Möhtərəm Müsəlmanlar!
Hər vaxt deyildiyi kimi gənclik, bir cəmiyyətin ümidi və sabahlarıdır. Onların inanclı, fəzilətli, sağlam, xoşbəxt və gələcəklərindən ümidli olmaları sabahlarımız üçün çox əhəmiyyətlidir.
Bir ana ata üçün uşağı ən qiymətli varlıqdır. Bu qiymətli varlığı ən gözəl şəkildə yetişdirmək ana və atanın prioritetli vəzifə və məsuliyyətlərindən biridir. Sevimli peyğəmbərimiz (s.ə.v) "Heç bir ata uşağına gözəl tərbiyədən daha üstün bir miras buraxa bilməz" buyuraraq uşaq tərbiyəsinin əhəmiyyətini vurğulamışdır.
Gənclərimizə hər cür mənfiliklərdən uzaq və təhlükələrdən təmizlənilmiş bir mühit hazırlamaq, bir millətin ən fundamental vəzifələrindəndir. Ailələr və millət olaraq nəsilimizi hər növ zərərli vərdişlərə qarşı qorumalı, onlara dürüstlük, hörmət, sevgi, barış, qardaşlıq kimi insani dəyərləri qazandıran bir təhsil verməliyik. Sabahın böyükləri olan gənclərimizin bədəni və ruhi baxımdan sağlam yetişmələri üçün maddi və mənəvi ehtiyaclarını qarşılamaq məcburiyyətindəyik. Bu cür ehtiyacları qarşılanmayan və zərərli axınlardan qoruna bilməyən gənclərimiz çox təəssüf ki, hamımızı dəhşətə salan ardıcıl cinayətlərə və üz qızardan davranışlara belə süründürülə bilməkdədir.
Qiymətli Qardaşlarım!
Gənclərimiz Rəbbimizin bizlərə bir lütfü və əmanətidir. Bu əmanətə ən yaxşı şəkildə sahib çıxmalı, onlara İslami və əxlaqi dəyərlərimizi öyrətməliyik. Gəncliyimizi gözəl bir şəkildə yetişdirmək istəyiriksə, yalnız sözlü xəbərdarlıqlar, öyüdlərlə kifayətlənməyib, ayrıca gözəl nümunə olmalıyıq. Çünki övlad üzərində, ana atanın sözlərindən çox, davranışları təsirli olmaqdadır.
Gənclərimizi batil və azğın inanclardan; siqaret, spirt, qumar, narkotik kimi pis vərdişlərdən qorumalıyıq. İnsanları bu pisliklərə bulaşdıran səbəblərin başında mənfi ətraf və pis yoldaş gəlməkdədir. Ana və ataların övladlarını bu cür zərərlilərdən qorumaları dini və insani öhdəçiliklərindəndir.
Əziz Möminlər!
Gənclik çətin və sancılı bir dövrdür. Bu dövrdə gənclərimizdə bəzi mənfiliklərin görülməsi halında onlara səbir və şəfqətlə yaxınlaşmalıyıq. Biz övladlarımızla nə qədər yaxından maraqlanar, problemlərinə həll tapar və hər cür zərərli təsirlərdən qoruyarsaq; gələcəyimizdən də o nisbətdə əmin olarıq. Çünki gənclik, uca Allahın insanlara bəxş etdiyi ömür nemətinin, çox yaxşı qiymətləndirilməsi lazım olan əhəmiyyətli dövrüdür və tapılmaz bir fürsətdir. Hər nemətdən olduğu kimi bundan da hesaba çəkiləcəyik.
Qiymətli Gənclər!
Gəncliyin keçici bir dövr olduğunu unutmayaq. Bu gümrah dövrü ən yaxşı şəkildə qiymətləndirək. Davamlı olaraq önümüzə, çatmaq istədiyimiz yaxşı bir hədəf qoyaq. Harama halala diqqət yetirib haqqa hüquqa riayət edək. Şeytanın və nəfsimizin pis istəklərinə boyun əymədən, bu qiymətli dövrümüzü Allaha gözəl bir qul, ətrafımıza və insanlığa faydalı bir fərd olaraq keçirməyə cəhd göstərək. Çünki Peyğəmbər Əfəndimiz; gəncliyini Allaha qulluq yolunda keçirənlərin məhşərdə ərşin kölgəsində kölgələnəcəklərini müjdələməkdədir.
Xütbəmizi bir hədisi şəriflə bitirək. "Beş şey gəlmədən əvvəl beş şeyin qiymətini bilin. Ölümdən əvvəl həyatın, xəstəlikdən əvvəl sağlamlığın, məşğuliyyətdən əvvəl boş zamanın, kasıblıqdan əvvəl zənginliyin, qocalıqdan əvvəl gəncliyin qiymətini bilin".
XƏBƏR LENTİ
- ŞƏRHLƏR