Təzəlikcə bir yeni kitab gördüm, diqqətimi cəlb etdi və almağa qərar verdim. Aldığım üçün də heç peşman olmadım. Çox bəyəndim. İstədim ki, sizinlə də bölüşüm. Əsərdə ümumi bir süjet xətti yoxdur. Əsər kiçik hissəcikli mətnlərin birləşməsindən yaranıb. Ümumi dili sadə və axıcıdır. İnsan bir dəfə başladımı, bitirməmiş kitabı əlindən yerə qoymaq istəmirş Zamanımın azlığından dolayı mən bu kitabı təkcə gün yarıma bitirə bildim. İnanıram ki, siz də oxusanız çox bəyənəcsiniz. Beləliklə, Nagehan Karaman "Dönərsən deyə" ("Dönersin diye") Əsərindən seçdiyim və tərcümə etdiyim bəzi hissələr ilə sizi tanış etmək istəyirəm. Buyurun, oxuyun və fikirlərinizi bildirməyi də unutmayın. 
Sən, bəli sən, ilk məni sevmiş olan adam. Artıq başqa bir şəhərdə, başqa qadınların gülüşünə səbəb olan. Onların hər birində məndən bir parça görürəm, hazırda həyatımda yaşatdığım başqa bədənlərdə qarşılaşdığım izlərim kimi. Məni unutduğunu inkar edib dursan belə sən ilk məni sevdin. İndi sevdiklərin sadəcə mənim oxşarlarımdır.
***
Upuzun cümlələrim var sənə aid: çoxu layiq olduğundan daha gözəldir... İndi isə bunların hamısını buraya sakitcə qoyuram... Birdən olar... Geri dönərən...
"Tez aşiq oluram" deyə düşünüb bəzi adamları sevmək üçün səy göstərdim deyə bilərəm. Bəziləri həqiqətən səmimiydi və heç biri sənin kimi sevə bilmirdi. Böyük bir parçamın səninlə getdiyini görürəm. Uşaqlığımın... Həyəcanımın...
***
Sənin sadəcə gedişini sevmədim... Geriyə dönüb baxanda etməyəcəyəm dediyim hər şeyə əsəbiyəmmiş sən demə...
***
Bəziləri özlərini elə aparır ki, sanki heç sevməyiblər. Sevmək... Sözdə var, amma əməldə yoxdur. İş burasındadır ki, düşünərkən yox olmur. Hər zaman bir yolunu tapıb çıxışa çata bilir. Buna səthi baxa bilmək istedadır, yoxsa bəla?
***
Deyəsən biz kədəri də çox sevirik.
İstə və qazan həyatı. Həyat gözləyənə doğru getmir, gözləməyə ərinəni yaşadır.
***
Bu səhər, həqiqətən də, onsuz oyandım. Külək pəncərədən sənə doğru əsirdi və sən, həqiqətən, üşüyürdün. Yorğanı başına çəkdin və onu yanı başında xəyal etdin. Gözlərini yummaq bu işi daha asan hala gətirirdi və yumdun. Ora elə özəl və sənin nəzarətin altında olan bir yer idi ki, külək artıq səni üşütmək əvəzinə isidirdi. Gözlərini gec-tez açacaqdın ki, açdın... Yox idi. Amma gözəl bir sabah olmuşdu sənin üçün. Bir sonrakını görməyə bəhanə...
Mən sonlandırıram artıq. Gerisi səndə... Acı keçmişini təzə nailiyyətlərə çevirmən və dönərsən deyə qurduğun xəyalların, gözlədiyindən az xəyal qırıqlığı keçirməsi diləyi ilə... Başqa bir şəhərdə başqa qadınların gülüşünün səbəbi olan...
P.S: Şəkillərin hər biri özümə məxsusdur! 
Gülər Bayramlı
XƏBƏR LENTİ
- ŞƏRHLƏR