Porsiya - 2-3 nəfərlik
Tərkibi:
Küftə üçün:
500 qr qiymə
4 dilim bayat çörək içi
1 ədəd baş soğan, duz, istiot
İç üçün:
4 ədəd orta boy kartof
1 stəkan süd
Üzəri üçün:
3-4 x.q. kərə yağı
1 ç.q. qırmızı pul bibər
Hazırlanması:
Qiymə geniş bir qaba alınır, üzərinə ovulmuş bayat çörək içi, rəndələnmiş baş soğan, duz və istiot qatılıb yoğrulur.
Hazırlanmış qiymə xəmirindən ovuc böyüklüyündə qiymələr qopararaq ortası boş kasalar düzəldilir.
Düzəltdiyiniz kasaları yağlı kağız sərilmiş soba listinə yerləşdirin.
Digər tərəfdən kartofları qaynadın.
Qabıqlarını soyub rəndələyin.
Üzərinə süd, duru yağ və duz əlavə edib çəngəllə qarışdırın, əzərək püre halına gətirin.
Daha sonra püreni bir mətbəx şprisinə, yaxud sıxma torbasına dolduraraq və hazırladığınız küftə kasalarının içinə sıxın.
200 dərəcə sobada üzərləri qızarana qədər bişirin.
Sobadan çıxardıqdan sonra hər bir küftənin üəzrinə fındıq boyda kərə yağı parçası qoyub qırmızı pulbibər səpərək servis edin.
Nuş olsun!
XƏBƏR LENTİ
- ŞƏRHLƏR