Həyatımızda dəyişilməsi mümkün olmayan bir sıra hadisələr baş verir. Belə olaylar baş verərkən etdiyimiz ən böyük səhv həmin hadisələri dəyişməyə çalışmağımızdır. Bəzi insanlar buna o qədər vaxt və güc sərf edir ki, sağlamlığı zəifləyir, bır sıra vacib hadisələrə fikir vermir, problemləri həll etmək iqtidarında olmur. Bəzən dəyişdirə bilmədiyimiz hadisədən yapışmaq, daim bu haqda düşünmək insanı tükədir, hətta həyatını məhv edir.
Psixoloq Səidə Mirzəyevanın sözlərinə görə, həyat dəyişkəndir və bununla barışmaq lazımdır. Nəyinsə olduğu kimi davam etməyinə əmin olmaq düzgün yanaşma deyil. Həyatda gözlənilməz hadisələr baş verər və bunları qəbul etməməyimiz mənəvi sui-qəsddir. "Həyat yalnız xoşbəxt hadisələrlə dolu deyil. Bunu hər birimiz hiss etmişik. İdeal hadisələr də olmur. Onları gözləyərək də əslində həyatımızı məhv edirik. İdeal bir hadisəni gözlədikdə anlamalıyıq ki, o, heç vaxt baş verməyəcək. Bu səbəbdən də ideal, mükəmməl həyatı gözləmək lazım deyil, indi olan və sahib olduğun hər şeyi öz xeyrinə istfadə etməyi bacarmalısan", - deyən həmsöhbətimiz bildirir ki, düzdür, baş verən hadisə çox ağırdırsa, belə vəziyyətdən asanlıqla çıxmaq mümkün deyil. Amma yenə də səni üzən və narahat edən hadisəni təhlil et. Həqiqətənmi sənin üçün xeyirli tərəfləri yoxdur. Bu tərəfləri tapmaq ən azı təsəlli olacaq və baş verən dəyişikliyə uyğunlaşmağa kömək edəcək.
S.Mirzəyevaya görə, elə şeylər var ki, onları dəyişdirmək iqtidarında deyilik. "Nə edək, yaşamayaqmı? Anlayın ki, bu, artıq baş verib. Bunu fikirləşmək, əsəbiləşmək vəziyyəti dəyişdirmir və sizə heç cür kömək etmir. Əksinə, bu, sizi məhv edir. Siz yalnız baş verənlərə adaptasiya ola bilərsiz", - deyə psixoloq əlavə edib ki, adaptasiya olmaq, uyğunlaşmaq özü də əslində dəyişmək və dəyişdirməkdir, amma mümkün olan qədər. Mümkün olmayanları dəyişməyə çalışdıqda isə özünüzü çıxılmaz vəziyyətə salırsınız. Misal üçün, təsəvvür edin ki, labirint oyunundasız. Labirintdən çıxış yolu axtarırsınız. Məntiqlə düşünərək hansısa yolu daha uyğun gördüyünüz üçün onu seçir və gedirsiniz. Yolun sizi labirintdən çıxaracağına əminsiniz. Amma sonda yolun bağlı olduğu faktı qarşısında qalırsınız. Bağlı yolun qarşısında nə qədər dayanıb onu necə dəyişdirəcəyini düşünsəniz də, bunun bir xeyri olmayacaq. "Mən bu yolu gedərkən nə qədər əziyyət çəkdim" deyib təəssüf etməyiniz də heç nəyi dəyişdirməyəcək. "Kaş ki, belə yox, bu cür edərdim" demək də sizi yolun əvvəlinə qaytarmayacaq. Ən məntiqlisi - düşünüb başqa bir yolu axtarıb labirintdən çıxmaqdır. Bəzən də elə olur, yolla gedərkən insan tədricən anlayır ki, yanlış yolu seçib və yol onu dalana aparacaq. Amma nədənsə onu davam edir.
Müsahibimizin dediyinə görə, əksər konfliktlər insanı dəyişdirməyə, "düzəltməyə" yönəlir: "Ətrafdakıları mükəmməl etməyə çalışmaq yanlış addımdır. Mükəmməl olmayan insanı necə mükəmməl edəcəksiz? Və ya düzgün hərəkət etməyən insanı daha düzgün düşünməyə necə vadar edəcəksiz? Bu, onun təbiətidir. Bunları etmək istədikdə sadəcə həmin insanlarla mübahisə edəcəksiz. Nə qədər acı olsa da, bu, həqiqətdir. Belə edərək özünüzü tələyə salırsız. Bu səbəbdən də hadisələrin dəyişməsini gözləmək əvəzinə, olduğunuz vəziyyətdən maksimum yararlanmağa çalışın".
Problemlərə qalib gələn insanlar istənilən vəziyyəti daha yaxşı istifadə etməyi bacaranlardır. Psixoloq bildirib ki, başqa cür onların problemlərə necə qalib gəldiyini başa salmaq mümkün deyil. Ona görə ki, bütün insanların həyatında problemlər olur. Bəzilərinin problemləri azalır, bəzilərinki isə arta-arta gedir.
Düşdüyün vəziyyətdən maksimum yararlanmaq üçün vəziyyəti yaxşı təhlil etmək lazımdır. Öz-özünüzə sual verin: "Mən bu vəziyyətdən necə yararlana bilərəm? Mənim xeyrim nədir? Bu vəziyyət mənim üçün hansı müsbət hadisələri gətirə bilər? və s. suallara cavab verərək özünüz də təəccüblənəcəksiz. Düşdüyünüz vəziyyət sizə nə qədər imkanlar yaradırmış? Əvvəl siz bu müsbət tərəflərə fikir vermirdiz. Ona görə ki, reallığa baxmırdız. Etdiyiniz səhvləri və ya başqalarının səhvlərini düşünürdüz. Günbəgün sizi üzən hadisə haqda düşüncələriniz vaxtınızın daha çox hissəsini alırdı. Bunu düşünməyə özünüzə imkan verdikcə fikir sizi bütünlüklə udmağa başlayırdı. Nəticədə başqa bir şeyi düşünməyə imkan qalmırdı. Ancaq sizi üzən problem vardır. O, sanki bütün beyninizi, bütün ürəyinizi tutmuşdu. Ürəyinizi və beyninizi bu neqativ emosiya və fikirlərdən təmizləyin.
Mirzəyeva bildirib ki, istənilən hadisəni öz xeyriniz üçün istifadə etdikdə nəyin baş verəcəyini təsəvvür edin: "İstənilən hadisələr sizin üçün yaxşı olacaq. Hər şey ətrafda yaxşı olacaq. Ona görə ki, hər bir şərdə xeyir görüb öz xeyrimizə istifadə edə biləcəksiz. Öz xeyrinə istifadə etmək başqalarına zərər vermək və ya qisas almaq demək deyil. Əslində bu xoşagəlməz fikirləri deyil, öz həyatını yaşamaq deməkdir".
XƏBƏR LENTİ
İncə naxışlı gəlinliklər
Məşhur ulduz aşpaza ərə gedir-FOTO
Kölgələri tap
ÜST koronavirusa qarşı populyar dərmanı effektsiz saydı
Hamiləliyin 9-cu ayında nələr olur?
Serdar Ortaç Boşanmasından danışdı-FOTO
Zövqlü don modelləri
Noyabrda 3 gün istirahət olacaq
Diş fırçanızı vanna otağında saxlamayın!
Yuxunu qaçıran kölgə
Ukrayna XİN-dən Azərbaycanın Xarkovdakı Fəxri Konsulluğunun atəşə tutulması ilə bağlı BƏYANAT
“Qalatasaray”ın ulduz transferi İstanbulda
Prezident və xanımı açılış mərasimində - FOTO
Bu şəhərdə internet pulsuz olacaq
Lenini diriltmək istədi: “Qalx, qalx...” – Qızıl Meydanda qəribə olay
Baş nazirdən təhsillə bağlı MÜHÜM QƏRAR
Uşaqlara qiraəti sevmək üçün necə kömək etməli?
Kim Çen In həyat yoldaşını edam edib?
Uşaqlar üçün 5D yataq örtükləri
Ebru Şallını paylaşımına görə tənqid etdilər - FOTO
Adelin günlük qazancı hər kəsi heyrətləndirdi
Azərbaycanlıların Ermənistana qarşı Avropa məhkəməsi
Məşhur aktrisa "UNO" gördüyünü etiraf etdi
Ən populyar dil seçildi
Dünyanın ən qapalı ölkəsi
"Gecə"salatı (foto resept)
Qəlbi titrədən ən qısa hekayələr
Bu gündən Azərbaycanda benzinin qiyməti ucuzlaşır
"Girov götürülmüş azərbaycanlıların məhkəməsi qanunsuzdur"
Bu gün Azərbaycanda 2 bayram qeyd olunur
Məşhur aktyor "Kadın"da
Şəxsiyyət vəsiqəsinin alınmasında YENİ QAYDA
Cəbhədə atəş səsləri
Fıstıqlı krokan (foto-resept)
Rəğaib gecəsi
Azərbaycanda koronavirus xəstələrinin görüntüləri yayıldı: Araşdırmalara başlanıldı - VİDEO
Ukraynada ikinci Çernobıl faciəsi yaşana bilər?
Hava kəskin dəyişəcək, qar yağacaq
Ən çılğın selfilər - FOTO
Məşhur model koronavirusdan qorunmaq üçün meşəyə köçür
Meyvələrin tərkibində hansı vitaminlər var?
Bibər sousu (foto resept)
Yaxınları Dilqəm və Şahbazı görə bilərlər
Jhoot Bole Kauva Kaate
Sadə sinikers tortu(foto resept)
Türk sərhədində erməni təyyarələri
Sənədsiz evlər haqda fərman
iPhone 6 haqda xəbər var
Nə qədər sayt işləyir?
Klaç çanta modelləri
- ŞƏRHLƏR