Gündəlik ehtiyaclar insanları saatlarca iş masasına məhkum edir. İş qrafiki günü-gündən daha da çətinləşir. Elə məhz bu səbəbdən bu xəbəri sizə təqdim etmək qərarına gəldim. Əminəm ki, çoxunuz bu an bir saniyə belə tərəddüt etmədən istirahətə getmək istəyərdiniz. Aramızda günəşin nə zaman çıxıb, nə zaman batdığının fərqində olmayan işgüzarlar da vardır. İdeal dünyada yaşamış olsaydıq, iş yerlərində işçilər üçün, onların rahatlığı üçün istədikləri qədər zaman verilərdi və aylıq maaşlarından kəsilməzdi. Lakin ideal dünyada yaşamadığımız kimi ideal iş yerlərinə də sahib deyilik. Biriniz öz müdirinizi, digəriniz iş rejiminizi tərif edə bilərsiniz. Lakin hamımız, elə siz də daxil olmaqla bilirsiniz ki, bütün müdirlər işçilərinin gündəlik iş saatlarında yerlərində olmalarını və istirahət üçün tətilə çıxmamalarını istəyirlər. İşləyənlərin 57%-i artıq pul qazanmaq üçün işləyirsə, geri qalan qismi ehtiyac üçün işləyir. Ömür göründüyündən, düşünüldüyündən, fərq edildiyindən də qısadır. Bu qısa həyatda hər birimizin nə dərəcədə istirahətə ehtiyacı olduğunu bəlkə də çoxlarınız dərk etmirsiniz. Ən son nə vaxt günəşin istiliyindən zövq almısınız? Ən son nə vaxt dostlarınızla birlikdə əylənməyə getmiş və bütün dərdlərinizdən uzaqlaşmısınız? İstirahət etmək hər birimiz üçün çox vacibdir. Çünki hamımızın müəyyən vaxtlarda istirahət etməyinə ehtiyacı olur. Buna fiziki də olmasa, mənəvi olaraq ehtiyac duyur. Sizə aşağıda variantlar təqdim edəcəyəm. Əgər bu varintlardan hər hansısa sizdə varsa, mütləq istirahət edin.
1. Hər bazar ertəsi növbəti istirahət günlərinin planını qurursunuzsa.
2. İstirahətə getmək üçün aldığınız yol çantalarına işlətmədiyiniz əşyaları yığırsınızsa.
3. İş həyatınızda hər şey öz dəyərini itirmiş kimidirsə və adi bir tapşırığı etmək belə sizin üçün yorucu görünürsə.
4. Ən son nə vaxt ürəkdən güldüyünüzü xatırlamırsınızsa.
5. Gündəlik işlətdiyiniz əşyalarınızı lazım olduğu an hara qoyduğunuzu xatırlamırsınızsa.
6. İstəməsəniz belə ailə üzvlərinizin və ya dostlarınızın xətrinə dəyirsinizsə.
7. Yatğınız zaman, uzanıb kitab oxuyarkən və ya övladınıza nağıl oxumaq üçün açdığınız kitabın ilk səhifədə göz qapaqlarınızın ağırlaşdığını hiss edirsinizsə.
8. Normalda heç olmadığınız qədər gərginsinizsə.
9. Ətrafınızdakı insanlar sizin yorğun və əzgin göründüyünüzü deyirsə.
10. Ən son nə zaman və harada istirahət etdiyinizi xatırlamayacağınız qədər çoxdan olubsa.
11. Hər səhər yuxudan yorğun oyanırsınızsa.
12. Səsli düşünməyə başlamısınızsa.
13. İnternetin kəsilməsi və ya işıqların sönməsi sizi özünüzdən çıxara bilirsə.
14. Bir zamanlar ilhamınız sayəsində reallaşdırdığınız hobbilərinizi kənara qoymusunuzsa.
15. Nə edəcəyinizi xatırlamadan uzun-uzadı kompüter monitoruna baxırsınızsa.
16. Dostlarınızın dəvətlərini məhz işdən evə gedən kimi yatmağı düşündüyünüz üçün qəbul etmirsinizsə.
17. Yatmaq və yemək yemək həyatınızda ən həyəcanlı işə çevrilibsə.
18. Ən az həftədə bir dəfə işdən çıxmağı düşünüb hər kəsdən uzaqlara qaçmağı düşünürsünüzsə.
19. İş yoldaşınızın istirahəti haqqında danışdığı xatirələrə qulaq asərkən və ya facebookda dostlarınızın paylaşdığı tətil şəkillərini görərkən əsəbləşirsinizsə.
20. Gecə yatağa yatmaq üçün uzanmaq sizin üçün həyatda hər şeydən vacib hala gəlibsə.
Yorğunluğunuzun səbəbi hər nə olursa-olsun, hər kəs kimi sizin də istirahət etmək haqqınız var. Axı həyat düşündüyümüzdən qat-qat qısadır. Hər günü, hər anı dəyərləndirin.
XƏBƏR LENTİ
- ŞƏRHLƏR