O, ümid etdiyini bildirib ki, prezidentin gözlənilən səfəri tezliklə baş tutacaq: “Səfər zamanı gündəmdə olan məsələlər, TANAP, Bakı-Tiflis-Qars layihəsi və digər əhəmiyyət daşıyan mövzular ətrafında müzakirə aparılacaq. Azərbaycan və Türkiyə arasındakı münasibətlər xüsusilə son illərdə yüksək səviyyədə olub, bundan sonra da bu münasibətlər artan templə inkişaf edəcək. Azərbaycan prezidenti cənab İlham Əliyevin Türkiyəyə göstərdiyi isti münasibət ölkəmizin rəhbərliyi tərəfindən çox yüksək qiymətləndirilir və eyni isti münasibəti də Azərbaycan Türkiyədən görəcək. Türkiyə və Azərbaycan gələcəyə birlikdə baxır”.
Qeyd edək ki, Türkiyə Azərbaycanın yaxın müttəfiqi olduğuna görə, orada baş verən bütün proseslər ölkə ictimaiyyətinin diqqət mərkəzində olur. Təbii ki, bütün bunlar iki ölkə arasındakı sıx bağlılıqdan irəli gəlir. Ölkə vətəndaşlarının yarısından çoxunun səsini qazanaraq prezident seçilən Rəcəb Tayyib Ərdoğanın ilk səfərini Azərbaycana etməyə qərar verməsi də sıx əməkdaşlığın, strateji yaxınlığın, qardaşlıq münasibətlərinin göstəricisi hesab olunur. Qeyd edək ki, prezident İlham Əliyev Ərdoğana göndərdiyi təbrik məktubunda həmkarına “əziz qardaşım” deyə xitab edir və onu ölkəmizə dəvət edir. Bildirir ki, Azərbaycan və Türkiyə arasında əməkdaşlıq münasibətləri möhtəşəm yol keçərək möhkəm dostluq və qardaşlıq, strateji tərəfdaşlıq və müttəfiqlik səviyyəsinə yüksəlib: “Uğurlu ikitərəfli və çoxtərəfli əməkdaşlığımız, birgə səylərimizlə həyata keçirdiyimiz nəhəng layihələr - Bakı-Tbilisi-Ceyhan, Bakı-Tbilisi-Ərzurum, tikilməkdə olan Bakı-Tbilisi-Qars dəmir yol xətti və yenicə başladığımız TANAP və digərləri ölkələrimizin, eləcə də regionun dünya miqyasında əhəmiyyətini artırır, bölgədə sülhə, əməkdaşlığa və inkişafa xidmət edir. Əminəm ki, ölkələrimiz arasında dostluq və qardaşlıq münasibətləri bundan sonra da davam edəcək və inkişaf edəcək”.
Prezident Administrasiyası İctimai-siyasi məsələlər şöbəsinin müdiri Əli Həsənov da müsahibəsində türk xalqını bu seçki münasibəti ilə ürəkdən təbrik etdiyini, cənab Ərdoğana həyata keçirdiyi siyasətdə uğurlar arzuladığını söyləyib. Nəzərə çatdırıb ki, dost və qardaş ölkə olan Azərbaycan Türkiyə ilə strateji tərəfdaşlığını və müttəfiqliyini indiyə qədər sürdürdüyü kimi, bundan sonra da davam etdirəcək: “Arzu edirik ki, cənab Ərdoğan Türkiyəni ən doğru yolla gələcəyə götürsün və ilk xarici səfərini də Azərbaycana etsin”.
Göründüyü kimi, rəsmi Bakı da, rəsmi Ankara da ilk səfərin Azərbaycana gerçəkləşməsində maraqlıdır. Çünki iki ölkə arasında siyasi, iqtisadi, elmi və digər sahələrdə çox yaxın münasibətlər formalaşıb ki, bu da sözügedən dövlətlərin dünyadakı imicinə də birbaşa təsir edir. Azərbaycan və Türkiyə biri-birinin xarici siyasətinin əsas tərkib hissəsi olan dövlətlərdir. Bu ölkələr həm də regionda əsas söz sahibi olaraq, bütün Avropa üçün olduqca böyük əhəmiyyət daşıyan enerji layihələrinə qol qoyublar. Bu layihələr iki dövlət arasındakı əməkdaşlıq və strateji tərəfdaşlığı “qırılmaz bağ” həddinə çatdırıb. Hər zaman bu cür münasibətlərin daha da inkişaf etdirilməsinin, Azərbaycan-Türkiyə tərəfdaşlığının şəxslərdən asılı olmadığı deyilsə də, ölkə başçısı kimi Ərdoğanın seçilməsinin bizim üçün daha məqbul olduğu söylənir. Bunun əsas səbəbi kimi, Azərbaycanın Türkiyənin hazırkı iqtidarı ilə illərdir formalaşan münasibətləri göstərilir. Bu ölkələr illərdir bir yerdə addımlayır, mühüm siyasi qərarlar verir, müttəfiq olduqlarını dünyaya bəyan edirlər. Azərbaycanla Türkiyə təkcə öz maraqlarından çıxış etmir, həmçinin bütün türk dünyasını öz ətraflarında birləşdirməyə çalışır, hətta çətin siyasi məqamlarda bir sıra görüşlər həyata keçirirlər.
Azərbaycanın ən ağır dərdi olan Qarabağ münaqişəsinə də Türkiyənin münasibəti ortadadır. Türkiyə bu mövzuda Azərbaycan kimi prinsipial mövqe nümayiş etdirərək işğalçı dövlətlə sərhədi bağlayıb. Dost ölkə dəfələrlə beynəlxalq səviyyəli tədbirlərdə diqqəti bu münaqişəyə yönəldib, məsələnin ədalətli həllində maraqlı olduğunu bildirərək Azərbaycanın mövqeyini dəstəklədiyini bildirib. Xatırladaq ki, son günlər cəbhə xəttində yaranmış gərginlik zamanı yaralanmış əsgərlərimizin üçü hazırda Türkiyədə müalicə olunur. Xarici işlər naziri Əhməd Davudoğlu əsgərlərimizə baş çəkərək bir daha Türkiyə dövlətinin Azərbaycana dəstəyini nümayiş etdirib. Heç kimə sirr deyil ki, bu məqam özü mühüm siyasi mesaj xarakteri daşıyır.
Təbii ki, Türkiyə Azərbaycan üçün xüsusi əhəmiyyət daşıdığı kimi, Azərbaycan da Türkiyə üçün eyni dərəcədə önəmli tərəfdaşdır. Ölkələr arasında gələcəyə hesablanaraq imzalanan sənədlərin hər iki dövlətə uğur gətirəcəyi də belə deməyə əsas verir. Bakı-Tbilisi-Ceyhan xam neft, Bakı-Tbilisi-Ərzurum təbii qaz boru kəmərləri, Bakı-Tbilisi-Qars dəmiryolu, Trans-Anadolu (TANAP) təbii qaz boru xətti layihələri hər iki dövlət üçün kifayət qədər uğurlu layihələrdir.
Qeyd edək ki, bir müddət öncə “Şahdəniz-2” və TANAP layihələrində Türkiyənin payı artıb. Belə ki, Türkiyənin “Şahdəniz 2” layihəsində payı 19 faiz, TANAP-da isə 30 faizə yüksəlib. Bu razılaşmanın həm Azərbaycan, həm də Türkiyə üçün böyük hadisə olduğu bildirilir. Türkiyənin energetika və təbii sərvətlər naziri Taner Yıldızın fikrincə, TANAP hər iki ölkə üçün vazkeçilməz layihədir. Ərdoğan isə bildirib ki, TANAP layihəsini sadəcə ticarət, sərmayə kimi dəyərləndirmir. Onun sözlərinə görə, TANAP Türkiyə və Azərbaycan arasında olduğu qədər, Avropa ölkələri ilə də uzunmüddətli, güclü və sağlam münasibətlər yaradacaq bir layihə olacaq.
Dövlət Neft Şirkətinin (ARDNŞ) prezidenti Rövnəq Abdullayev isə nəzərə çatdırıb ki, “Şahdəniz”in işlənməsi layihəsi və TANAP layihəsinin reallaşdırılması Azərbaycan və Türkiyəyə böyük gəlirlər gətirəcək.
Təbii ki, biri-birinə tarixi köklərlə bağlı olan dövlətlərin ayrılmasının mümkün olmadığı məlum məsələdir. Bu və digər gələcəyə hesablanmış layihələr isə əməkdaşlığı daha da möhkəmləndirir, yaxın dostluq və qardaşlıq münasibətlərini ən yüksək səviyyəyə qaldırır. Bütün bu məqamlar Azərbaycanla Türkiyənin ayrılmaz müttəfiqlər olduğunu bir daha təsdiqləyir.
XƏBƏR LENTİ
Uşaqlarda yayılan virusla bağlı rəsmi açıqlama
İltihab əleyhinə pəhriz nədir?
“Wi-Fi” siqnalları gizlənən insanları tapa biləcək - VİDEO
Ermənilər Dağlıq Qarabağı tərk edirlər - VİDEO
BÖYÜRTKƏN TORTU
Manatın növbəti üç gün üçün MƏZƏNNƏSİ
Çəkmələrinizdən qoxu gəlməsin deyə...
Prezidentdən Vətən Müharibəsi memorial kompleksi və Zəfər muzeyinin yaradılması barədə SƏRƏNCAM
2017-ci ilin trend rəngi: Qırmızı
Bakıda ən bahalı torpaq haradadır?
Lavrov: “Moskva BMT-nin Qarabağdakı fəaliyyətlərə qoşulmasını gözləyir”
Nepalda növbəti təbii fəlakət
Ukrayna yoxsulluq həddinə düşdü
Ronaldo 600-cü qolunu vurdu!
Arıqlamaq üçün qızıl qaydalar
AFFA cəzaları açıqladı
Sellülit üçün faydalı yağlar
Şəhid anaları ilə görüş
ABŞ konsulluğunun yanında terror
Baha qiymətə satılan qeyri-adi əşyalar
Cemli, halvalı peçenye (foto resept)
Səmada fişənglə uçdular
8 Mart ovqatı
Yazda cücərdərəm səni…
Qadınlarda kəskin tüklənmənin səbəbləri
Türkiyə mətbəxindən " Arnavut plovu" (video-resept)
Bu da yeni Nissan Qashqai
HAVA necə olacaq?
Hava haqqında
Bayram günlərində gözlənilən hava şəraiti AÇIQLANDI
Yağlı yemək beyni pozur.
Yarpaq bisküvit (foto resept)
Bakı 2015-də ilk medalımızı qazandıq
Saçlar üçün
Hande Doğandemir xəyanətdən danışdı-FOTO
İki "Çalıquşu"nun bənzərlikləri və fərqləri
2018 gəlinlik kolleksiyası
İsmayıllı meşələri od tutub yanır
Mavi qar yağdı
Ningen-qeyri-adi varlıq!
Azərbaycan lokomotiv parkını modernləşdirir
Azərbaycanda bir kəndin bütün sakinləri koronavirus yoxlamasından keçdi - VİDEO
İstirahət günü çimərliyə getmək istəyənlərə pis xəbər
Ramil Usubov gənc polislərə sıra baxışı keçirdi
Yumurtanın təzə olub-olmadığını yoxlayın
Ancelina Colini gizli agent hesab edirlər-FOTO
Ən effektli və sağlam pəhriz
Dünyanın ən bahalı almaz ayaqqabısı
10 funt verdi 1 milyon qazandı
Alma maskası
- ŞƏRHLƏR