1. Əgər insanı elekrik cərəyanı vurursa, onu əlinizlə cərəyandan ayırmağa çalışmayın - sizi də vura bilər. Kontakt yerindən onu (insanı) ayırmaq üçün, elektrik keçirtməyən materiallardan istifadə edin. Misal üçün quru taxta. Əgər çevrəniz yalnız otdursa - onu havada olaraq ayırmağa çalışın (Yəni sizin yerlə əlaqəniz olmasın).
2. Zəhərli ilan sancdığı zaman (məsələn gürzə) zəhəri yaradan sovurmaq faydasızdır. Əvvəlcə, dişlək yerindən dəqiq olaraq dərin kəsik atmaq lazımdır (Ən yaxşısı, xaç şəkilində iki kəsik). Bundan sonra zəhərli qanı "nuşi canlıqla" sovura bilərsiz. Mədəyə düşmüş azacıq zəhər mədə şirəsi tərəfindən məhv ediləcək. Amma yaddan da çıxartmayın ki, ağızınızın daxilində heç bir yara olmamalıdır. Yoxsa, heç də xoşagələn olmayacaqdır - insanı xilas etdi, özü isə doyunca zəhər içdi.
3. Suya düşmüş avtomobilin içindəsinizsə, qapını-pəncərəni açmağa çalışmayın və ya şüşəni sındırmayın - suyun təzyiqindən heç nə alınmayacaq. Ən yaxşısı hay-küy etməyi dayandırın (əgər bacarsanız), sakit oturun və avtomobilin bütünlüklə su ilə dolmasını gözləyin, son anda nəfəsinizi saxlayıb, suyun üzünə çıxmaq lazımdır - təzyiq bərabərləşir və qapını zəhmət çəkmədən açmaq mümkündür.
4. Əgər elektrikötürücü naqildən asılı vəziyyətdə qalmısınızsa, yalnız bir naqildən tutmaq lazımdır. İki naqildən tutmaq cəhdində potensialların fərqlilik törəməsi baş verəcək ki, bu da, ani halda dəri qabığının "yanıb-kül olmasına" səbəb olacaq.
5. Yenə də cərəyan haqqında: Əgər yanınızda ildırım çaxırsa və ya həmin qırılmış naqil yellənirsə - cəld o yerdən ayaqları geniş açmadan uzaqlaşmaq lazımdır. İdealda pəncələri və dizləri bir-birinə sıxmaq lazımdır. Kiçik addımlar ata-ata keçmək lazımdır ki, sağ-salamat qalasız.
6. Yanğın zamanı aşağı mərtəbələrdə olan insanlara nisbətən, yuxarı mərtəbədəkilər tüstüdən boğulmaqla ölürlər. Əgər qurtulmaq imkanı yoxdursa, tez-tələsik vannanı su ilə doldurub, içində uzanmaq lazımdır. Elə uzanmaq lazımdır ki, suyun üzərində bircə burun qalsın. İş orasındadır ki, suyun üzərində təqribən 3 sm. nazikliyində hava qatı vardır. Həyat fəaliyyətinin təhlükəsizlik əsaslarında bu haqda danışıblar və belə bir hadisəni gətiriblər: Mehmanxanada baş verən yanğın zamanı yeganə sağ-salamat qalanlar yapon nümayəndə heyəti olmuşdur. Hansı ki, bu cür "zarafatlardan" başları çıxıb.
7. Avtomobilin əyləc (tormoz) disklərinin nə qədər qızmasını əllə yoxlamaq lazım deyil. Hətta qışda belə. Lazım deyil, heç vaxt. Həmçinin:
- Şaxtada metalı yalamaq.
- Başqa bir insanın metala yapışmış dilini nəfəslə "qızdırmağa" çalışmaq.
- Barmaqları rozetka və ya ət maşınına soxmaq.
- Stimulyator (bitkilərin böyüməsini və inkişafını artıran kimyəvi maddə) ilə barbituratları qarışdırmaq.
- Narkotik satıcılarını ağ tozla saxladıqda, dil ilə bu heroindirmi - deyə yoxlamaq.
8. Ağıza közərmə lampasını soxduqda, onu həkim yardımı olmadan çıxartmaq mümkün olmayacaq. Bunu üzərinizdə yoxlamağa dəyməz. Həqiqətən, dəyməz.
Tərcümə etdi: Fərid Abdullah
XƏBƏR LENTİ
- ŞƏRHLƏR