"Danışır Bakı" sözləri ilk dəfə ölkəmizin radio efirində 6 noyabr, 1926-cı il tarixində eşidilib. Bu gün isə həmin tarixdən 87 il ötür. Milli.Az xəbər verir ki, həmin gün ölkə paytaxtının küçələri və meydanlarında qurulmuş reproduktorlardan ilk dəfə "Danışır Bakı!" ifadəsi ətrafa yayıldı. Radioya təkcə Bakıda deyil, ətraf yaşayış məntəqələrində də maneəsiz qulaq asa bilirdilər. O zaman həmin hadisə Azərbaycan xalqının siyasi və mədəni həyatında böyük bir yenilik idi. İlk dövrdə Bakı studiyası indiki İstiqlaliyyət küçəsi, 10 ünvanında yerləşən Azərbaycan Milli Elmlər Akademiyasının əsas binasının (keçmiş İsmailiyyə) üçüncü mərtəbəsində cəmi 3 otaqda fəaliyyət göstərirdi. Bu gün Azərbaycanda dövlət radiosu ilə yanaşı, ictimai və özəl radio şirkətləri, o cümlədən İnternet üzərindən yayımlanan radio kanalları fəaliyyət göstərir. Antenn FM, ANS ÇM, Azad Azərbaycan radiosu, Lider FM, İctimai radio, Xəzər radiosu, Space radio, 106 FM, Media FM, Naxçıvanın səsi kimi radio kanalları fəaliyyət göstərir. Milli.Az kollektivi olaraq biz də radiolarda çalışan həmkarlarımızı bu gün münasibəti ilə təbrik edirik!
Mənbə: Milli.Az
XƏBƏR LENTİ
- ŞƏRHLƏR