Bu dəfə, xanımlar, işinizə yarayacaq məsləhət vermək istərdim. Bu kimin üçünsə asan və sadə ola bilər. Evinizdə əşyaların, saç aksessuarlarının, ayaqqabının, köynəyinizin üstündə olan bantı düşübsə, heç də dərd etməyin. Ona uyğun olan rəngdə lentdən bant hazırlayıb üzərinə yapışdıra bilərsiniz. İndiki ayaqqabıların, əsas da uşaq ayaqqabılarının üzərindəki bəzəklər yapışqan ilə yapışdırılır və bir müddətdən sonra düşüb itir. Mən bu bantın kiçik formasını kəsib qızımın ayaqqabılarında da istifadə etmişəm.
Əvvəlcə eyni boyda iki lent kəsirsiz.
Sonra lentin bir ucunu onun 1/3 hissəsi qədərinə gətirin və ilişdirin.
Yenidən o biri tərəfini onunla eyni boyda üstünə gətirib onu da ilişdirin.
Sonra yenidən artıq qalan hissəni geriyə qaytarın.
Sonra yenidən üstünə gətirib ucunu içəri qatlayın.
Barmaqlarınızı sıxın ki, boşalmasın.
Eyni boyda bir lent kəsin və onu iki yerə uzununa bölün.
Kənarlarını yandırın ki, sapları qaçmasın.
Həmin dar lenti qabaq tərəfindən arxaya doğru aparın.
Arxada iki düyünü üst-üstə atın və bərk sıxın ki, açılmasın.
Bantımız hazırdır.
Bu bantdan broşlara, uşaqların paltarlarına və başqa əşyalara yapışdıra, ya da tikə bilərsiniz.
XƏBƏR LENTİ
- ŞƏRHLƏR