqqinin sürətlənməsinə, tibb texnikasının təkmilləşdirilməsinə, ixtisaslı tibb işçilərinin sayının artmasına, habelə yüksək keyfiyyətli dərman vasitələrinin yaradılmasına baxmayaraq baş verir. Ürək-damar xəstəlikləri ürək və onun ətrafındakı qan damarları ilə bağlıdır. Miokard infarktı və stenokardiya vaxtsız ölüm hallarının ən çox təsadüf edilən səbəblərindəndir. Özü də ürəyin sağlamlığı vərdişlərdən və həyat tərzindən asılıdır. Yüksək qan təzyiqi, qanda xolesterinin və şəkərin səviyyəsinin yüksək olması, siqaretçəkmə, alkoqol düşkünlüyü, artıq çəki, habelə psixoemosional stress və gərgin iş ÜDX riskinin başlıca amilləridir. Hazırda dünyanın bir çox qabaqcıl ölkələrində yaşı 40-dan çox olan, amma sağlamlığından şikayət etməyən adamlar ildə bir dəfə "ürək check-upı" proqramı üzrə müayinə olunurlar. Milli.Az bildirir ki, bu sözləri Mərkəzi Neftçilər Xəstəxanasının kardioloqu Saleh Hüseynov AZƏRTAC-a məxsusi müsahibəsində söyləyib.
S.Hüseynov intervension kardioloq ixtisası haqqında məlumat verərək deyib: "Tibbin yeni sahəsi olan intervension kardiologiya özündə bu elmin əsas istiqamətləri ilə bərabər, kardiocərrahlığı və rentgenologiyanı birləşdirir. Bu sahə ÜDX-nin diaqnostikasına və bu xəstəliklərin kateterin dəri qatından yeridilməsi vasitəsilə müalicəsinə əsaslanır. Bu metodun köməyi ilə təkcə ürək nahiyəsində deyil, həm də baş beyin nahiyəsində qan dövranının vəziyyətini dəqiq müəyyənləşdirmək olar. Sirr deyil ki, insan orqanizminin bu iki orqanı ən mühüm orqanlardır. Buna görə də onların düzgün müayinəsi və müalicəsi bütün orqanizmin normal fəaliyyətinin qarantıdır. İntervension kardiologiya koronar angioqrafiya kimi diaqnostika metodunun köməyi ilə bu və ya digər xəstəlik barədə həkimlərə dəqiq məlumat verir. Bu məlumatlar sayəsində həkimlər həqiqətən səmərəli olan müalicə yolu seçməkdə çətinlik çəkmirlər".
Ekspert ürək-damar sisteminin normallaşması və möhkəmlənməsi vasitələri haqqında da tövsiyələrini bölüşərək deyib: "Təəssüf ki, adamların çoxu ürək kimi mühüm orqanın qayğısına yalnız xəstələnəndə qalmağa başlayır. Qeyd edim ki, tosqun adamlar ürək xəstəliklərindən çəkisi normal olanlardan daha çox əziyyət çəkirlər. Axı artıq çəki ürəyi daha intensiv işləməyə məcbur edir. Ürəyin həmişə sağlam olması üçün ÜDX-nin profilaktikası aparılmalıdır. Əvvəlcə qidalanmaya ciddi nəzarət etmək, pəhriz saxlamaq lazımdır. Rasion meyvə-tərəvəz, balıq, dəniz məhsulları, göyərti, qoz-fındıq, ağartı, qınlı paxlalı bitkilər, çovdar çörəyi və zeytun yağı ilə zəngin olmalıdır. Çəkinizə nəzarət edin və çox yeməyin. Bundan əlavə, onurğa sütununuzu möhkəmləndirin. Axı bütün orqanlar mərkəzi sinir sistemi ilə sıx bağlıdır. Məsələn, onurğa xəstəlikləri sinir impulslarının keçiriciliyinin pozulmasına və qan dövranında problemlərin yaranmasına gətirib çıxarır. Nəticədə ürəyə lazımi miqdarda oksigen daxil olmur və ürək xəstəlikləri riski artır. Ürəyin məşq etdirilməsi (kardioməşq) də onu möhkəmləndirir, gərginliyə adaptasiyasını yaxşılaşdırır. Hər gün idmanla məşğul olmaq, səhər gimnastikası ürəyi çox yaxşı məşq etdirir. Orqanizmimizin normal fəaliyyət göstərməsi üçün hər gün piyada gəzmək lazımdır. Əgər biz oturaq həyat tərzi keçiririksə, orqanizmimizdə bütün mühüm proseslər, o cümlədən maddələr mübadiləsi yavaşıyır, immun sistemimiz zəifləyir. Müxtəlif xroniki xəstəliklər - piylənmə, şəkərli diabet və insult məhz buna görə inkişaf etməyə başlayır. Gündə azı 20 dəqiqə təmiz havada piyada gəzmək (yaxşı olar, park zonasında) ürəyin müntəzəm məşqlərə uyğunlaşmasına kömək edir. Qeyd etmək istəyirəm ki, möhkəm cansağlığının təməlində həyat eşqi dayanır. Axı psixoloji aspektlər ömür müddətinə və firavanlığa təsir göstərən əsas amillərdir. ÜDX-dən əziyyət çəkənlərin vəziyyətini yaxşılaşdırmaq üçün, sadəcə, sağlam gülüşə ehtiyac var. İnsan güləndə sinir və ürək-damar sistemlərinin, tənəffüs yollarının fəaliyyəti, hormonal durumu yaxşılaşır. Bir çox tədqiqatlar nəticəsində sübuta yetirilib ki, gülüş orqanizmdə stresslə bağlı hormonların səviyyəsini azaldır. Axırda demək istəyirəm ki, sonradan peşman olmaq istəmirsinizsə, səhhətinizin qayğısına qalın. Özünüzü pis hiss edirsinizsə, təxirə salmadan həkimə müraciət edin".
Milli.Az
XƏBƏR LENTİ
Pomadalar
Qışda sağlam hamiləlik keçirmək üçün...
“Keçmişdən gələn cəngavər” metroda maraqla qarşılandı - VİDEO
Şokoladlı top (foto resept)
Dəri pencəklər
Saçlarını sataraq dolanan qadınlar-FOTO
“Facebook” sayğacdan imtina haqqında düşünür
2012-ci ilin klaç çantaları
Super Mario Bros oyununu 30 minə alıb 100 min dollara satdı
Çağatay Ulusoya 200 minlik təklif
Azərbaycanda virus yayılandan indiyədək 153 baş iribuynuzlu heyvan tələf olub
"Jet Sosyete"nin yayımı təxirə salındı-SƏBƏB
"Normand dördlüyü" bu gün növbəti danışıqlara başlayır
Facebook-dan daha bir - YENİLİK!
Sila və Hazer ilk dəfə -FOTO
Soyuqdan qoruyan trend
Sabah yaz havası olacaq
Şeyma Subaşı Etiraf Etdi:"Kitabı Mən Yazmadım!"
İstanbuldakı azərbaycanlılar iftar süfrəsində bir araya gəlib
HAVA necə olacaq?
Sabahın HAVAsı
Şok qərar: meymunun insan haqları tanındı
Azərbaycanda nə qədər şəkərli diabet xəstəsi var?
Bu adaya yalnız 21 yaşından böyüklər buraxılır - FOTO
Paşinyanla Merkel arasında növbəti telefon danışığı baş tutub
Kartof haqqında bilmədiklərimiz
Noutbuku hara qoymaq olmaz?
İt sahibini ölümdən qurtardı
15 milyon dollarlıq almaz tapıldı
Maliyyə Nazirliyi məlumat yaydı: Ərzaq və su təhlükəsizliyi gücləndirilir
Mehriban Əliyevanın UNESCO-nun xoşməramlı səfiri seçilməsindən 14 il ötür
Döymə kətə ( foto resept )
Göbələkli meşə salatı (foto resept)
"Sosial müavinətlər haqqında" Qanuna dəyişikliklər edildi
Romantikanı sevməyən qadın varmı?
Xüsusi günlərdə qadınlar üçün məsləhətlər
Məşhur prodüser Noel Fişer həbs olunub
Separatçı kürd lider barədə istintaq başladıldı
Bayram namazı sabah qılınacaq?
Yuxuya getməyi asanlaşdıran 5 mahnı
2017-ci ilin ən zövqsüz ulduzları - FOTO
NASA-dan dünyanı həyəcanlandıran kəşf
Gözəllik sirləri
60 minə zeytun yağı aldı, müzakirə olundu
Yeni ildə sakitlik olacaq?
Madonna məhkəməlik oldu-SƏBƏB
Moskvada koronavirusa yoluxma azalmaq bilmir: Qaydalar iki aylıq sərtləşdirildi
Unutqanlığa nələr xeyirdir?
Zəlzələ qayaları uçurdu
Hacıbaba Bağırovun xatirəsi yad ediləcək