Gürcüstanda qəza: Azərbaycan səfirliyinin birinci katibinin qızı xəsarət alıb
29 911
1
Avqustun 6-da Tiflis Şəhər Məhkəməsinin foyesində insident baş verib.
ANS PRESS-in Apa-ya istinadən məlumatına görə, bu il iyunun 9-da Tiflisdə baş vermiş ağır yol-nəqliyyat hadisəsi ilə bağlı keçirilən məhkəmə prosesində iştirak edən Azərbaycanın Gürcüstandakı səfirliyinin birinci katibi Pərviz Ənvərli və digər şəxslər məhkəmənin mühafizə xidməti tərəfindən hədələnərək zorla məhkəmə binasından çıxarılıb.
P. Ənvərli açıqlamasında bu il iyunun 9-da Tiflisdə baş vermiş ağır yol qəzası barədə məlumat verib: “Tiflis şəhərindəki yaşayış binasının qarşısındakı 4 zolaqlı yolu keçən qayınanam, 53 yaşlı Azərbaycan vətəndaşı Zeynəb Məmmədova və onun yanında olan iki azyaşlı uşaq səkiyə çatarkən Tiflis sakini David Malazoniyanın idarə etdiyi “Mercedes ML” markalı nəqliyyat vasitəsi tərəfindən vurulub. 1961-ci il təvəllüdlü Z. Məmmədova ağır xəsarət alıb və Mərkəzi Universitet Klinikasının təcili yardım məntəqəsinə aparılıb. İstintaq materiallarına əsasən Z. Məmmədova həmin gün əməliyyata qəbul edilib və bir saat sonra aldığı xəsarətlər səbəbindən daxili qanaxma nəticəsində ölüm faktı qeydə alınıb. Hadisə yerinə gələn təcili yardım maşını qızım Zəhra Ənvərlini Mərkəzi Uşaq Xəstəxanasının reanimasiya şöbəsinə aparıb. Qayınanam Zeynəb Məmmədovanın çantasında mobil telefon olmasına baxmayaraq, yol-patrul polisi bizə hadisə barədə məlumat verməyib və naməlum meyitin identifikasiyası üçün heç bir addım atılmayıb, fakt isə naməlum səbəbdən bir neçə saat gizlədilib. 6 yaşlı qızım Zəhra Ənvərli özünün dediyinə görə, valideynləri haqqında, onların əlaqə telefonu və iş yeri barədə rəsmi şəxslərə lazımi məlumatları çatdırmasına baxmayaraq, nədənsə mənə və həyat yoldaşıma 7 saat məlumat verilməyib”.
P. Ənvərli bildirib ki, həmin gün saat 18.00-da 112 xilasetmə xidmətinə rəsmi axtarış verdikdən sonra mobil telefonun anten-müəyyənləşdirilməsi (geolokasiya) tələbi nəticəsində 18.30 radələrində xəstəxananın reanimasiya şöbəsində uşaqlarını tapa bilib: “Artıq iki aya yaxındır ki, döymədiyimiz qapı qalmayıb. Gürcüstanın baş naziri, daxili işlər naziri, Xarici İşlər Nazirliyi, baş prokuror və digər qurumlar cinayət işi ilə bağlı səfirlik tərəfindən, həm də mənim tərəfimdən rəsmi məlumatlandırılıb. Təəssüf ki, hələ indiyədək cinayətkar azad və asudə gəzir. Bizim dəfələrlə müraciətimizdən və yazışmalardan sonra zərərçəkən tərəfə məlumat verilmədən məhkəmə iclası keçirilib və ittiham olunan sürücü David Malazoniya barəsində iyulun 1-də 10 min lari məbləğində girov şəkilində qətimkan tədbiri seçilib. 11 iyun 2014-cü il tarixində Azərbaycanın Gürcüstandakı səfirliyi tərəfindən Gürcüstan XİN-ə rəsmi sorğunun verilməsinə baxmayaraq, bu günədək akkreditə dövlətin xarici siyasət idarəsi tərəfindən heç bir addım atılmayıb, hətta istintaq orqanları zərərçəkən diplomatı cinayət işi üzrə dindirməyib və etiraz tələbləri cavablandırılmayıb”.
P. Ənvərli sürücü David Malazoniya haqqında həbs qətimkan tədbiri seçilməməsini ədalətsizlik adlandırıb.
Avqustun 6-da məhkəmə iclasından sonra cinayət törədən David Malazoniyanın vəkili zərərçəkənlərlə, o cümlədən mərhum Zeynəb Məmmədovanın həyat yoldaşı Loğman Məmmədovla söhbət əsnasında onlardan D. Malazoniya ilə dil tapmalarını xahiş edib. Lakin L. Məmmədov cinayətkarın qanunla cəza alacağını və bağışlanmasının mümkün olmayacağını bildirib.
Hadisə ilə bağlı növbəti məhkəmə iclası avqustun 11-nə təyin edilib.
ANS PRESS-in Apa-ya istinadən məlumatına görə, bu il iyunun 9-da Tiflisdə baş vermiş ağır yol-nəqliyyat hadisəsi ilə bağlı keçirilən məhkəmə prosesində iştirak edən Azərbaycanın Gürcüstandakı səfirliyinin birinci katibi Pərviz Ənvərli və digər şəxslər məhkəmənin mühafizə xidməti tərəfindən hədələnərək zorla məhkəmə binasından çıxarılıb.
P. Ənvərli açıqlamasında bu il iyunun 9-da Tiflisdə baş vermiş ağır yol qəzası barədə məlumat verib: “Tiflis şəhərindəki yaşayış binasının qarşısındakı 4 zolaqlı yolu keçən qayınanam, 53 yaşlı Azərbaycan vətəndaşı Zeynəb Məmmədova və onun yanında olan iki azyaşlı uşaq səkiyə çatarkən Tiflis sakini David Malazoniyanın idarə etdiyi “Mercedes ML” markalı nəqliyyat vasitəsi tərəfindən vurulub. 1961-ci il təvəllüdlü Z. Məmmədova ağır xəsarət alıb və Mərkəzi Universitet Klinikasının təcili yardım məntəqəsinə aparılıb. İstintaq materiallarına əsasən Z. Məmmədova həmin gün əməliyyata qəbul edilib və bir saat sonra aldığı xəsarətlər səbəbindən daxili qanaxma nəticəsində ölüm faktı qeydə alınıb. Hadisə yerinə gələn təcili yardım maşını qızım Zəhra Ənvərlini Mərkəzi Uşaq Xəstəxanasının reanimasiya şöbəsinə aparıb. Qayınanam Zeynəb Məmmədovanın çantasında mobil telefon olmasına baxmayaraq, yol-patrul polisi bizə hadisə barədə məlumat verməyib və naməlum meyitin identifikasiyası üçün heç bir addım atılmayıb, fakt isə naməlum səbəbdən bir neçə saat gizlədilib. 6 yaşlı qızım Zəhra Ənvərli özünün dediyinə görə, valideynləri haqqında, onların əlaqə telefonu və iş yeri barədə rəsmi şəxslərə lazımi məlumatları çatdırmasına baxmayaraq, nədənsə mənə və həyat yoldaşıma 7 saat məlumat verilməyib”.
P. Ənvərli bildirib ki, həmin gün saat 18.00-da 112 xilasetmə xidmətinə rəsmi axtarış verdikdən sonra mobil telefonun anten-müəyyənləşdirilməsi (geolokasiya) tələbi nəticəsində 18.30 radələrində xəstəxananın reanimasiya şöbəsində uşaqlarını tapa bilib: “Artıq iki aya yaxındır ki, döymədiyimiz qapı qalmayıb. Gürcüstanın baş naziri, daxili işlər naziri, Xarici İşlər Nazirliyi, baş prokuror və digər qurumlar cinayət işi ilə bağlı səfirlik tərəfindən, həm də mənim tərəfimdən rəsmi məlumatlandırılıb. Təəssüf ki, hələ indiyədək cinayətkar azad və asudə gəzir. Bizim dəfələrlə müraciətimizdən və yazışmalardan sonra zərərçəkən tərəfə məlumat verilmədən məhkəmə iclası keçirilib və ittiham olunan sürücü David Malazoniya barəsində iyulun 1-də 10 min lari məbləğində girov şəkilində qətimkan tədbiri seçilib. 11 iyun 2014-cü il tarixində Azərbaycanın Gürcüstandakı səfirliyi tərəfindən Gürcüstan XİN-ə rəsmi sorğunun verilməsinə baxmayaraq, bu günədək akkreditə dövlətin xarici siyasət idarəsi tərəfindən heç bir addım atılmayıb, hətta istintaq orqanları zərərçəkən diplomatı cinayət işi üzrə dindirməyib və etiraz tələbləri cavablandırılmayıb”.
P. Ənvərli sürücü David Malazoniya haqqında həbs qətimkan tədbiri seçilməməsini ədalətsizlik adlandırıb.
Avqustun 6-da məhkəmə iclasından sonra cinayət törədən David Malazoniyanın vəkili zərərçəkənlərlə, o cümlədən mərhum Zeynəb Məmmədovanın həyat yoldaşı Loğman Məmmədovla söhbət əsnasında onlardan D. Malazoniya ilə dil tapmalarını xahiş edib. Lakin L. Məmmədov cinayətkarın qanunla cəza alacağını və bağışlanmasının mümkün olmayacağını bildirib.
Hadisə ilə bağlı növbəti məhkəmə iclası avqustun 11-nə təyin edilib.
Mənbə:ANS PRESS
XƏBƏR LENTİ
- ŞƏRHLƏR