Müəyyən günlərdə qonaqlarımızı qəbul etmək çox köhnə adət-ənənələrimizdəndir.Yaşadığım ölkədə qonaq qəbul etməyin başqa bir ənənəsinə rast gəldim.Bu "Qonaqlıq" xanımlar arasında "Gün toplantısı" adlanır.
Əvvəllər "Gün toplantısı" deyilən şeylər yoxmuş.Əvvəllər dediyimdə söhbət 1950-ci illərdən gedir.Çatqapı gələn qonaqlara məhəllə sobalarında bişirilmiş börəklər,çörəklər,peçenyelər ikram edirmişlər.Tez-tez nimçələr qarışır, peçenye gözləyərkən börəklə qarşılaşırdılar. Evə nə vaxt gələcəyi müəyyən olmayan qonaqlara isə belə böyük hazırlıqlar etmək çətin idi. Ona görə hər evdə peçenye, yanına da Türk qəhvəsi ya da ev istehsalı vişnə, zoğal şirələri ikram olunardı.
Onların uşaqları isə işi dəyişdirdilər... Zəngin süfrələr 60-cı illərdə ortaya çıxdı. Bu dövrdə xanımlar bir yerə toplanaraq ‘‘gün'' keçirməyə başladılar.
O zaman bir az daha fərqli idi hər şey. Hər ayın müəyyən günləri bəzilərinə aid idi. Məsələn ayın 14-ündə Aylin Xanımın günü, 18ində isə Aişə Xanımın günü olduğunu hər kəs bilərdi. O gün ev sahibi kimin gələcəyini bilməsə də oturar hazırlanardı. Qonşular, uzaqdakı yoldaşlar, qohumlar o gün ev sahibinin evində hazırlanıb qonaq gözlədiyini bilərdi. Bu bir az riskli idi, çünki bəzən heç kim gəlməz, bəzən də ev izdihamdan keçilməzdi. Bu günlərin ən əhəmiyyətli xüsusiyyətlərindən biri də edilən tortlar, börekler, süfrənin zənginliyi idi. İlk zamanlarda növ çox idi. Hər kəs hünərini göstərmək isbat etmək istər kimi çox çeşidli bişintilər edərək zəngin süfrələr hazırlayardı. Amma gələnlərin sayı müəyyən olmadığından yeməklər ya çox gəlir ya da çatmırdı.
Pullu gün dövrü
70-ci illərdə, kimin nə vaxt gələcəyi müəyyən olmadan edilən bu günlər bəyənilmədi. Öz rəfiqələrindən ibarət olan qruplarla hər ay birinin evində toplanmağa başladılar. Köhnə günlərə görə ən əhəmiyyətli dəyişiklik qənaət olsun deyə pul toplamağa qərar verilməsiylə oldu. Beləcə ‘‘pullu günlər'' dövrü başladı.
Püşk atılaraq kimin evində toplanacağı təyin olunur, sonra ev sahibi xaric hər kəsdən müəyyən bir miqdar toplanır, ev sahibinə verilirdi.
Hər kəsə ildə bir gün qonaq qəbul etmə və pul götürmə sırası gəlirdi. Qrupun sayı əhəmiyyətli idi: Hər ay bir adam evində qəbul edəcəyi üçün, qrupun ən çox 12 adamdan ibarət olması lazım idi. Bəzi qruplar yayda tətilə getdiklərindən günlərə ara verirdilər. Qrupun ən ideal adam sayı 11 idi. Çünki beləcə toplanan pul ev sahibini çıxardığı xərcə uyğun gəlirdi.
Hə,əziz Qadin.net xanımları "Gün toplantısı" türk xanımlarında elə indi də davam etməkdədir.Mən bura gələndə bu toplantını ilk dəfə qaynanamın rəfiqələri ilə keçirdiyi "Gün"lərdə gördüm.Əslində çox da bəyəndim belə bir ənənəni.Deməli,onların qrupu 12 nəfərdən ibarətdir,kimisi uşaqlıq rəfiqəsi,kimisi orta məktəbdən sinif yoldaşı,kimisi də köhnə qonşusu və s.Bu xanımlar artıq illərdir bu toplantıda iştirak edir,sevinclərini,problemlərini,uğurlarını,övladlarının böyüməsini bölüşür,amma hər biri ayda sadəcə bir dəfə.İkramlardan daha nə deyim,hərə öz məharətini göstərirdi.
Xanımlar,sizlərə müraciət edirəm,belə bir "Gün toplantıları" Qadin.net xanımları arasında da keçirilsə (pulsuzundan təbii ki 
) necə olar?
XƏBƏR LENTİ
- ŞƏRHLƏR