Əsas diqqətin Suriyada Kobani uğrunda gedən döyüşlərə yönəldiyi bir vaxtda İŞİD terrorçularının Bağdada doğru irəlilədiyi xəbəri yayılıb. ANS PRESS-in məlumatına görə, İraqın paytaxtı Bağdad şəhəri ətrafında vəziyyət yenidən gərginləşib. Belə ki, İŞİD terrorçularının Beynəlxalq Bağdad Hava limanına doğru irəlilədiyi bildirilir. Hava limanından 12 kilometr uzaqlıqdakı Əbu Qərib şəhərinə qədər çatan terrorçu qruplaşmanın havadan hücumun qarşısını ala biləcək raketlərə sahib olması narahatlığı artıran başqa bir məqamlardan biridir. İraqlı nümayəndələr sözügedən raketlərin 4500 metr yüksəklikdə uça bilən təyyarələri belə vurmaq imkanına malik olduğunu qeyd edir. CNN-ə açıqlama verən ABŞ-lı yüksək vəzifəli şəxslərdən biri, İraq ordusunun paytaxtın qərbində yerləşən Ənbarda çətin vəziyyətdə olduğunu bildirib.
Mənbə: ANS PRESS
XƏBƏR LENTİ
- ŞƏRHLƏR