Barselona adı qədim Yunan dilindən götürülmüşdür: "ΒαρκινПЋν", "Barcino", "Barcelo", "Barceno". İspaniyanın ikinci ən böyük şəhəri olan Barselona həmçinin Kataloniya əyalətinin paytaxtıdır.İspaniyanın şimal-şərqində yerləşən liman şəhəri Barselona Kataloniya əyalətinin inzibati mərkəzi sayılır. Əhalisi 1,6 milyon nəfər olan şəhər Beqos və Lyübreqant çayları arasındakı ərazidə yerləşir. Şəhərin əsası eramızdan əvvəl II əsrdə Karfagendən gələnlər tərəfindən qoyulub. II əsrdə romalılar buranı işğal edərək şəhərə Barsina (Barsilo) adını veriblər. İki min illik tarixi, özünəməxsus mədəniyyəti və kataloniya dilli Barselona şəhəri son illər dünyada yüksək səviyyəli turizm məkanı kimi şöhrət qazanıb, çünki şəhər Aralıq dənizi sahilində yerləşir. İlboyu mülayim iqlimi (havanın hərarəti il ərzində orta hesabla +17 dərəcə), zəngin memarlıq və sənət irsi, inkişaf edən iqtisadiyyat və mədəni tərəqqisi ildə üç milyondan artıq turistin bu qədim şəhərə gəlməsinə səbəb olur. Barselonada qışı soyuq, yayı isti və quru keçən iqlim hakimdir. Əsas pul vahidi avrodur. Burada ispan, kataloniya, ingilis, fransız dilləri geniş yayılıb.
Görməli yerlər
Barselona ən gözəl şəhərlərdən biridirBarselona modernizmin paytaxtı sayılır. UNESCO-nun qərarı ilə memarlığın şah əsəri olan beş bina - Quel sarayı, Quel parkı, Kaza Mila (Pedrera) binası, Kataloniya musiqi sarayı, Santa Kreu və San Pau xəstəxanası bəşəriyyətin sərvəti sayılır. Barselonaya təşrif buyuran qonaqlara istirahətlərini şən və mənalı keçirmək üçün hər cür xidmət göstərilir. Burada gəzməli və görməli yerlər olduqca çoxdur; muzey və meydanlar, tarixi binalar və abidələr. Xüsusilə Pikasso muzeyi öz gözəlliyi ilə diqqəti çəkir, burda rəssamın 3000-dən artıq əsəri nümayiş olunur. Şəhərə gələnlər Antonio Qaudinin yaradıcılıq fantaziyasının məhsulu olan binaları görəndə özlərini sanki nağıllar aləmində hiss edirlər. Bütün bunları görüb zövq almaq üçün şəhəri piyada gəzmək məsləhətdir. Nou de la Rambla küçəsində 1886-88-ci illərdə tikilən möhtəşəm Quel sarayı ucalır. Müqəddəs Ailə kilsəsi (Saqrada Familia) dünyada unikal tikili hesab edilir. Kilsənin tikintisi indiyədək davam etsə də, artıq kilsə şəhərin parlaq simvoluna çevrilib. Eləcə də səyahət həvəskarlarını müxtəlif növ əyləncələrlə zəngin olan Attraksionlar parkı çox təəccübləndirir. Kataloniya musiqi sarayı isə modernizmin xəzinəsi hesab edilir.
Turistlərə məsləhət
Barselonada mağaza və bazarlar olduqca çoxdur. Burada ən yaxşı alış-veriş mərkəzi Barrio Gotico sayılır. Şəhərin bu hissəsi dar küçələri ilə məşhurdur. Burada kiçik kafe və barların yanında xeyli mağazalar var. Ancaq diqqətli olmaq lazımdır ki, pulunuzu oğurlamasınlar. Çünki ətrafda cibgirlər çox olur. La Rambla küçəsinin axırında yer alan“ Plasa Katalonya” meydanı şəhərin ən məşhur və əsl alış-veriş mərkəzi hesab olunur. Barselona şəhərinin ürəyi, daha doğrusu, ürəyinin döyündüyü nöqtədir. Bura həmişə insanlarla və göyərçinlərlə dolu olur. Barselonada ən çox maraq çəkən əyləncə əlbəttə, buğa döyüşləridir. Mağazalardan buğa döyüşü aksesuarlarını, eləcə də matador geyimini əldə etmək olur. Lakin buğa döyüşlərinə marağı olmayanların diqqətini milli rəqs - flemenqo geyimləri cəlb edir. Flemenqo İspaniyanın milli rəqsidir, Barselonanın ən çox yaddaşlarda qalan əyləncəsidir. Rəngarəng rəqs paltarları, yelpiklər ən yaxşı hədiyyə ola bilər. Barselona şəhərində əyləncələr səhərə qədər davam edir və hər cür zövqə uyğun əyləncə tapmaq olar. Şəhərin ən uca nöqtəsindən Barselonanın panoramına və limanına baxıb zövq almaq istəyənlər isə Xristofor Kolumbun heykəlinin içində quraşdırılmış liftdən istifadə etməlidirlər. Şəhərdə bir yerdən başqa yerə getmək olduqca asan və rahatdır. Ən yaxşı və sərfəli nəqliyyat vasitəsi isə metrodur.
Bayramlar
Hər bir xalqın bayramları onun adət-ənənəsindən, tarixi köklərindən irəli gəlir. Eləcə də Barselona bayramları, adətləri xalqın inanclarından yaranıb. Barselonada ən çox maraqla izlənilən və bütün dünyada diqqət çəkən ənənələrindən biri öküz döyüşləridir. Qədim tarixə malik bu yarışlarda matadorlar qırmızı pelerinlərini oynadaraq öküzləri hirsləndirir. Qədim inanca görə, matadorların öldürdüyü öküzlərin qanı onları sonradan yenidən doğularaq qüvvətləndirəcək. İndi İspaniya, Barselona deyiləndə ilk fikir məhz öküz döyüşləri olur. Şəhərin ən qədim ənənələrindən biri də milli flemenqo rəqsidir. Rəngarəng geyimlərdə olan qızlar ayaqlarını yerə döyüb, əllərini bir-birinə vurmaqla ritmə uyğun rəqs edirlər. İstənilən şəxsin bu rəqslərə qoşulmaq imkanı olması onu əsl əyləncə vasitəsinə çevirir. Barselona deyiləndə əlbəttə ki, futbol yarışmaları da anılır. Bu da əsl bayram keyfi yaradır və bu kefi yaşamaq üçün FC Barselonanın Nou Camp stadionunda olmaq lazımdır.
Mətbəx
Barselonada hər cür zövqə və cibə uyğun restoran tapmaq olar. Barselona mətbəxi türk mətbəxinə çox yaxındır. Çünki Barselona mətbəxində bol zeytun yağından, bibərli duzlu qarışıqdan istifadə edilir. Balıq, dəniz ünsürlü xörəklər üstünlük təşkil edir. Barselonada yemək vaxtları çaşdırıcı görünə bilər. Onlar, adətən günorta yeməyini saat 14:00-dan sonra, axşam yeməyini isə 23:00-da yeməyə üstünlük verirlər. Səhər yeməyini isə iki dəfə yeyirlər. Ənənəvi olaraq səhər yeməyində qızardılmış çörəyin üstünə zeytun yağı çəkərək yeyilir. Ardınca isə saat 10-11 arasında ikinci səhər yeməyində isə meyvə şirəsi və ya qəhvə, yanında sosiska və ya pendirli sendiviçlərə, “tortilla a la espanola” deyilən kartoflu omletə üstünlük verilir. Barselona mətbəxində zeytun yağı və şirniyyatlar geniş yayılıb. Restorana gedəndə əvvəlcə masanıza paam tomaquet- üzərinə təzə pomidor əzməsi sürtülən çörək verilir. Süfrədə daima acı bibərlə hazırlanan və ya zeytun yağı və sarımsağın əzilməsilə hazırlanan sous tapa bilərsiniz. Barselona mətbəxinin məşhur yeməklərindən biri paella adlı plovdur - toyuq, safran, kalamar kimi dəniz məhsullarından hazırlanır və amanida adlı salatı xüsusilə seçilir. Kartoflu omlet, yanında qızardılmış yaşıl bibər, isti çörək dilimləri üstündə somon balıqları ənənəvi yeməklərdəndir.
Pakizə İsrafilova
Bənzər xəbərlər...
XƏBƏR LENTİ
Ramiz Mehdiyevdən ermənilərə sarsıdıcı zərbə
Təşvişə düşən Ermənistan yeni silah axtarışına çıxıb
Məşhur cütlüyün model qızı 17 yaşını belə qeyd edir-FOTO/VİDEO
Qışda saçlara qulluq
Jennifer Lopezin illərə görə dəyişən tərzi
İsrail parlamentində yolka yasaqlandı
Hava haqqında
Təsirli Lamborghini Aventador
Mən quldur Ermənistan hakimiyyətindən xilas olmağımızı həsrətlə gözləyirəm!
Erməni taborunun şəxsi heyəti müdafiə mövqelərini tərk edərək qaçır - RƏSMİ
Ermənilərin Xankəndidən qaçmasının görüntüləri yayıldı - VİDEO
Qadınlar niyə yalan danışır?
Ali Baş Komandan: “Müharibəyə hazırlaşırdıq və bunu gizlətmirdik”
Azərbaycanda daha bir nəfər koronavirusdan öldü: 110 yeni yoluxma
Microsoft strategiyanı dəyişdi
"Ermənistanda başa düşürlər ki, Azərbaycan Ordusuna qarşı dayana bilməyəcəklər"
Məşhur alimdən yadplanetlilərlə bağlı sensasion açıqlama
"Şahdəniz"in işlənməsi üzrə müqavilənin müddəti 2048-ci ilə kimi uzadılır
Yanan binaya erməni sevinСЃi
COVID-19 peyvəndi 2021-ci ilin ilk yarısında yoxsul ölkələrə çatacaq - ÜST
Ramazan ayına görə 500 məhsulun qiyməti endirildi
Qəhvəli piroq (foto-resept)
Üzgüçülüyün faydaları
Hamilə xanımlar üçün
"Mançester Yunayted"in yeni baş məşqçisi rəsmən bəlli oldu
Məşhur cütlük evləndi
Suvenirin hazırlanma qaydası
Mədən faciəsində hamını ağladan mənzərə
Nazani Ə : "Mən heç kimə, özümə də etibar etmirəm..."
Baxmaqdan doymayacağınız 11 göz makiyajı
Dünyanın ən fotogenik qadını - FOTO
"Uğur sərhəd tanımır"-(Sosial Çarx)
Bu hiylələr çox işinizə yarayacaq
Dünyada ilk dəfə robot filmdə baş rola çəkiləcək - FOTO
Özəl Məsut: onu fərqləndirən nədir?
2020-ci ilin sağlamlıq QOROSKOPU - Hansı bürcü nə gözləyir?
iPad mini-də Retina olacaq
Şahzadənin nişanlısı təriqətini dəyişdi
Bu gün Məhərrəm ayı başlayır
Yeməkdən sonra isti çay içənlərin NƏZƏRİNƏ
Dövlət Xidməti ordu üçün xüsusi ixtisaslı kadrlar hazırlayacaq
Şahzadə toyuna xalqı da ÇAДћIRDI
Uhanda çəkiliş aparan jurnalistlər itkin düşüb - VİDEO
V, VIII və X sinif şagirdləri hansı hallarda sinifdə qalacaqlar?
Dəri çatları üçün yosun maskası
Qvinet Peltrou kimi yaşımıza qalib gələk-1
Öldükdən 5 il sonra qızının doğum gününə...
Xəz-dəri geyimləri - dünən və bu gün
Tərəvəzli makaron (foto-resept)
Demi Lovato hər kəsi TƏƏCCÜBLƏNDİRDİ-FOTO
- ŞƏRHLƏR