Alo, salam Diliş, necəsən? Ağız, bayaqdan “zanit” gedir, kimnən danışırdın?
- Heç, elə-belə mama zəng eləmişdi, yoldaşımın halını soruşurdu.
- Boy az, nolub ki, yoldaşına?
- Ağız, başımıza əməlli-başlı iş gəlib. Dünən “Eşqin alovu” serialına baxırdım, nə bilim, həyəcanlanmışam, televizorun səsini qaldırmışam. Telefonda da Samış öz sinif yoldaşıyla danışırdı. Bunlara məktəbdən təzə forma sırıdılar axı, hə. İndi deyir bu mənə yaraşmır, pis tikiblər, nə bilim rəngi pisdi.
- Əşi, neyləsin, uşaqdı da yəqin xoşuna gəlmir, danlama onu, hə…
- Yox ey, yox. Danlayıb-zad eləmirəm. Mənim də bu məktəb direktoruna acığım tutur ki, ay yemişbaş, pulu zorla yığdırmısan, burnundan gəlsin, heç olmasa qəşəng bir şey tikdirəydin daa…
- Hə də. Bir yandan nazir deyir heç kimi məcbur eləməyin, o biri yandan çağırıb paltar pulu istəyir… Ağız, kişiyə nə olub ee, ondan danış…
- Onu deyirəm dəə, Samış telefonda qızlarla məktəbli formasından danışıb, telefon olub “zanit”, mən də otaqda seryala baxmışam. Kişi gecə qayıdıb evə, qapının zəngini basıb, eşidən olmayıb. Mobilnən evə zəng eləyib - telefon “zanit”. Bir saat qapının ağzında qalıb. Özü danışır, deyir, fikirləşdim ki, ya dəm qazından zəhərlənmisiniz, ya da girib sizi qırıblar içəridə. Tanımırsanmı bizim kişini, çayı bir az gec gətirəndə, deyir elə bildim erməniyə əsir düşdün. Müharibədə kantuziya olub dəə, yazıq. O gün yeməyi bir az mətbəxdə ləngitmişdim. Mən nə desə yaxşıdır? Zalım qızı, gəl çıx daa, dedi, bayaqdan ürək-göbəyimi yemişəm, elə bildim minaya düşübsən.
- Az, onu başa salsan müharibə çoxdan qurtarıb, artıq atəşkəsdə yaşayırıq.
- Yüz dəfə deyirəm, xeyri yoxdu, bunun başında eləcə müharibə gedir. Hə, elə bilər, bizi qırıblar, keçər o tərəfdən yağış “durba”sıyla düz dördüncü mərtəbəyə qalxar. Təzədən istəyər
ki, qonşunun balkonundan öz balkonumuza keçə.
Birdən gözü sataşar ki, qonşunun əri içəridən bunu gördü. Əri durub cumar balkonda bunun üstünə. Mənim də nə xəbərim var, mən də Mahsun Qırmızıgülə baxıram. Demək, təsadüfə bax, seryalda da qırğın gedib, balkonda da. Xəbərin var daa, Mahsun artıq öz eşqini gizlətmir, açıb qıza deyir ki, mən səni sevirəm, öz eşqimə cavab gözləyirəm. Bu vaxt o biri otaqdan qızın sevdiyi oğlan içəri daxil olur. Baxır ki, Mahsun artıq qızın saçlarını sığallayır, tapançanı çıxarıb düz Mahsunun sinəsinə dirəyir. Az qaldı ürəyim ağzımdan çıxa. Deyirəm əsil sevgi doğrudan da var, qız özünü tapançanın qabağına verir ki, məni güllələ, ona dəymə.
- Diliş, qardaş canı, mən də elə bilirdim qız Mahsunu sevmir, sən demə bunun sevgisi gizlində imiş.
- Yox, mən bilirdim, görmədin, Mahsun oxuyanda ki, “hardasan, quşlar uçdu, hardasan, yapayalnızam” - onda qız ağlamışdı. O saat bildim ki, qız artıq ona vurulub, sadəcə, öz qəlbinin dərinliyində sevgisinə cavab gözləyir.
- Diliş, heyf, o gün baxa bilmədim, sizdə iki televizordu, sən ikisinə də paralel baxa bilirsən. Xuan Karlosun axırı necoldu?
- Ağız, bu Xuan Karlos ağladıb məni! Culyana axı, qardaşların ikisini də sevirdi. Axırda məlum oldu ki, Culyananın ən çox meylləndiyi qardaş elə qızın öz doğma qardaşı imiş.
- Bıy, Allah səni xeyirxəbər eləsin, ağız! Mən həmişə istəyirdim ki, qız həmən o birisi qardaşına getsin. Bə necə bildilər ki, doğmadırlar?
- Axırda bir qaraçı arvad gəlib deyir ki, bunlar əkiz idilər, hər ikisini mən doğmuşam və hərəsini bir zəngin adama satmışam. Sonra qaraçı deyir ki, inanmırsınızsa açın, baxın, hər ikisinin göbəyinin sol tərəfində iri, qara xal var. Hər ikisi göbəyini açıb göstərir. Ikisində də xal! Inan, o qədər ağlamışam, o qədər ağlamışam… Samış da deyir, mama az ağla dəə. Deyirəm, a qızım, sən hələ nə bilirsən məhəbbət nədi…
- Aaz, Allah bu Nuşməhərrəmin canını sağ eləsin, o olmasa televizorda nəyə baxardıq. Hə, danış görüm, sonra neylədilər? - Dedilər qabaqca böyük qardaş almalıdı qızı, bir ildən sonra da, elə o göbəyində xal olan qardaşı almalıdı. ortada sevgi var axı, ona görə də bir ildən-bir qızı bir-birinə ötürməlidirlər. Hər üçü də razılaşdı, elə kino beləcə də bitdi, gözün aydın!
- Səni xeyirxəbər olasan, aaz, sən danışdıqca mən də burda ağlayırdım… Nədən danışırdıq, hə bə, balkondakıları n axırı necə oldu?
- Necə olacaq, qonşu yekə, canlı adamdı, kişini götürüb tullayar balkondan aşağı. Yaxşı ki, kişi bir itin üstünə düşər. Elə itin zingiltisinə balkona çıxdıq, görəm nə? Kişi yıxılıb yerə, iniltisi itin zingiltisinə qarışır. Indi evdədi, uzanıb, beyni silkələnib, bir də qolu qırılıb. Məndən düşbərə istəyir, bayaqdan elə sənnən əlixamırlı danışıram.
- Ağız, gör mən neyləmişəm? Seryala baxa-baxa kişinin şalvarını ütüləyirdim. Bilmədim, arxasını yandırdım. Səhər eləcə də geyib getdi. Axşam evə gələndə oğlum deyir ki, ata, arxanda təpik izi var, olmaya səni işdən qovublar, ha, ha, ha!
XƏBƏR LENTİ
Dünyanın ən bahalı qoyunu fantastik qiymətə satıldı
Orduda könüllü xidmət etmək istəyənlərin sayı 38 minə çatdı
Günün qoroskopu: bu gün tələsiklik tələb edən işlər alınmayacaq
Yeni il üçün hədiyyə seçimi
Kakaolu şirniyyat (foto-resept)
Qırışlardan xilas edən maska
Bakıda külək istiqamətini dəyişəcək, rayonlarda duman olacaq
Yas adı ilə yalan SMS göndərənlərə məhdudiyyət qoyulmasına başlanıldı
Dünyada 450 milyondan çox adamın psixi və ya nevroloji problemləri var
Melaniya Trump bu dəfə də Maykl Cekson kimi geyindi-FOTO
Ən çox kim “selfie” çəkdirir?
Hacamat
Azərbaycanda karantin tədbirləri hansı halda yumşaldılacaq? - AÇIQLAMA
Bu da internetlə bağlı statistika
"Şeyla" tortu (foto resept)
Paris Moda Həftəsində üst geyimlər
Suxarili badımcan salatı (foto resept)
Avstraliyada son 8 ilin ən soyuq qışı yaşanır
Sandra Ballokdan ŞOK ETİRAF
Dincəlmək niyə daha çox yorur?
Amerikanın kəşf edilməsi
Bomj lotereyada yarım milyon qazandı
Acından ölən ağaclar və ya sərvətimiz...
Azərbaycanda nəqliyyat kartları tam dəyərli ödəmə vasitəsi olacaq
Futbolçularımız uduzanda cərimələnəcək?
Məşhur cütlüklərin tanışlıq hekayəsi
"Şrek" qərarını verdi
Diqqət! Pul kisənizi bu cibinizdə saxlamayın! - FOTO
Hava haqqında
Qadın Ət Yeyən Virusa Yoluxdu-FOTO
Qadin.Net - 5 YAŞ
3 saatda 34 min xərclədi
Bu muzey 450 milyon dollara satışa çıxarıldı
Kəsmikli gül peçenyesi (foto resept)
İslamda qeybət edənin cəzası
Qoltuqaltı ləkələr üçün maskalar
Vətən Müharibəsində həlak olan 94 mülki şəxsə şəhid statusu verildi - RƏSMİ
Tost çörəyi şirniyyatı (foto resept)
Qadın yazıçı Kəmal Sunalı təhqir etdi
İngiltərədə kafe və restoranlarda müştərilərin hesablarının yarısını hökumət ödəyəcək
Görməniz lazım olan yerlər (2)
Gözəl üzüklər
HAVA necə olacaq?- 21 APREL
Bakının məşhur dairəsi dəyişdirilir
"Oskar" mərasimi - Ən yaxşılar seçildi - FOTO
Saç tökülməsinə qarşı maska
Sonsuzluğun çarəsi tapıldı
Azərbaycan ordusu
Ağrınız varsa nanə qəbul edin.
Yay heyvanlar üçün nə deməkdir?
- ŞƏRHLƏR