Adətən bazarda bahaçılıq olanda deyirlər ki, qiymətlər od tutub yanır. Bu günlərdə isə Bakının bazarlarında fərqli mənzərə müşahidə olunur. "Hazırda ərzaq məhsullarının ucuzlaşması müşahidə olunur ki, bu da mövsümi xarakter daşıyır". Milli.Az xəbər verir ki, bu barədə Day.Az saytına Davamlı İnkişafı Araşdırma Mərkəzinin sədri Nəriman Ağayev bildirib. Onun sözlərinə görə, bazardakı kənd təsərrüfatı məhsullarının əksər hissəsi yerli istehsalın payına düşür. "Bu gün bazarlarımız müxtəlif tərəvəzlər (pomidor, xiyar, badımcan, soğan, göyərti) və meyvələrlə (alma, gilas, çiyələk, alça və s.) dolur. Onların qiymətləri də tədricən aşağı düşür. Yerli məhsullar xarici məhsulları sıxışdırır", - o əlavə edib. Ekspertin sözlərinə görə, əsasən pomidor, xiyar, badımcan, soğan, göyərti, ağ gilas kimi məhsulların qiymətləri aşağı düşüb. "Kartof, kök, armud, bəzi alma növləri və bananın qiymətində heç bir dəyişiklik olmayıb. Yaxın zamanlarda Azərbaycan kartof, üzüm kimi məhsulları xarici ölkələrdən idxal edəcək. Ötən qışdakı əlverişsiz hava şəraiti ucbatından bu il həmin məhsullar ucuzlaşmayacaq", - o əlavə edib.
Mənbə: Milli.Az
XƏBƏR LENTİ
- ŞƏRHLƏR