Dünyanın ən populyar sosial şəbəkəsi Facebook-un banisi və sahibi Mark Zukerberqin ikinci övladı - Avqustina adlı qızı doğulub.
Milli.Az bildirir ki, 33 yaşlı multimilyarder bu barədə Facebook-dakı səhifəsində yazıb.
O, profilində qızına ünvanlanmış məktub stilində status yazıb. Övladına sehrli, möcüzəli uşaqlıq illəri arzulayan M.Zukerberq ümid etdiyini bildirib ki, övladları üçün gələcək nəsillərə əla məkan ola biləcək dünyanı təmin edə biləcək".
"Avqustina, səni çox sevirik və sevinirik ki, bu macəraya birlikdə yollanacağıq. Sənə mümkün qədər çox sevinc, sevgi və ümid arzulayırıq", - Mark Zukerberqin və xanımı Prissilla Çanın övladlarına ünvanladıqları məktubda yazılır.
Mark Zukerberq xanımının hamiləliyinin son aylarında dekret məzuniyyətinə çıxmışdı. O, ilk dekret məzuniyyətrinə 2015-ci ilin dekabrında, ilk övladı - Maksima adlı qızı doğulandan sonra çıxmışdı.
Facebook əməkdaşlarına 4 aylıq dekret məzuniyyəti verir.
XƏBƏR LENTİ
- ŞƏRHLƏR