Türkiyələ alimlər dəhşətli zəlzələ proqnozları ilə gündəmə gəliblər.
ANS PRESS-in məlumatına görə, İstanbul Texniki Universitetinin professoru, tanınmış alim, geofizik Ahmet Ercan bildirib ki, qarşıdan Türkiyədə və qonşu ölkələrdə çox güclü yeraltı təkanlar ola bilər. Alim bildirib ki, bu il ölkə ərazisində 229 yeraltı təkan qeydə alınıb. Həmin təkanların gücü 4 bal arasında dəyişib.
Əsasən Muğla, Marmaris, Bodrum, Fethiye ve Rodos ərazilərindəki zəlzələ ocaqlarında aktivlik müşahidə olunur. Egle bölgəsindən Yunanıstan sərhəddinə qədər olan ərazilərdə də yeraltı təkanların aktivləşməsi müşahidə olunur. Bundan başqa, yeraltı təkanların Ankara üçün də təhlükə yaratdığı vurğulayıb.
Bu səbəbdən də, alim lazımı orqanlara məlumat verib ki, ölkə ərazisindəki tikililərin möhkəmliyi yenidən yoxlanılmalıdır. Türkiyə aktiv zəlzələ zolağında yerləşir. Həmin ocaqlarda böyük gərginliklər müşahidə olunur. Bu səbəbdən də, çox yaxın gələcəkdə böyük yeraltı təkanların olacağı istisna edilmir.
Alim həmçinin yaxın ölkələrdə də, aktiv zəlzələ zonalarında gərginlik müşahidə olunduğunu bildirib. Lakin alim beynəlxalq narazılıq yaranmasın deyə, konkret ölkələrin adlarını qeyd etməyib.
Mənbə:ANS PRESS
XƏBƏR LENTİ
- ŞƏRHLƏR