22:27
Milli.Az xəbər verir ki, Azərbaycan - Malta oyununda üçüncü qol vuruldu. Oyunun 71-ci dəqiqəsində millimizin oyunçusu fərqləndi. Azərbaycan - Malta -3:0.
22:20
Milli.Az xəbər verir ki, Azərbaycan - Malta oyununda ikinci qol vuruldu. Oyunun 63-cü dəqiqəsində millimizin oyunçusu fərqləndi. Azərbaycan - Malta - 2:0.
21:06
Milli.Az xəbər verir ki, Azərbaycan - Malta oyununda hesab açıldı. Oyunun 5-ci dəqiqəsində millimizin oyunçusu Rüfət Dadaşov fərqləndi. Azərbaycan - Malta - 1:0.
21:00
Oyun başladı
09:09
Bu gün futbol üzrə Azərbaycanın əsas yığma komandası növbəti matçına çıxacaq. Azerisport.az xəbər verir ki, Berti Foqtsun rəhbərlik etdiyi yığmamızın budəfəki rəqibi Malta seçməsi olacaq.
Qeyd edək ki, bu, komandamızın 2013-cü ildəki növbəti sınaq matçıdır. Millimiz cari futbol ilində doğma divarlar arasında həm ilk, həm də sonuncu yoxlama görüşünə çıxacaq.
Malta yığması FİFA-nın son açıqlanan reytinq cədvəlində134-cü yeri tutur. Malta zəif rəqib təsiri bağışlasa da, yığmamız bu komandaya heç də yuxarıdan aşağı baxmamalıdır. Düzdür, reytinq cədvəlindəki yerinə görə millimiz (maraq üçün bildirək ki, millimiz hazırda 115-ci pillədə qərarlaşıb) bu rəqibindən xeyli öndədir. Amma bu, maltalıları asanlıqla yenəyəcəyimiz anlamına gəlməməlidir. Baxmayaraq ki, qarşılaşma doğma divarlar arasında keçiriləcək.
Yığmamızın rəqibi DÇ-2014-ün cari seçmə tsiklində B qrupunda yer alıb. İtaliya, Bolqarıstan, Çexiya, Ermənistan və Danimarka ilə mübarizə aparan maltalılar keçirdikləri 6 oyundan yalnız birində qələbə qazanıblar ki, bu da Ermənistanla səfər matçına təsadüf edib. Qalan beş oyunda uduzan Malta cəmi 2 qol vurduğu halda, öz qapısından 14 top buraxıb.
Malta millisinə Pyetro Qedin başçılıq edir. 61 yaşlı italiyalı mütəxəssis 2012-ci ildən etibarən bu yığmanı çalışdırır. O, bundan öncə də (1993-1995-ci illər aralığında) Malta yığmasında çalışıb. 1996-2005-ci illərdə isə Qedin İtaliya millisində assistent kimi fəaliyyət göstərib. 2005-2012-ci illərdə İtaliyanın qadınlardan ibarət yığmasına da rəhbərlik edən bu mütəxəssis indi yenidən Malta futbolunun rifahı üçün çalışır.
Malta Azərbaycan yığması üçün tanış rəqibdir. Millimiz bu rəqibi ilə indiyə qədər üç dəfə üz-üzə gəlib. Lakin təəssüf ki, həmin görüşlərin hamısında məğlub olan tərəf olmuşuq. Özü də səfərdə baş tutan həmin görüşlərin heç birində rəqib qapısına yol tapa bilməmişik. Ta Qalidə keçirilən görüşlərdən birincisində 0:5 (1994), ikincisində 0:3 (2000), sonuncusunda isə 0:1 (2002) hesabıyla uduzmuşuq. İndi millimiz bu rəqibi ilə doğma divarlar arasında keçirəcəyi ilk oyunda buraxdığı 9 cavabsız qolun revanşını almağa çalışmalıdır.
Azərbaycan yığmasına gəlincə, komandamız 2013-cü ildə yeddinci oyununa çıxacaq. Yanvar-fevral aylarına təsadüf edən Dubay toplanışı çərçivəsindəki ilk oyununda Özbəkistanla qarşılaşan təmsilçimiz qolsuz heç-heçəyə razılaşmışdı. Ardından isə Lixtenşteynlə görüşən futbolçularımız 1:0 hesablı qələbəyə imza atmışdılar. Bu ilin ilk rəsmi sınağında yığmamız səfərdə Lüksemburqla qarşılaşıb və 0:0 hesablı heç-heçəyə razılaşıb. Portuqaliya ilə evdəki matçda 0:2 hesabıyla uduzan təmsilçimizin Qətərlə səfər, Lüksemburqla ev oyununda da 1:1 hesabı qeydə alındı.
Malta ilə görüş seçmə mərhələdəki növbəti – İsrail ilə oyuna hazırlıq baxımından böyük əhəmiyyət kəsb edir. Çünki bu, həmin görüş öncəsi son sınaqdır. Baxmayaraq ki, Malta ilə İsrail yığmasını müqayisə etmək bir qədər düzgün çıxmır. Amma hər halda son uğursuzluqları unutdurmaq üçün millimizin Bakıdakı oyunda qələbə qazanmaqdan başqa çıxış yolu yoxdur.
Sonda onu da qeyd edək ki, yığmamız bu gün tarixi ərzində 198-ci matçına çıxacaq. İndiyə qədərki oyunların 35-də qələbə qazanmışıqsa, 52-də də heç-heçə ilə təsəlli tapmışıq. 110 qarşılaşmada isə məğlubiyyətlə üzləşmişik. Topların fərqi də millimizin xeyrinə deyil: 137 qol vurduğumuz halda, öz qapımızdan 342 top çıxarmışıq.
Yoxlama oyunu
14 avqust
21:00. Azərbaycan - Malta
Baş hakim: Aleksandr Əliyev (Qazaxıstan).
Bakı. “Bakcell Arena”.
Mənbə: Milli.Az
Bənzər xəbərlər...
XƏBƏR LENTİ
BÜRCLƏR bizə nə vəd edir?-26 dekabr
Merve Özbeyin xına gecəsinə ulduzlar axın etdi-FOTO
Günəş dəhşət saçır
Beyonse arıqladı - FOTO
"Xallı" geyimləri nə ilə geyməli?
Dünyada ən az danışılan dillər
Çəhrayı rəngli fil balası - VİDEO
Məktəb çantası seçərkən nəyə diqqət etməli?
Məktəb bufetlərində bu ərzaqların satışı qadağan olundu - SİYAHI
Ayaqlarınız xasiyyətdən danışır
Keyfiyyətsiz və istifadə müddəti keçmiş kosmetikalardan istifadə xəstəliklərə yol açır
HAVA necə olacaq?
İlham Əliyevdən komendant rejimi ilə bağlı SƏRƏNCAM
Burma kartof (foto resept)
"Papito" ifaçısı Azərbaycan filminə çəkilib
19 yaşlı qız həyatının şokunu yaşadı-FOTO
Bitkilər və təbabət (5)
Çörək haqqında gələn xəbərlər
Bakıda uzun müddətdən sonra kafe və restoranlar açılışa hazırlaşır - VİDEOREPORTAJ
Yataq otağı rəngləri
Kəklikotunun faydaları
35 yaş böyük kişini sevmək...
Gürcüstanda ən çox yayılmış soyadlar
Rusiya sülhməramlılarından ibarət daha bir karvan Qarabağa gəldi - VİDEO
Arıqlamaq üçün qızıl qaydalar
Ermənilər Cocuq Mərcanlını atəşə tutdu: Yeniyetmə yaralandı - RƏSMİ
Dubaya getməyə hazırlaşanlara bəd xəbər
"Survivor" iştirakçısı haqqında xəbər yayıldı
"Ramo" möhtəşəm ssenari ilə qayıdır
Görüşə gedərkən nə geyməli
Bu qidaları ac mədəyə yesəniz, daha sağlam olarsınız
Əlamətlərinə görə uşağınızın cinsini müəyyən edin
Əliyevə hərbi salam verən Çunayev dünya çempionu oldu
Dənizdə üzən oyuncaq ördəklər
Finlandiyada 16 yaşlı qız bir günlük baş nazir olub
BÜRCLƏR bizə nə vəd edir? -23 MAY
Rosalianın sevimli kostyumları
ÜST rəsmisindən Azərbaycanda koronavirusla bağlı proqnozu
Qırışlar üçün maska
Azərbaycanda koronavirusa yoluxanların sayı 700-dən aşağı düşdü
İnstagram fenomeni akula qurbanı oldu-ŞOK FOTO
Havanı təmizləmək üçün məsləhətlər
Keti Perri ölümdən döndü - FOTO
Kəbədə qəza
Ağıllı fincan hazırlanır
Hotmail tarix olacaq
2015-ci ilin Ford Mustang-ı satıldı
Pinqvin balaları Şaxta baba oldular
Braziliyada həbsxanadan 470 məhbus qaçıb
Maşınlar (Pazl)
- ŞƏRHLƏR