"Erməni əsgərlərinin valideynləri, zabitlərin ailələri qorxu içindədirlər".
"Azərbaycan ərazilərini işğal edən və hazırda orada bizə qarşı döyüşən Ermənistan silahlı qüvvələridir. Ermənistan əhalisi isə istəmir ki, onların övladları başqa bir dövlətin ərazisində həlak olsunlar. Ona görə də ölkənin hərbi-siyasi rəhbərliyi öz itkilərinin sayını həmişə gizlədib. Əvvəlcə onları itkin kimi qələmə verirlər, sonra isə əgər haradasa məlumat sızsa, onda don geyindirib məsələni başqa cür təqdim edirlər. Bəzi erməni mənbələrinin məlumatlarına görə, Xankəndidə hospitallarda yaralılar çoxdur, ölənlər var, hətta bəzi ağır yaralıları Ermənistana aparırlar. Ordu rəhbərliyi isə itkilərin sayını gizlədir, heç bir açıqlama vermir. Onların itkilərinin sayını dəqiq deyə bilmərəm, ancaq Ermənistan cəmiyyətindəki narahatlıq göstərir ki, ölən və yaralananların sayı rəsmi olaraq göstəriləndən qat-qat çoxdur".
Bunu Milli.Az-a açıqlamasında hərbi ekspert, ehtiyatda olan polkovnik Şair Ramaldanov ordumuzun son günlər Azərbaycanın işğal olunmuş ərazilərində Ermənistan silahlı qüvvələrinə vurduğu zərbələrin nəticələrini və ermənilərin itkilərinin sayını gizlətməyə çalışmasını şərh edərkən deyib.
Hərbi ekspertin fikrincə, Ermənistanda rəhbərlikdən tutmuş adi vətəndaşa kimi hamı bilir ki, Azərbaycan dövləti heç vaxt işğal faktı ilə razılaşmayacaq və Dağlıq Qarabağ da daxil olmaqla o torpaqlar gec-tez azad olunacaq: "Silahlı Qüvvələrin ali baş komandanı İlham Əliyev də deyib ki, əgər məsələni sülh yolu ilə həll edə bilməsək, torpaqlarımızı başqa yolla qaytaracağıq. Başqa yol da o deməkdir ki, Ermənistanın Azərbaycan torpaqlarını işğal edən silahlı qüvvələri məhv olunacaq və ermənilər böyük itkilər verəcəklər. Ona görə də erməni əsgərlərinin valideynləri, zabitlərin ailələri həmişə qorxu içindədirlər. Azərbaycan ordusunun güdrəti, iqtisadi gücü, insan resursları, müdafiə sənayesi barədə Ermənistanda məlumatlıdırlar və bilirlər ki, Azərbaycan torpaqlarını işğaldan azad etmək üçün bunlardan istifadə edəcək. Aprel döyüşləri də göstərdi ki, Azərbaycan xalqı Qarabağ məsələsində ali baş komandanın ətrafında bir nəfər kimi birləşib və bu problemi günü bu gün güc yolu ilə həll etməyə hazırdır".
Ş.Ramaldanovun fikrincə, cəbhədə erməni təxribatlarının arxasında konkret planlar durur: "Erməni tərəfi aprel ayında itirilmiş mövqeləri hələ ötən ilin payız aylarından gec olmayaraq qaytarmağa söz vermişdi. Təbii ki, bu, onlarda alınmadı. Bunun qarşılığında payız aylarından bəri çoxlu sayda təxribatlar törətməyə çalışırlar. Amma onların qarşısı alınır və ermənilər çoxlu itkilər verirlər. Ermənistan ordusunun rəhbərliyi dəyişəndən sonra onlar bir az da aktivləşiblər. Son günlərdə isə ermənilər bizim zəif yerlərimizi tapıb, həmin istiqamətdə hansısa bir ərazini ələ keçirmək və Ermənistan ordusunun nəyə "qadir olduğunu" göstərmək istəyirlər. Lakin bizim zabit və əsgərlərimiz yerlərdə ayıq-sayıqdırlar və öz vəzifə borclarını yaxşı bilirlər. Ona görə də hər hansı istiqamətdə ermənilərin törətdikləri təxribat-diversiya hərəkətləri işə yaramır. Təbii ki, həmin diversiya qruplarının arxasında onların fəaliyyətinin nəticəsini gözləyən daha böyük qüvvələr var. Onlar da bu uğursuzluqdan məyus olurlar".
Polkovnikin qənaətincə, əgər Azərbaycan tərəfi hücuma keçsə, bu, ermənilər üçün faciəli sonluqla nəticələnəcək: "Müdafiə naziri Zakir Həsənov da bildirmişdi ki, biz Ermənistanın hər bir təxribatına onqat cavab verəcəyik. Ona görə də bizim Silahlı Qüvvələrin rəhbərliyi ermənilərin atacağı addımları əvvəlcədən öyrənib atəş vasitələri ilə bu təxribatların qarşısını alır. Bu isə Azərbaycan Ordusunun bugünkü gücünün, döyüş hazırlığının səviyyəsini göstərir. Düşmənə ardıcıl zərbələr endirilməsində də məqsəd ilk növbədə onların əməllərinin cavabsız qalmayacağı mesajını vermək və gələcəkdə növbəti təxribat fikirlərindən yayındırmaqdır. Aprel ayında da belə olmuşdu. Ermənistan ordusunun birləşmələri yaşayış məntəqələrimizi atəşə tutur, dinc sakinləri narahat edir, ardıcıl təxribatlar törədirdi. Ona görə də Azərbaycan Silahlı Qüvvələrinin qarşısında yaşayış məntəqələrinin təhlükəsizliyini təmin etmək üçün erməni mövqelərini məhv etmək tapşırığı qoyuldu. Onlar da buna nail oldular. Azərbaycan dövlətinin məqsədi bir daha həm bütün dünyaya, həm də Ermənistana, işğalçı qüvvələrə öz gücünü nümayiş etdirmək, eyni zamanda işğalçıların torpaqlarımızı xoşluqla azad etmək istəməmələrinin hansı faciələrə gətirib çıxara biləcəyini göstərməkdir. Azərbaycan Ordusu hələ ki, hücuma keçməyib. Amma biz torpaqlarımızı güc yolu ilə azad etməyə başlasaq, nəinki Xankəndi və İrəvandakı hospitallarda, ermənilər bütün tibb məntəqələrində ölülərini və yaralılarını yerləşdirməyə yer tapmayacaqlar".
İlkin İzzət
Milli.Az
XƏBƏR LENTİ
2021-ci il “Nizami Gəncəvi İli” elan edildi - SƏRƏNCAM
Rusiya Qarabağa qoşun yeridir
Azərbaycanda koronavirusa yoluxmanın artmasının əsas səbəbi açıqlandı - RƏSMİ
ABŞ Azərbaycan neftinin idxalını azaldıb
Dollar yenə ucuzlaşdı
Əfqanıstanda partlayış: 11 ölü
"Gəlin barmağı" tortu (foto resept)
İzmirdə binanın çökmə anı – VİDEO
HAVA necə olacaq?-16 yanvar
Reklamlar uşaqlarınızı obsessiv edir
Tulum modelləri
Fahriye Evcen 4 aylıq oğlu üçün məktəb axtarır
Dişlərə ziyan verən vərdişlər
Messi ikinci dəfə ata olacaq
Bəzi qadınlar niyə tənhadır?
Körpə ağlamağında gizlənən fayda
Ağacda 250 növ alma bitir
Koronavirusu amerikalı professor Çinə satıb? – Röyter açıqladı
İbrahimoviçin Bakıya gəliş səbəbi bilindi
Azərbaycanlı uşaqlar nəyin ardınca gedirlər?
Diqqət! Şifrələrinizi dəyişdirin
Lənkəran sakini su quyusu qazdırdı, qaz çıxdı - VİDEOREPORTAJ
Təhsil Nazirliyi əhaliyə müraciət etdi
78 ildir yemir və içmir
Alimlər açıqladı: 2030-cu ildə müsəlmanlar 36 gün oruc tutacaq
Azərbaycanda satılan ən ucuz – 10 AVTOMOBİL
Məşhur cütlükdən AÇIQLAMA
Körpələrdə diş ağrısını azaltmaq üçün nə etməliyik?
Selma Hayekdən 100 milyonluq yardım
Azərbaycanda karantinin sərtləşdirilməsi ilə bağlı XƏBƏRDARLIQ
Ağsaqqallar Şurası yığıncaq keçirib
Tuba bu dəfə Kənanla tərəf müqabili olacaq
Sentyabr ayının qalibləri!
Məryəm Üzərli əvvəlki gözəlliyini bərpa etdi-FOTO
Hikmətli sözlər
Xəstənin yumurtalığından 37 kq-lıq şiş çıxarıldı
Sualtı Wi-Fi şəbəkəsi olacaq
İnsanlar və əsərlər arasındakı uyğunluq
Qadınların kişiləri qorxudan 9 xüsusiyyəti
Serdar Ortaçın anası oğluna mahnı həsr etdi – VİDEO
Meyvə qabıqlarının faydaları
Qeyri-adi faktlar
Merilin Monronun heykəlini oğurladılar
Krediti olanlar oxusun-video
10 gün qida boyası içdi-ŞOK NƏTİCƏ-FOTO
Onlar necə məşhur oldu?
Dərini cavanlaşdıran kələm maskası
Uçarkən ürəyiniz rahat olsun deyə…
Azərbaycanda dronlara icazə verildi
Dadlı kükü(foto resept)