Dünyanın ən məşhur paraşütçü və kaskadyorlarından biri Mark Sattonİsveçrədə həlak olub. O, 2012-ci ildə London Yay Olimpiya Oyunlarının təntənəli açılış mərasimində Ceyms Bond rolunda aktyor Deniel Kreyqin dublyoru olmuşdu. Milli.Az Daily Mail-ə istinadən bildirir ki, bədbəxt hadisə İsveçrənin Martinyi kommunasında baş verib. Digər peşəkar paraşütçülərlə birlikdə Martinyiyə gəlmiş Mark Satton vinqsüitlə atılmağa hazırlaşırdı. Vinqsüit - qanadları olan xüsusi kostyumdur və onu geyənlər təyyarədən, yaxud helikopterdən aşağı atılaraq səmada süzürlər. Satton da 3300 metr yüksəklikdəki helikopterdən aşağı atılıb. Atılış zamanı o, qayaya dəyib və ölümcül zədələr alıb.The Evening Standard bildirir ki, 42 yaşlı Mark Satton sabiq hərbçidir. Paraşütçülük və vinqsüitçiliklə yanaşı, Mark Satton beyscampinqdə də ən məşhur fiqurlardan biri idi. İsveçrədəki Alp dağlarına, Martinyiyə yollanmazdan əvvəl o, 39 yaşlı sevgilisiViktoriya Houmvudla birlikdə Fransanın Şamoni bölgəsində istirahət etmişdilər.
XƏBƏR LENTİ
- ŞƏRHLƏR